ദുരിതമൊഴിയാതെ കോട്ടയം ജില്ല ജനറൽ ആശുപത്രി; കാന്‍റീൻ ഇല്ലാതായിട്ട്​ വർഷങ്ങൾ

കോ​ട്ട​യം: 680 ജീ​വ​ന​ക്കാ​രും 374 കി​ട​ക്ക​യു​മു​ള്ള ആ​ശു​പ​ത്രി​യി​ൽ വ​ർ​ഷ​ങ്ങ​ളാ​യി​ട്ടും കാ​ന്‍റീ​ൻ തു​ട​ങ്ങാ​ൻ ന​ട​പ​ടി​യി​ല്ല. നേ​ര​ത്തേ ഉ​ണ്ടാ​യി​രു​ന്ന കാ​ന്‍റീ​ൻ 2015ന്​ ​മു​മ്പ്​ പ്ര​വ​ർ​ത്ത​നം നി​ല​ച്ച​താ​ണ്. മാ​നേ​ജ്​​മെ​ന്‍റ്​ ക​മ്മി​റ്റി യോ​ഗ​ങ്ങ​ളി​ൽ എ​ന്നും ഉ​ന്ന​യി​ക്കു​ന്ന വി​ഷ​യ​മാ​ണ്​ ജി​ല്ല ജ​ന​റ​ൽ ആ​ശു​പ​ത്രി​യി​ൽ കാ​ന്‍റീ​ൻ വേ​ണ​മെ​ന്ന​ത്. പു​തി​യ കാ​ന്‍റീ​ൻ തു​ട​ങ്ങാ​നും കു​ടും​ബ​ശ്രീ​യെ ഏ​ൽ​പി​ക്കാ​നു​മാ​യി​രു​ന്നു ധാ​ര​ണ.

കു​ടും​ബ​ശ്രീ​ക്കും താ​ൽ​പ​ര്യ​മു​ണ്ട്. എ​ന്നാ​ൽ, ആ​ശു​പ​ത്രി അ​ധി​കൃ​ത​ർ​ക്ക്​ താ​ൽ​പ​ര്യ​മി​ല്ല. കു​ടും​ബ​ശ്രീ പ്ര​തി​നി​ധി​ക​ളെ യോ​ഗ​ത്തി​ലേ​ക്ക്​ വി​ളി​ക്കാ​നോ ച​ർ​ച്ച ന​ട​ത്താ​നോ ശ്ര​മി​ച്ചി​ട്ടി​ല്ല. മാ​നേ​ജ്​​മെ​ന്‍റ്​ ക​മ്മി​റ്റി തീ​രു​മാ​ന​ങ്ങ​ൾ വ​ക​വെ​ക്കാ​തെ ഉ​ദ്യോ​ഗ​സ്ഥ​ർ സ​മാ​ന്ത​ര​യോ​ഗം ചേ​ർ​ന്ന്​ കാ​ര്യ​ങ്ങ​ൾ തീ​രു​മാ​നി​ക്കു​ക​യാ​​ണെ​ന്ന്​ വ്യാ​പ​ക ആ​ക്ഷേ​പ​മു​ണ്ട്. ഏ​ഴു​മു​ത​ൽ 12വ​രെ വാ​ർ​ഡു​ക​ൾ ഇ​പ്പോ​ൾ പൊ​ളി​ച്ചെ​ങ്കി​ലും ആ​ശു​പ​ത്രി​യി​ലെ​ത്തു​ന്ന രോ​ഗി​ക​ളു​ടെ എ​ണ്ണ​ത്തി​ൽ കു​റ​വി​ല്ല. ദി​നം​പ്ര​തി 2000-3000 വ​രെ രോ​ഗി​ക​ൾ എ​ത്തു​ന്നു​ണ്ട്. 374 കി​ട​ക്ക​ക​ൾ എ​ന്നാ​ൽ, കൂ​ട്ടി​രി​പ്പു​കാ​രെ കൂ​ടി പ​രി​ഗ​ണി​ച്ചാ​ൽ 700ല​ധി​കം​പേ​ർ വ​രും. ഇ​വ​രെ​ല്ലാം പു​റ​ത്ത്​ ഹോ​ട്ട​ലു​ക​ളെ ആ​ശ്ര​യി​ക്കു​ക​യാ​ണ്. ആ​ശു​പ​ത്രി​യി​ൽ കാ​ന്‍റീ​ൻ തു​ട​ങ്ങി​യാ​ൽ രോ​ഗി​ക​ൾ​ക്ക്​ ഏ​റെ ഉ​പ​കാ​ര​പ്ര​ദ​മാ​കും. വേ​ണ്ട​ത്ര സ്ഥ​ല​വു​മു​ണ്ട്. എ​ന്നാ​ൽ, അ​ത്ത​രം കാ​ര്യ​ങ്ങ​ളി​ലൊ​ന്നും അ​ധി​കൃ​ത​ർ​ക്ക്​ താ​ൽ​പ​ര്യ​മി​ല്ല.

ഇ​നി​യും മു​റി​ക്ക​ണം 15 മ​ര​ങ്ങ​ൾ

കോ​ട്ട​യം: ജി​ല്ല ജ​ന​റ​ൽ ആ​ശു​പ​ത്രി​യി​ൽ ബ​ഹു​നി​ല മ​ന്ദി​രം നി​ർ​മി​ക്കാ​ൻ ​മു​റി​ച്ചു​മാ​റ്റേ​ണ്ട​ത്​ 57 മ​ര​ങ്ങ​ൾ. എ​ന്നാ​ൽ, നീ​ക്കി​യ​ത്​ 42 മ​ര​ങ്ങ​ൾ മാ​ത്രം. ഇ​വ മു​റി​ക്കാ​ൻ വീ​ണ്ടും ടെ​ൻ​ഡ​ർ ക്ഷ​ണി​ച്ചി​രി​ക്കു​ക​യാ​ണ്. സ്ഥ​ല​പ​രി​ശോ​ധ​ന ന​ട​ത്താ​തെ ഉ​ദ്യോ​ഗ​സ്ഥ​ർ ന​മ്പ​റി​ട്ട​താ​ണ്​ ഈ ​പ്ര​ശ്ന​ങ്ങ​ൾ​ക്ക്​ കാ​ര​ണം. ന​മ്പ​റി​ട്ട​വ മു​റി​ച്ചു​മാ​റ്റി​യ​പ്പോ​ഴാ​ണ്​ ന​ടു​വി​ൽ 15 മ​ര​ങ്ങ​ൾ ബാ​ക്കി​യാ​യ​ത്. മ​ഹാ​ഗ​ണി, ​ക​ണി​ക്കൊ​ന്ന തു​ട​ങ്ങി​യ മ​ര​ങ്ങ​ൾ​ക്ക്​ സാ​മൂ​ഹി​ക വ​ന​വ​ത്​​ക​ര​ണ വി​ഭാ​ഗം 2.14 ല​ക്ഷം രൂ​പ​യാ​ണ്​ വി​ല​യി​ട്ടി​രി​ക്കു​ന്ന​ത്. എ​ന്നാ​ൽ, ഈ ​വി​ല​ക്ക്​ ആ​രും ടെ​ൻ​ഡ​ർ എ​ടു​ക്കാ​നെ​ത്തു​ന്നി​ല്ല. മ​രം മു​റി​ച്ചു​നീ​ക്കി​യാ​ലേ സ്ഥ​ലം പൂ​ർ​ണ​മാ​യി നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്ക്​ കൈ​മാ​റാ​നാ​വൂ. 42 മ​ര​ങ്ങ​ൾ മു​റി​ച്ചു​മാ​റ്റി​യി​ട്ട്​ ഒ​രു​വ​ർ​ഷ​​ത്തോ​ള​മാ​യി. അ​തി​നൊ​പ്പം ന​മ്പ​റി​ട്ടി​രു​ന്നെ​ങ്കി​ൽ ഒ​റ്റ​യ​ടി​ക്ക്​ ഇ​വ മു​റി​ച്ചു​മാ​റ്റാ​മാ​യി​രു​ന്നു. അ​ധി​കൃ​ത​രു​​ടെ അ​നാ​സ്ഥ​യെ തു​ട​ർ​ന്ന്​ അ​ധി​ക ചെ​ല​വാ​യി എ​ന്നു മാ​ത്ര​മ​ല്ല, കെ​ട്ടി​ട​നി​ർ​മാ​ണം ആ​രം​ഭി​ക്ക​ലും ​വൈ​കു​ക​യാ​ണ്.

അ​മ്മ​ത്തൊ​ട്ടി​ൽ പ്ര​വ​ർ​ത്ത​ന​ര​ഹി​തം

കോ​ട്ട​യം: ജി​ല്ല ജ​ന​റ​ൽ ആ​ശു​പ​ത്രി​യി​ലെ അ​മ്മ​ത്തൊ​ട്ടി​ൽ പ്ര​വ​ർ​ത്ത​ന​ര​ഹി​ത​മാ​യി​ട്ട്​ നാ​ളു​ക​ളേ​റെ. സെ​ൻ​സ​ർ പ്ര​വ​ർ​ത്തി​ക്കാ​ത്ത​താ​ണ്​ കാ​ര​ണം. അ​ലാ​റ​വും ത​ക​രാ​റി​ലാ​ണ്. അ​മ്മ​ത്തൊ​ട്ടി​ൽ പ്ര​വ​ർ​ത്ത​ന​ര​ഹി​ത​മാ​ണെ​ന്ന്​ നോ​ട്ടീ​സ്​ പ​തി​ച്ചി​രി​ക്കു​ക​യാ​ണ്​ അ​ധി​കൃ​ത​ർ. ജി​ല്ല ശി​ശു​ക്ഷേ​മ സ​മി​തി​ക്കാ​ണ്​ അ​മ്മ​ത്തൊ​ട്ടി​ലി​ന്‍റെ ചു​മ​ത​ല. കാ​ല​പ്പ​ഴ​ക്ക​മേ​റി​യ​തി​നാ​ൽ ഇ​ട​ക്കി​ടെ സെ​ൻ​സ​ർ പ്ര​വ​ർ​ത്ത​ന​ര​ഹി​ത​മാ​വാ​റു​ണ്ട്. അ​പ്പോ​ഴെ​ല്ലാം ശി​ശു​ക്ഷേ​മ സ​മി​തി തി​രു​വ​ന​ന്ത​പു​ര​ത്തെ ഓ​ഫി​സി​ല​റി​യി​ച്ച്​ അ​വി​ടെ​നി​ന്ന്​ ആ​ളെ​ത്തി ന​ന്നാ​ക്കു​ക​യാ​ണ്​ പ​തി​വ്.

ആ​ശു​പ​ത്രി​യി​ൽ കാ​ഷ്വാ​ലി​റ്റി​യോ​ടു​ചേ​ർ​ന്നാ​ണ്​ അ​മ്മ​ത്തൊ​ട്ടി​ൽ സ്ഥാ​പി​ച്ചി​ട്ടു​ള്ള​ത്. കു​ഞ്ഞി​നെ തൊ​ട്ടി​ലി​ൽ കി​ട​ത്താ​ൻ പ​ടി​ക്കെ​ട്ടി​ൽ ക​യ​റി​നി​ൽ​ക്കു​മ്പോ​ൾ സെ​ൻ​സ​ർ പ്ര​വ​ർ​ത്തി​ക്കു​ക​യും​ അ​ലാ​റം അ​ടി​ക്കു​ക​യു​മാ​ണ്​ ചെ​യ്യു​ക. 2009ൽ ​സ്ഥാ​പി​ച്ച അ​മ്മ​ത്തൊ​ട്ടി​ലി​ൽ ഇ​തു​വ​രെ 25 കു​ഞ്ഞു​ങ്ങ​ളെ ല​ഭി​ച്ചി​ട്ടു​ണ്ട്. ക​ഴി​ഞ്ഞ​വ​ർ​ഷം ജൂ​ണി​ലാ​ണ്​ അ​വ​സാ​ന​മാ​യി കു​ഞ്ഞി​നെ കി​ട്ടി​യ​ത്.

എ​ല്ലാ ജി​ല്ല​ക​ളി​ലും പ​ഴ​യ അ​മ്മ​ത്തൊ​ട്ടി​ൽ മാ​റ്റി ആ​ധു​നി​ക സാ​​ങ്കേ​തി​ക​വി​ദ്യ​ക​ളോ​ടെ​യു​ള്ള​വ സ്ഥാ​പി​ക്കാ​ൻ സ​ർ​ക്കാ​ർ തീ​രു​മാ​നി​ച്ചി​ട്ടു​ണ്ട്.

ഇ​തോ​ടെ ഇ​ട​ക്കി​ടെ​യു​ള്ള ത​ക​രാ​റ്​ ഒ​ഴി​വാ​കു​മെ​ന്നാ​ണ്​ പ്ര​തീ​ക്ഷ. അ​മ്മ​ത്തൊ​ട്ടി​ൽ പ്ര​വ​ർ​ത്തി​ക്കാ​ത്ത​തി​നാ​ൽ വ​രാ​ന്ത​യി​ൽ കു​ഞ്ഞി​നെ കി​ട​ത്തി​പ്പോ​യ സം​ഭ​വം നേ​ര​ത്തേ ഇ​വി​ടെ ഉ​ണ്ടാ​യി​ട്ടു​ണ്ട്.