ജനറൽ ആശുപത്രിയിലെ മണ്ണു​െകാണ്ട്​ കോടിമത-മുപ്പായ്ക്കാട് റോഡ് ഉയർത്തും

കോ​ട്ട​യം: ജ​ന​റ​ൽ ആ​ശു​പ​ത്രി കോ​മ്പൗ​ണ്ടി​ലെ മ​ണ്ണ് നീ​ക്കം ചെ​യ്യാ​ത്ത​തു​മൂ​ലം മ​ൾ​ട്ടി സ്പെ​ഷാ​ലി​റ്റി ഹോ​സ്പി​റ്റ​ലി​ന്‍റെ നി​ർ​മാ​ണം വൈ​കു​ന്ന ദു​ര​വ​സ്ഥ​ക്ക് പ​രി​ഹാ​ര​മാ​കു​ന്നു. മ​ണ്ണ് ആ​ല​പ്പു​ഴ​യി​ലേ​ക്ക് കൊ​ണ്ടു​പോ​കാ​നാ​യി​രു​ന്നു ആ​ദ്യം ആ​ലോ​ച​ന​യെ​ങ്കി​ലും അ​ധി​ക​ച്ചെ​ല​വ് മൂ​ലം 2023ൽ ​വേ​ണ്ടെ​ന്ന്​ വെ​ച്ചി​രു​ന്നു. തു​ട​ർ​ന്ന് ഈ ​മ​ണ്ണ് കോ​ട്ട​യം, ഏ​റ്റു​മാ​നൂ​ർ നി​യോ​ജ​ക മ​ണ്ഡ​ല​ങ്ങ​ളി​ൽ പൊ​തു​ആ​വ​ശ്യ​ത്തി​ന് ഉ​പ​യോ​ഗ​പ്പെ​ടു​ത്താ​ൻ മ​ന്ത്രി വി.​എ​ൻ. വാ​സ​വ​നും തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ​യും ക​ല​ക്ട​റും ഉ​ൾ​പ്പെ​ടെ​യു​ള്ള​വ​ർ പ​​ങ്കെ​ടു​ത്ത 2024 ജ​നു​വ​രി​യി​ലെ യോ​ഗ​ത്തി​ൽ തീ​രു​മാ​നി​ച്ചു.

പ​ദ്ധ​തി അ​ന​ന്ത​മാ​യി വൈ​കു​ന്ന​തി​ൽ അ​സ്വ​സ്ഥ​രാ​യി​രു​ന്ന നി​ർ​മാ​ണ ക​രാ​റു​കാ​ർ, തൊ​ട്ട​ടു​ത്താ​ണെ​ങ്കി​ൽ ത​ങ്ങ​ളു​ടെ ചെ​ല​വി​ൽ മ​ണ്ണ്​ മാ​റ്റാ​നും സ​മ്മ​തി​ച്ചു. 2018ൽ ​പ്ര​ഖ്യാ​പി​ച്ച 129.89 കോ​ടി​യു​ടെ 10 നി​ല​ക​ളു​ള്ള ബ​ഹു​നി​ല മ​ന്ദി​ര നി​ർ​മാ​ണ​ത്തി​ന്‍റെ ഒ​ന്നാം ഘ​ട്ടം 2025 ജ​നു​വ​രി​യി​ൽ പൂ​ർ​ത്തീ​ക​രി​ക്കേ​ണ്ട​താ​യി​രു​ന്നു. നീ​ക്കം ചെ​യ്യു​ന്ന മ​ണ്ണ് കോ​ട്ട​യം, ഏ​റ്റു​മാ​നൂ​ർ മ​ണ്ഡ​ല​ങ്ങ​ളി​ൽ ഉ​പ​യോ​ഗ​പ്പെ​ടു​ത്താ​നു​ള്ള ഉ​ന്ന​ത​ത​ല യോ​ഗ​ത്തി​ലെ ധാ​ര​ണ​യു​ടെ ഭാ​ഗ​മാ​യി മ​ന്ത്രി വാ​സ​വ​നും തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ​യും മ​ണ്ണ് എ​വി​ടെ ഉ​പ​യോ​ഗ​പ്പെ​ടു​ത്ത​ണ​മെ​ന്ന് നി​ർ​ദേ​ശ​ങ്ങ​ൾ മു​ൻ ക​ല​ക്ട​ർ​ക്ക് ന​ൽ​കി​യി​രു​ന്നു. തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ നി​ർ​ദേ​ശി​ച്ച​ത് എം.​സി റോ​ഡി​നെ​യും ഈ​ര​യി​ൽ​ക്ക​ട​വ് റോ​ഡി​നെ​യും ബ​ന്ധി​പ്പി​ച്ചു​കൊ​ണ്ട് മു​പ്പാ​യ്​ പാ​ടം വ​ഴി മു​പ്പാ​യ്ക്കാ​ടി​നു​ള്ള റോ​ഡ് എ​ട്ട് മീ​റ്റ​ർ വി​തി​യി​ൽ എം.​സി റോ​ഡി​ന്‍റെ പൊ​ക്ക​ത്തി​ൽ ഉ​യ​ർ​ത്താ​നാ​ണ്.

വെ​ള്ള​ക്കെ​ട്ട്, മാ​ലി​ന്യം ത​ള്ള​ൽ, സാ​മൂ​ഹി​ക​വി​രു​ദ്ധ ശ​ല്യം തു​ട​ങ്ങി കോ​ടി​മ​ത-​മു​പ്പാ​യ്ക്കാ​ട് റോ​ഡ് നി​ര​ന്ത​രം വാ​ർ​ത്ത​ക​ളി​ൽ ഇ​ടം​പി​ടി​ച്ചി​രു​ന്നു. ഈ ​റോ​ഡ് മു​നി​സി​പ്പാ​ലി​റ്റി​യു​ടേ​താ​ണെ​ങ്കി​ലും 2019ൽ ​മ​ധ്യ​ഭാ​ഗ​ത്ത് 200 മീ​റ്റ​ർ ടാ​ർ ചെ​യ്ത​തൊ​ഴി​ച്ചാ​ൽ ന​ഗ​ര​സ​ഭ പ​ണ​മേ മു​ട​ക്കി​യി​ട്ടി​ല്ല. മേ​ഴ്സി ര​വി എം.​എ​ൽ.​എ​യാ​യി​രി​ക്കെ 2004ൽ ​വെ​ള്ള​പ്പൊ​ക്ക ദു​രി​താ​ശ്വാ​സ പ​ദ്ധ​തി​യി​ൽ ഉ​ൾ​പ്പെ​ടു​ത്തി പ​ടി​ഞാ​റു​ഭാ​ഗം പു​ന​രു​ദ്ധ​രി​ക്കു​ക​യും 2007ൽ ​എം.​എ​ൽ.​എ ഫ​ണ്ട് ഉ​പ​യോ​ഗി​ച്ച് റോ​ഡ് കോ​ൺ​ക്രീ​റ്റ് ചെ​യ്യു​ക​യും ഉ​ണ്ടാ​യെ​ങ്കി​ലും ഭാ​ര​വ​ഹ​ന​ങ്ങ​ൾ ക​യ​റി റോ​ഡ് ത​ക​ർ​ന്നു. 2019ൽ ​തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ റോ​ഡി​ന് ഫ​ണ്ട് അ​നു​വ​ദി​ച്ച​ങ്കി​ലും ക​രാ​ർ ഏ​റ്റെ​ടു​ക്കാ​ൻ ആ​ളു​ണ്ടാ​യി​ല്ല. ജി​ല്ല ആ​ശു​പ​ത്രി​യി​ൽ​നി​ന്ന് നീ​ക്കം ചെ​യ്യു​ന്ന മ​ണ്ണ് കോ​ടി​മ​ത-​മു​പ്പാ​യ്ക്കാ​ട് റോ​ഡി​ൽ അ​ടി​ക്ക​ണ​മെ​ന്ന ആ​വ​ശ്യം ഉ​ന്ന​യി​ച്ച് എം.​എ​ൽ.​എ ക​ല​ക്ട​ർ​ക്ക് ക​ത്തു​ന​ൽ​കി​യി​രു​ന്നു. ന​ഗ​ര​സ​ഭ​യി​ലെ എ​ൻ​ജി​നീ​യ​റി​ങ്​ വി​ഭാ​ഗം ചി​ല ത​ട​സ്സ​ങ്ങ​ൾ ഉ​ന്ന​യി​ച്ച​തി​നെ തു​ട​ർ​ന്ന് പ​ല​ത​വ​ണ എം.​എ​ൽ.​എ ക​ല​ക്ട​റു​ടെ സാ​ന്നി​ധ്യ​ത്തി​ൽ ഉ​ദ്യോ​ഗ​സ്ഥ​രു​ടെ യോ​ഗം ചേ​ർ​ന്നാ​ണ് വ​ർ​ക്കു​മാ​യി മു​ന്നോ​ട്ടു പോ​കാ​ൻ തീ​രു​മാ​നി​ച്ച​ത്.

തു​ട​ർ​ന്ന് എം.​എ​ൽ.​എ​യും നി​ർ​മാ​ണ​ച്ചു​മ​ത​ല​യു​ള്ള ഇ​ൻ​ക​ൽ പ്ര​തി​നി​ധി​ക​ളും ഈ ​കാ​ര്യം ന​ട​ത്താ​ൻ ഫ​യ​ൽ പി​ന്തു​ട​ർ​ന്നെ​ങ്കി​ലും ന​ട​പ​ടി​ക്ര​മ​ങ്ങ​ളും അ​നു​മ​തി​കളും വൈ​കു​ക​യാ​യി​രു​ന്നു. ഇ​പ്പോ​ഴും ക​ല​ക്ട​റു​ടെ അ​ന്തി​മ അ​നു​മ​തി​യാ​യാ​ലേ മ​ണ്ണ് നീ​ക്കം ചെയ്യാൻ ക​ഴി​യു​ക​യു​ള്ളൂ. ര​ണ്ട് ദി​വ​സ​ത്തി​നു​ള്ളി​ൽ തീ​രു​മാ​ന​മാ​കു​മെ​ന്നാ​ണ് പ്ര​തീ​ക്ഷ​യെ​ന്ന് എം.​എ​ൽ.​എ പ​റ​ഞ്ഞു. എം.​എ​ൽ.​എ ഫ​ണ്ട് ഉ​പ​യോ​ഗി​ച്ച് ഈ ​റോ​ഡി​ന്‍റെ വ​ശം കെ​ട്ടി ടാ​റി​ങ്ങും ന​ട​ത്തു​മെ​ന്ന് തി​രു​വ​ഞ്ചൂ​ർ അ​റി​യി​ച്ചു.