കോട്ടയം ജി​ല്ല​യു​ടെ കി​ഴ​ക്ക​ന്‍ മ​ല​യോ​ര മേ​ഖ​ല​ കാട്ടാനപ്പേടിയിൽ

ജി​ല്ല​യു​ടെ കി​ഴ​ക്ക​ന്‍ മ​ല​യോ​ര മേ​ഖ​ല​യി​ലെ മു​ണ്ട​ക്ക​യം, എ​രു​മേ​ലി, കോ​രു​ത്തോ​ട് ഗ്രാ​മ​പ​ഞ്ചാ​യ​ത്ത്​ പ്ര​ദേ​ശ​ങ്ങ​ളി​ൽ മൂ​ന്നു​വ​ര്‍ഷ​മാ​യി കാ​ട്ടാ​ന​ക​ളു​ടെ ശ​ല്യം രൂ​ക്ഷ​മാ​ണ്. പ​മ്പാ​വാ​ലി, ഏ​യ്ഞ്ച​ല്‍വാ​ലി, കാ​ള​കെ​ട്ടി, പു​ഞ്ച​വ​യ​ല്‍, 504 കോ​ള​നി, പു​ലി​ക്കു​ന്ന് തു​ട​ങ്ങി​യ സ്ഥ​ല​ങ്ങ​ളി​ല്‍ ക​ഴി​ഞ്ഞ​വ​ര്‍ഷം 50 ഏ​ക്ക​റി​ലെ കൃ​ഷി​യാ​ണ് കാ​ട്ടാ​ന​ക​ള്‍ ക​ശ​ക്കി​യെ​റി​ഞ്ഞ​ത്. രാ​ത്രി വ​ന്‍ മ​ര​ങ്ങ​ള്‍ ക​ട​പു​ഴ​കി വീ​ഴു​ന്ന ശ​ബ്​​ദം കേ​ട്ടാ​ണ് ഗ്രാ​മ​വാ​സി​ക​ള്‍ ഉ​ണ​രു​ന്ന​ത്. വീ​ടി​നു​ള്ളി​ല്‍ ശ്വാ​സ​മ​ട​ക്കി​പി​ടി​ച്ച് ഭീ​തി​യോ​ടെ ഇ​രി​ക്കു​ക​യും കാ​ട്ടാ​ന​ക​ള്‍ തി​രി​കെ പോ​യ​തി​ന് ശേ​ഷം മാ​ത്രം വെ​ളി​യി​ലി​റ​ങ്ങു​ക​യു​മാ​ണ്​ പ​തി​വ്. ക​ഴി​ഞ്ഞ ദി​വ​സ​വും പെ​രു​വ​ന്താ​നം ചെ​ന്നാ​പ്പാ​റ​യി​ലെ ജ​ന​വാ​സ കേ​ന്ദ്ര​ത്തി​ൽ ആ​ന​ക്കൂ​ട്ട​മെ​ത്തി​യി​രു​ന്നു.

ക​ഴി​ഞ്ഞ​വ​ർ​ഷം ഇ​ക്കാ​ല​യ​ള​വി​ൽ ആ​ന​യു​ടെ അ​ക്ര​മ​ത്തി​ൽ ശ​ബ​രി​മ​ല തീ​ർ​ഥാ​ട​ക​ന്​ ജീ​വ​നും ന​ഷ്​​ട​മാ​യി​രു​ന്നു. കാ​ന​ന പാ​ത​വ​ഴി ശ​ബ​രി​മ​ല ദ​ര്‍ശ​ന​ത്തി​നു​പോ​യ കോ​യ​മ്പ​ത്തൂ​ര്‍ സ്വ​ദേ​ശി ബ​ത്തി​ര​പ്പ​നെ​യാ​ണ്​(58) കാ​ട്ടാ​ന ച​വി​ട്ടി​ക്കൊ​ന്ന​ത്. പൂ​ക്കു​റ്റി താ​വ​ള​ത്തി​ല്‍ വ്യാ​പാ​ര സ്ഥാ​പ​ന​ത്തി​ല്‍ വി​രി​വെ​ച്ച് കി​ട​ന്നു​റ​ങ്ങു​ന്ന​തി​നി​െ​ട​യാ​ണ് കാ​ട്ടാ​ന ആ​ക്ര​മി​ച്ച​ത്. തീ​ർ​ഥാ​ട​ന കാ​ല​ത്ത് ജ​ന​വാ​സ മേ​ഖ​ല​യി​ലെ​ത്തു​ന്ന ആ​ന താ​ൽ​ക്കാ​ലി​ക ക​ട​ക​ളി​ലെ പ​ഞ്ച​സാ​ര​യും മൈ​ദ​യും ഭ​ക്ഷി​ക്കു​ന്ന​തും പ​തി​വാ​ണ്. ശ​ബ​രി​മ​ല വ​നം ഉ​ൾ​പ്പെ​ടു​ന്ന മേ​ഖ​ല​യി​ൽ മു​ന്നൂ​റി​ല​ധി​കം കാ​ട്ടാ​ന​ക​ളു​ണ്ടെ​ന്നാ​ണ്​ ക​ണ​ക്ക്. ഇ​വ​യാ​ണ്​ ജി​ല്ല​യു​ടെ മ​ല​യോ​ര​മേ​ഖ​ല​ക​ളി​ലേ​ക്ക്​ എ​ത്തു​ന്ന​ത്.

പ​രി​പാ​ല​ന​മി​ല്ലാ​തെ സൗ​രോ​ർ​ജ വേ​ലി​ക​ൾ

വ​ന്യ​മൃ​ഗ​ശ​ല്യം ത​ട​യാ​ൻ വ​നാ​തി​ർ​ത്തി​ക​ളി​ൽ സൗ​രോ​ർ​ജ വേ​ലി​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും ഫ​ല​പ്ര​ദ​മ​ല്ല. കോ​ട്ട​യം ജി​ല്ല പ​രി​ധി​യി​ലെ 60 കി​ലോ​മീ​റ്റ​റോ​ളം വ​നാ​തി​ർ​ത്തി​ക​ളി​ൽ ഇ​ത്ത​രം വേ​ലി​ക​ൾ സ്ഥാ​പി​ച്ചി​ട്ടു​ണ്ടെ​ന്ന് വ​നം​വ​കു​പ്പ് വ്യ​ക്ത​മാ​ക്കു​ന്നു. എ​ന്നാ​ൽ, ഇ​തി​െൻറ ബാ​റ്റ​റി​ക​ളു​ടെ ശേ​ഷി കു​റ​വാ​യ​തി​നാ​ൽ വേ​ണ്ട​ത്ര ഗു​ണം ല​ഭി​ക്കു​ന്നി​ല്ല. നി​ല​വി​ൽ ര​ണ്ട് മു​ത​ൽ ര​ണ്ട​ര കി​ലോ​മീ​റ്റ​ർ ഭാ​ഗ​ത്തേ​ക്കാ​യാ​ണ്​ ബാ​റ്റ​റി സ്ഥാ​പി​ക്കു​ന്ന​ത്. ഇ​ത്​ വൈ​ദ്യു​തി പ്ര​വാ​ഹ​ത്തി​ന്​ ശ​ക്തി കു​റ​ക്കു​ന്നു. ബാ​റ്റ​റി പെ​െ​ട്ട​ന്ന് കേ​ടാ​കാ​ൻ സാ​ധ്യ​ത​യും ഇ​തി​ലൂ​ടെ കൂ​ടു​ത​ലാ​ണ്. ഇ​തി​നു​പ​രി​ഹാ​ര​മാ​യി ഒ​ന്ന് മു​ത​ൽ ഒ​ന്ന​ര കി​ലോ​മീ​റ്റ​ർ വ​രെ​യു​ള്ള ദൂ​ര​ത്തി​ൽ ബാ​റ്റ​റി സ്ഥാ​പി​ക്കാ​നു​ള്ള ന​ട​പ​ടി വ​നം​വ​കു​പ്പ്​ തീ​രു​മാ​നി​ച്ചി​ട്ടു​ണ്ടെ​ങ്കി​ലും ആ​വ​ശ്യ​ത്തി​ന് ഫ​ണ്ടി​ല്ലാ​ത്ത​തി​നാ​ൽ ഇ​ഴ​ഞ്ഞു​നീ​ങ്ങു​ക​യാ​ണ്.

സോ​ളാ​ർ വേ​ലി​ക​ളി​ലേ​ക്ക് വ​ള​ർ​ന്ന് നി​ൽ​ക്കു​ന്ന കാ​ടു​ക​ൾ തെ​ളി​ച്ച് പ​രി​പാ​ല​നം ന​ട​ത്താ​തി​നാ​ൽ വേ​ലി​യു​ടെ പ്ര​യോ​ജ​നം ല​ഭി​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്. കാ​ടു​ക​ൾ വ​ള​ർ​ന്നു നി​ൽ​ക്കു​ന്ന​തു​വ​ഴി വേ​ലി​യി​ലു​ള്ള വൈ​ദ്യു​തി​യു​ടെ ശ​ക്തി ന​ഷ്​​ട​പ്പെ​ടു​ക​യും ബാ​റ്റ​റി ചാ​ർ​ജ് ന​ഷ്​​ട​പ്പെ​ട്ട് എ​ളു​പ്പ​ത്തി​ൽ കേ​ടാ​കു​ക​യും ചെ​യ്യു​ന്ന​താ​യി വ​ന​സം​ര​ക്ഷ​ണ സ​മി​തി പ്ര​സി​ഡ​ൻ​റ് എം.​എ​സ്. സ​തീ​ഷ് പ​റ​ഞ്ഞു. പ​ഞ്ചാ​യ​ത്തു​മാ​യി ചേ​ർ​ന്ന് തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി പ​രി​പാ​ല​നം ന​ട​ത്തു​ന്ന​തു​വ​ഴി ഇ​വ​യു​ടെ സം​ര​ക്ഷ​ണം ഉ​റ​പ്പു​വ​രു​ന്ന​തോ​ടൊ​പ്പം തൊ​ഴി​ൽ ര​ഹി​ത​ർ​ക്ക് തൊ​ഴി​ൽ ന​ൽ​കാ​നും ക​ഴി​യു​മെ​ന്ന്​ അ​ദ്ദേ​ഹം പ​റ​യു​ന്നു.

വേ​ലി​ക​ൾ നോ​ക്കു​കു​ത്തി​ക​ളാ​കു​േ​മ്പാ​ൾ നാ​ട്ടി​ല്‍ ഇ​റ​ങ്ങു​ന്ന ആ​ന​ക​ളെ തു​ര​ത്തി കൃ​ഷി​യി​ട​ങ്ങ​ള്‍ ര​ക്ഷി​ക്കാ​ന്‍ ആ​കെ​യു​ള്ള മാ​ത്രം ഒ​ച്ച​യു​ണ്ടാ​ക്കു​ക​യെ​ന്ന​താ​ണ്. പ​ട​ക്കം പൊ​ട്ടി​ച്ചും ഭീ​തി​പ്പെ​ടു​ത്താ​ൻ ശ്ര​മി​ക്കു​ന്നു​ണ്ട്. എ​ന്നാ​ൽ, ഇ​തു​കൊ​ണ്ട്​ പ​ല​പ്പോ​ഴും ആ​ന​ക​ൾ കാ​ട്ടി​േ​ല​ക്ക്​ മ​ട​ങ്ങാ​റി​ല്ല. ച​ക്ക പ​ഴു​ക്കു​ന്ന കാ​ല​ത്താ​ണ്​ ആ​ന​ക​ള്‍ കൂ​ടു​ത​ലാ​യി നാ​ട്ടി​ല്‍ ഇ​റ​ങ്ങു​ന്ന​ത്. ആ​ന​ക​ള്‍ കാ​ടി​റ​ങ്ങി പു​ഴ​ക​ട​ന്ന് എ​ത്തി​യാ​ല്‍ ആ​ദ്യം ചെ​യ്യു​ന്ന​ത് വ​ന്‍ മ​ര​ങ്ങ​ള്‍ കു​ത്തി​മ​റി​ച്ച് ഇ​ടു​ക​യെ​ന്ന​താ​ണ്. ഇ​തി​നാ​ല്‍ വ​നാ​തി​ര്‍ത്തി​യി​ലു​ള്ള മ​ര​ങ്ങ​ളി​ല്‍ പ​ല​ക​യി​ല്‍ വ​ലി​യ ആ​ണി​ക​ള്‍ അ​ടി​ച്ച് കെ​ട്ടി​െ​വ​ക്കു​ക​യും ആ​ന​ക​ള്‍ മ​ര​ത്തി​ല്‍ കു​ത്തു​മ്പോ​ള്‍ ആ​ണി​ക​ള്‍ കൊ​ള്ളു​ന്ന​തി​നെ തു​ട​ര്‍ന്ന് പി​ന്‍തി​രി​ഞ്ഞ് പോ​കാ​റു​മു​ണ്ട്. ഇ​ത്ത​ര​ത്തി​ല്‍ ചെ​റി​യ നാ​ട​ന്‍ നു​റു​ങ്ങു​ക​ള്‍ മാ​ത്ര​മേ ആ​ന​യെ തു​ര​ത്താ​ന്‍ നി​ല​വി​ലു​ള്ളൂ. കി​ട​ങ്ങു​ക​ള്‍ നി​ർ​മി​ച്ച പ്ര​ദേ​ശ​ങ്ങ​ളി​ല്‍ ഇ​ത്​ ഇ​ടി​ച്ചു​നി​ക​ത്തി കാ​ട്ടാ​ന​ക്കൂ​ട്ട​ങ്ങ​ള്‍ കൃ​ഷി​യി​ട​ങ്ങ​ളി​ലെ​ത്തു​ന്നു.

നേ​ര​ത്തേ ആ​ന​യെ മാ​ത്രം പേ​ടി​ച്ചാ​ൽ മ​തി​യാ​യി​രു​ന്നെ​ങ്കി​ൽ ഇ​പ്പോ​ൾ നി​ര​വ​ധി കാ​ട്ടു​മൃ​ഗ​ങ്ങ​ളാ​ണ്​ നാ​ട്ടി​ൻ​പു​റ​ങ്ങ​ളി​ലേ​ക്കെ​ത്തു​ന്ന​ത്. ന​ഗ​ര അ​തി​ർ​ത്തി​ക​ളി​ൽ​വ​രെ കാ​ട്ടു​പ​ന്നി​ക​ൾ എ​ത്തു​ന്നു. അ​തി​നേ​ക്കു​റി​ച്ച്​ നാ​ളെ