കനിയാതെ കാലവർഷവും; കോട്ടയം ജില്ലയിൽ ലഭിച്ചത് പ്രതീക്ഷിച്ചതിന്‍റെ പകുതി മഴ മാത്രം

കോ​ട്ട​യം: ഇ​ട​വേ​ള​ക്കു​ശേ​ഷം ക​ഴി​ഞ്ഞ ദി​വ​സ​ങ്ങ​ളി​ൽ വീ​ണ്ടും മ​ഴ ക​ന​ത്തെ​ങ്കി​ലും അ​ള​വി​ലെ കു​റ​വ്​ തു​ട​രു​ന്നു. കാ​ല​വ​ർ​ഷം അ​വ​സാ​നി​ക്കാ​ൻ ര​ണ്ടാ​ഴ്ച മാ​ത്രം ശേ​ഷി​ക്കു​മ്പോ​ൾ ജി​ല്ല​യി​ൽ ല​ഭി​ച്ച​ത്​ പ്ര​തീ​ക്ഷി​ച്ച​തി​ന്‍റെ പ​കു​തി​യോ​ളം മ​ഴ മാ​ത്രം. ബു​ധ​നാ​ഴ്ച​വ​രെ 54 ശ​ത​മാ​നം മ​ഴ പെ​യ്ത​താ​യാ​ണ്​​​ കാ​ലാ​വ​സ്ഥ വ​കു​പ്പി​ന്‍റെ ക​ണ​ക്ക്. 1781.3 മി​ല്ലി​മീ​റ്റ​ർ മ​ഴ​യാ​യി​രു​ന്നു കാ​ലാ​വ​സ്ഥ നി​രീ​ക്ഷ​ണ​കേ​ന്ദ്ര​ത്തി​ന്‍റെ ക​ണ​ക്കു​ക​ൾ പ്ര​കാ​രം ജി​ല്ല​യി​ൽ പെ​യ്യേ​ണ്ടി​യി​രു​ന്ന​ത്.

എ​ന്നാ​ൽ, ബു​ധ​നാ​ഴ്ച​വ​രെ പെ​യ്ത​ത് 974.3 മി​ല്ലി​മീ​റ്റ​ർ മ​ഴ മാ​ത്ര​മാ​ണ്​; 44 ശ​ത​മാ​ന​ത്തി​ന്‍റെ കു​റ​വ്. ജൂ​ൺ ഒ​ന്നു മു​ത​ൽ സെ​പ്​​റ്റം​ബ​ർ 30വ​രെ പെ​യ്യു​ന്ന മ​ഴ​യെ​യാ​ണ് കാ​ല​വ​ർ​ഷ​മാ​യി ക​ണ​ക്കാ​ക്കു​ന്ന​ത്. അ​വ​ശേ​ഷി​ക്കു​ന്ന ദി​വ​സ​ങ്ങ​ളി​ൽ ശ​ക്ത​മാ​യ മ​ഴ മു​ന്ന​റി​യി​പ്പൊ​ന്നു​മി​ല്ലാ​ത്ത​തി​നാ​ൽ ക​ണ​ക്കി​ൽ കാ​ര്യ​മാ​യ വ്യ​ത്യാ​സ​മു​ണ്ടാ​കി​ല്ലെ​ന്നാ​ണ് നി​രീ​ക്ഷ​ക​രു​ടെ​യും നി​ഗ​മ​നം.

ക​ഴി​ഞ്ഞ വ​ർ​ഷം കാ​ല​വ​ർ​ഷ​ക്കാ​ല​ത്ത് മ​ഴ​ക്കു​റ​വ് 15ശ​ത​മാ​നം മാ​ത്ര​മാ​യി​രു​ന്നു. കാ​ല​വ​ർ​ഷ​ത്തി​ന്‍റെ ആ​ദ്യ​ഘ​ട്ട​ത്തി​ൽ മ​ഴ കു​റ​ഞ്ഞെ​ങ്കി​ലും ആ​ഗ​സ്റ്റി​ൽ വ​ലി​യ​തോ​തി​ൽ മ​ഴ പെ​യ്തി​റ​ങ്ങി​യി​രു​ന്നു. ഇ​താ​യി​രു​ന്നു മ​ഴ​ക്കു​റ​വ്​ നി​ക​ത്തി​യ​ത്. ഇ​ത്ത​വ​ണ ആ​ഗ​സ്റ്റി​ൽ ശ​രാ​ശ​രി​ക്കും താ​ഴെ​യാ​യി​രു​ന്നു മ​ഴ. ഏ​താ​നും ആ​ഴ്ച​ക​ളാ​യി ജി​ല്ല​യി​ൽ എ​ല്ലാ ദി​വ​സ​വും ഒ​റ്റ​പ്പെ​ട്ട മ​ഴ പെ​യ്യു​ന്നു​ണ്ടെ​ങ്കി​ലും നീ​ണ്ടു​നി​ൽ​ക്കു​ന്നി​ല്ല. മേ​ൽ​ത്ത​ട്ടി​ൽ ന​ന​വി​ന്​ മ​ഴ കാ​ര​ണ​മാ​കു​മെ​ങ്കി​ലും ജ​ല​സ്രോ​ത​സ്സു​ക​ളി​ൽ വെ​ള്ളം വ​ർ​ധി​ക്കു​ന്നി​ല്ല.

ന​ദി​ക​ളി​ലെ ജ​ല​നി​ര​പ്പും ശ​രാ​ശ​രി​യി​ലാ​ണ്. കി​ഴ​ക്ക​ൻ വെ​ള്ളം ശ​ക്ത​മാ​യി ഒ​ഴു​കി​യെ​ത്താ​ത്ത​തി​നാ​ൽ പ​ടി​ഞ്ഞാ​റ​ൻ ജ​ലാ​ശ​യ​ങ്ങ​ളി​ൽ പോ​ള ശ​ല്യ​വും രൂ​ക്ഷ​മാ​ണ്.തോ​ണി​ക​ൾ അ​ട​ക്ക​മു​ള്ള ജ​ല​വാ​ഹ​ന​ങ്ങ​ൾ ഏ​റെ ബു​ദ്ധി​മു​ട്ടി​യാ​ണ്​ പോ​ള​ക​ൾ​ക്കി​ട​യി​ലൂ​ടെ ക​ട​ന്നു​പോ​കു​ന്ന​ത്. മ​ത്സ്യ​ത്തൊ​ഴി​ലാ​ളി​ക​ൾ​ക്കും ഇ​ത്​ തി​രി​ച്ച​ടി​യാ​ണ്. ജ​ല​ഗ​താ​ഗ​ത വ​കു​പ്പി​ന്‍റെ സ​ർ​വി​സു​ക​ൾ​ക്കും പോ​ള ക​ല്ലു​ക​ടി​യാ​കു​ന്നു​ണ്ട്.

ഇ​നി ജി​ല്ല​യു​ടെ മ​ഴ പ്ര​തീ​ക്ഷ തു​ലാ​വ​ർ​ഷ​ത്തി​ലാ​ണ്. ശ​ക്ത​മാ​യ തു​ലാ​വ​ർ​ഷം ഇ​ക്കു​റി​യു​ണ്ടാ​കു​മെ​ന്നാ​ണ് കാ​ലാ​വ​സ്ഥ പ്ര​വ​ച​നം. ഇ​ത് മ​ല​യോ​ര​മേ​ഖ​ല​യി​ൽ ആ​ശ​ങ്ക​യും സൃ​ഷ്ടി​ക്കു​ന്നു. കൂ​ട്ടി​ക്ക​ലി​ൽ വ്യാ​പ​ക ഉ​രു​ൾ​പൊ​ട്ട​ലി​ൽ വ​ൻ​ദു​ര​ന്ത​മു​ണ്ടാ​യ​ത് ഒ​ക്ടോ​ബ​റി​ലെ തു​ലാ​വ​ർ​ഷ​ത്തി​ലാ​ണ്. തു​ലാ​വ​ർ​ഷം സ​ജീ​വ​മാ​യാ​ൽ കു​ടി​വെ​ള്ള ക്ഷാ​മ​ത്തി​നു പ​രി​ഹാ​ര​മാ​കു​മെ​ങ്കി​ലും കാ​ർ​ഷി​ക മേ​ഖ​ല​യി​ൽ ഇ​ത്​ വ​ൻ​നാ​ശം വി​ത​ക്കും. ഇ​ത്​ ക​ർ​ഷ​ക​രെ​യ​ട​ക്കം ആ​ശ​ങ്ക​യി​ലാ​ഴ്ത്തു​ന്നു​മു​ണ്ട്. ഏ​താ​നും വ​ർ​ഷ​മാ​യി കാ​ല​വ​ർ​ഷം ദു​ർ​ബ​ല​മാ​കാ​റു​ണ്ടെ​ങ്കി​ലും വേ​ന​ൽ, തു​ലാ​മ​ഴ​ക​ൾ ശ​ക്ത​മാ​യി പെ​യ്തി​രു​ന്നു. 2022 മാ​ർ​ച്ച് ഒ​ന്ന് മു​ത​ൽ മേ​യ് 30വ​രെ​യു​ള്ള വേ​ന​ൽ മ​ഴ​ക്കാ​ല​യ​ള​വി​ൽ നൂ​റു​ശ​ത​മാ​ന​ത്തോ​ളം അ​ധി​ക മ​ഴ പെ​യ്തി​രു​ന്നു.

എ​ന്നാ​ൽ, ഇ​ത്ത​വ​ണ വേ​ന​ൽ​മ​ഴ​യും 24 ശ​ത​മാ​നം കു​റ​ഞ്ഞു. പി​ന്നാ​ലെ കാ​ല​വ​ർ​ഷ​വും കു​റ​യു​ന്ന​ത് കു​ടി​വെ​ള്ള​ക്ഷാ​മ​ത്തി​നൊ​പ്പം കാ​ർ​ഷി​ക മേ​ഖ​ല​യി​ലും പ്ര​തി​സ​ന്ധി സൃ​ഷ്​​ടി​ക്കു​ന്നു​ണ്ട്. തു​ലാ​വ​ർ​ഷം​കൂ​ടി ക​നി​ഞ്ഞി​ല്ലെ​ങ്കി​ൽ പ്ര​തി​സ​ന്ധി രൂ​ക്ഷ​മാ​കു​മെ​ന്ന്​ ചൂ​ണ്ടി​ക്കാ​ട്ട​പ്പെ​ടു​ന്നു.