‘കോതായം’; ബൗദ്ധ പാരമ്പര്യം തേടിയുള്ള യാത്ര

കോ​ട്ട​യം: കേ​ര​ള​ത്തി​ന്‍റെ​യും വി​ശി​ഷ്യാ കോ​ട്ട​യ​ത്തി​ന്‍റെ​യും ബൗ​ദ്ധ പാ​ര​മ്പ​ര്യം തേ​ടി​യു​ള്ള യാ​ത്ര​യാ​ണ്​ ഡി.​സി. കി​ഴ​ക്കേ​മു​റി​യി​ട​ത്തി​ലെ കേ​ര​ള ല​ളി​ത​ക​ല അ​ക്കാ​ദ​മി ആ​ർ​ട്ട് ഗാ​ല​റി​യി​ൽ ന​ട​ക്കു​ന്ന​ സം​ഘ​ചി​ത്ര പ്ര​ദ​ർ​ശ​നം. അ​നി​രു​ദ്ധ് രാ​മ​ൻ, ഡോ. ​അ​ജ​യ് എ​സ്. ശേ​ഖ​ർ എ​ന്നീ ക​ലാ​കാ​ര​ൻ​മാ​രാ​ണ്​ ‘കോ​താ​യം’ എ​ന്നു പേ​രി​ട്ടി​രി​ക്കു​ന്ന പ്ര​ദ​ർ​ശ​നം സം​ഘ​ടി​പ്പി​ച്ചി​രി​ക്കു​ന്ന​ത്. ഗോ​ത​മ ബു​ദ്ധ​നെ സൂ​ചി​പ്പി​ക്കു​ന്ന പ്രാ​ചീ​ന ത​മി​ഴ് പ​ദ​മാ​ണ് ‘കോ​ത’.

സം​സ്കാ​രി​ക അ​ധി​നി​വേ​ശ​ങ്ങ​ളെ​ത്തു​ട​ർ​ന്ന് ‘കോ​താ​യം’ ‘കോ​ട്ട​യം’ ആ​യി മാ​റി​യെ​ന്നാ​ണ് വ്യാ​ഖ്യാ​നം. ഇ​പ്പോ​ഴും കോ​ട്ട​യ​ത്തി​ന്‍റെ കി​ഴ​ക്ക​ൻ​മേ​ഖ​ല​യെ പ​രി​ഹാ​സ രൂ​പേ​ണ ‘കോ​ത്താ​ഴം’ എ​ന്ന് പ​റ​യാ​റു​ണ്ട്. ബൗ​ദ്ധ​രെ അ​പ​ര​വ​ത്ക​ര​ണ​ത്തി​ലൂ​ടെ പ​രി​ഹാ​സ​വ​ത്ക​രി​ച്ച് ഇ​ല്ലാ​യ്മ ചെ​യ്ത​തി​ന്റെ ഭാ​ഷ അ​ട​യാ​ള​മാ​യി​ട്ടാ​ണ് ‘കോ​താ​യം’ എ​ന്ന് ക​ണ​ക്കാ​ക്കു​ന്ന​ത്. ന​ഗ​ര​ത്തോ​ടു ചേ​ർ​ന്ന ഈ​ര​യി​ൽ​ക്ക​ട​വി​ൽ തി​രു​ഗോ​ത​മ​പു​രം എ​ന്ന പേ​രി​ൽ ക്ഷേ​ത്ര​മു​ണ്ട്.

കി​ളി​രൂ​ർ, നീ​ലം​പേ​രൂ​ർ എ​ന്നീ ബു​ദ്ധ​വി​ഹാ​ര​ങ്ങ​ളെ​യും പ്ര​ദ​ർ​ശ​നം ഓ​ർ​മി​പ്പി​ക്കു​ന്നു. ഹി​ന്ദു​ത്വ ഭീ​ക​ര​ത​യു​ടെ കാ​ല​ത്ത്​ ബൗ​ദ്ധ സം​സ്കാ​ര​ത്തെ ഉ​പ​യോ​ഗി​ച്ച്​ സാം​സ്കാ​രി​ക​മാ​യി പ്ര​തി​രോ​ധി​ക്കു​ക​യാ​ണ്​ ഇ​ത്ത​രം പ്ര​ദ​ർ​ശ​ന​ത്തി​ലൂ​ടെ ഉ​ദ്ദേ​ശി​ച്ച​തെ​ന്ന്​ അ​നി​രു​ദ്ധ് രാ​മ​നും ഡോ. ​അ​ജ​യ് എ​സ്. ശേ​ഖ​റും പ​റ​ഞ്ഞു. ബൗ​ദ്ധ സം​സ്കാ​ര​ത്തെ എ​ങ്ങ​നെ ഹൈ​ന്ദ​വ​ത കീ​ഴ​ട​ക്കി എ​ന്നും ജാ​തി​വ്യ​വ​സ്ഥ​യു​ടെ വ​ര​വും ഹൈ​ന്ദ​വ​ത​യു​ടെ അ​ഹിം​സാ​മു​ഖ​വു​മാ​ണ്​ ചി​ത്ര​ങ്ങ​ളി​ൽ കാ​ണു​ന്ന​ത്. അ​മ്പ​തോ​ളം ചി​ത്ര​ങ്ങ​ൾ​ക്കൊ​പ്പം പ്രാ​ചീ​ന ബൗ​ദ്ധ പു​രാ​വ​സ്തു​ക്ക​ളു​​ടെ​യും ഇ​ട​ങ്ങ​ളു​ടെ​യും ഫോ​ട്ടോ​ക​ളും അം​ബേ​ദ്​​ക​ർ, അ​യ്യ​ൻ​കാ​ളി തു​ട​ങ്ങി​യ ന​വോ​ത്ഥാ​ന നാ​യ​ക​രു​ടെ പോ​ർ​ട്രെ​യി​റ്റു​ക​ളു​മു​ണ്ട്.

ച​വ​രി​മ​ല(​ശ​ബ​രി​മ​ല), ക​ട്ടി​ല​മാ​ടം, ക​ഴു​വേ​റ്റി​ക്ക​ല്ല്, കോ​ട്ട​യ​ത്തെ വെ​ള്ളി​ലാ​പ്പ​ള്ളി​യി​ൽ​നി​ന്നു കി​ട്ടി​യ ബു​ദ്ധ​ശി​ര​സ്സ്, ബോ​ധി​സ​ത്വ​ൻ​ എ​ന്നി​വ​യും ഫോ​ട്ടോ​ക​ളി​ലു​ണ്ട്. അ​ക്രി​ലി​ക്കി​ലും ചാ​ർ​ക്കോ​ളി​ലും മി​ശ്ര​മാ​ധ്യ​മ​ങ്ങ​ളി​ലു​മാ​ണ് ക​ലാ​ര​ച​ന​ക​ൾ. കാ​ല​ടി സ​ർ​വ​ക​ലാ​ശാ​ല​യി​ലെ ഇം​ഗ്ലീ​ഷ്​ വി​ഭാ​ഗം അ​സോ.​ പ്ര​ഫ​സ​റാ​ണ് ഗാ​ന്ധി​ന​ഗ​ർ സ്വ​ദേ​ശി​യാ​യ​ അ​ജ​യ്​ എ​സ്. ശേ​ഖ​ർ. കാ​ഞ്ഞി​ര​പ്പ​ള്ളി പാ​റ​​ത്തോ​ട്​ സ്വ​ദേ​ശി​യാ​യ അ​നി​രു​ദ്ധ്​ രാ​മ​ൻ ഡ​യ​റ്റി​ൽ ക​ലാ​ധ്യാ​പ​ക​നും. ബു​ദ്ധി​സ​ത്തി​ന്‍റെ ച​രി​ത്രം പ​ഠി​ക്കു​ന്ന ഇ​രു​വ​രും ആ​ദ്യ​മാ​യാ​ണ്​ ഇ​ത്ത​ര​ത്തി​ലൊ​രു പ്ര​ദ​ർ​ശ​നം സം​ഘ​ടി​പ്പി​ക്കു​ന്ന​ത്.

തി​ങ്ക​ളാ​ഴ്ച ആ​ർ​ട്ട്​ ഗാ​ല​റി​യി​ൽ ന​ട​ന്ന സം​വാ​ദ​ത്തി​ൽ കെ.​ജി. കൃ​ഷ്ണ​കു​മാ​ർ, അ​ഡ്വ. ​കെ. ​അ​നി​ൽ​കു​മാ​ർ എ​ന്നി​വ​ർ പ​​ങ്കെ​ടു​ത്തു. ചൊ​വ്വാ​ഴ്ച അ​ഞ്ചി​ന്​ എം.​ആ​ർ. രേ​ണു​കു​മാ​ർ കാ​വ്യ​ഭാ​ഷ​ണം നി​ർ​വ​ഹി​ക്കും. ബു​ധ​നാ​ഴ്ച നാ​ലി​ന്​ വി.​വി. സ്വാ​മി​യും അ​ഞ്ചി​ന്​ മ​നോ​ജ് കു​റൂ​രും സം​വ​ദി​ക്കും. 13 വ​രെ പ്ര​ദ​ർ​ശ​നം കാ​ണാം. 10 മു​ത​ൽ 6.30 വ​രെ​യാ​ണ് സ​മ​യം.