കുടിവെള്ളം; നഗരസഭയ്ക്ക് ചെലവ് കോടികൾ; വെ​ള്ള​ക്ക​രം കു​ടി​ശ്ശി​ക 7.34 കോ​ടി

കോ​ട്ട​യം: മു​നി​സി​പ്പ​ൽ പ​രി​ധി​യി​ലെ പൊ​തു​ടാ​പ്പു​ക​ളു​ടെ വെ​ള്ള​ക്ക​രം കു​ടി​ശ്ശി​ക 7.34 കോ​ടി. 2024 മാ​ർ​ച്ച്​ വ​രെ​യു​ള്ള ക​ണ​ക്കാ​ണി​ത്. കു​ടി​ശ്ശി​ക ഒ​ഴി​വാ​ക്കി​ത്ത​രാ​ൻ ജ​ല​അ​തോ​റി​റ്റി അ​ധി​കൃ​ത​ർ​ക്ക്​ ക​ത്ത​യ​ക്കാ​ൻ കൗ​ൺ​സി​ൽ യോ​ഗം തീ​രു​മാ​നി​ച്ചു. കോ​ട്ട​യം മെ​യി​ൻ ഓ​ഫി​സ്​​ പ​രി​ധി​യി​ൽ 452 പൊ​തു​ടാ​പ്പു​ക​ൾ​ക്കാ​യി 1.20 കോ​ടി, കു​മാ​ര​ന​ല്ലൂ​രി​ൽ 161 പൊ​തു​ടാ​പ്പു​ക​ൾ​ക്കാ​യി 1.76 കോ​ടി, നാ​ട്ട​ക​ത്ത്​ 176 ടാ​പ്പു​ക​ൾ​ക്കാ​യി 4.37 കോ​ടി എ​ന്നി​ങ്ങ​നെ​യാ​ണ്​ കു​ടി​ശ്ശി​ക​യു​ള്ള​ത്.

തു​ക ആ​വ​ശ്യ​പ്പെ​ട്ട്​ ജ​ല​അ​തോ​റി​റ്റി ന​ഗ​ര​സ​ഭ​ക്ക്​ നോ​ട്ടീ​സ്​ ന​ൽ​കി​യി​രു​ന്നു. എ​ന്നാ​ൽ, നി​ര​വ​ധി ത​വ​ണ ക​ത്ത്​ ന​ൽ​കി​യി​ട്ടും ഉ​പ​യോ​ഗ ശൂ​ന്യ​മാ​യ ടാ​പ്പു​ക​ൾ ഒ​ഴി​വാ​ക്കാ​ൻ സം​യു​ക്ത പ​രി​ശോ​ധ​ന​ക്ക്​ ജ​ല​അ​തോ​റി​റ്റി ത​യാ​റാ​യി​ട്ടി​ല്ല. പ​രി​ശോ​ധ​ന ന​ട​ത്തി എ​ണ്ണം കൃ​ത്യ​മാ​ക്കി​യ ശേ​ഷം മാ​ത്ര​മേ തു​ക അ​ട​ക്കൂ എ​ന്നാ​യി​രു​ന്നു ഇ​തു​വ​രെ മു​നി​സി​പ്പാ​ലി​റ്റി നി​ല​പാ​ട്.

റ​വ​ന്യൂ റി​ക്ക​വ​റി 39.98 ല​ക്ഷം

വാ​ട​ക​ക്കാ​ർ കു​ടി​ശ്ശി​ക അ​ട​ക്കാ​ത്ത​തി​നാ​ൽ ന​ഗ​ര​സ​ഭ ഒ​ടു​ക്കേ​ണ്ട​ത്​ 39.98 ല​ക്ഷം രൂ​പ. റ​വ​ന്യൂ റി​ക്ക​വ​റി നേ​രി​ടു​ന്ന ഈ ​വാ​ട്ട​ർ ക​ണ​ക്ഷ​നു​ക​ളു​ടെ തു​ക അ​ടി​യ​ന്ത​ര​മാ​യി അ​ട​ക്കാ​ൻ ആ​വ​ശ്യ​പ്പെ​ട്ട്​ മു​നി​സി​പ്പാ​ലി​റ്റി​ക്ക്​​ നോ​ട്ടീ​സ്. സെ​ക്ര​ട്ട​റി​യു​ടെ പേ​രി​ലു​ള്ള 15 ​കെ​ട്ടി​ട​ങ്ങ​ളി​ലാ​ണ്​ തു​ക കു​ടി​ശ്ശി​ക​യാ​യി​ട്ടു​ള്ള​ത്. നി​ല​വി​ലെ പ​രി​ശോ​ധ​ന​യി​ൽ ഈ ​ക​ണ​ക്ഷ​നു​ള്ള പ​ല കെ​ട്ടി​ട​ങ്ങ​ളും ക​ണ്ടെ​ത്താ​ൻ സാ​ധി​ച്ചി​ട്ടി​ല്ലെ​ന്ന്​ സെ​ക്ര​ട്ട​റി അ​റി​യി​ച്ചു. ചി​ല​ത്​ പൊ​ളി​ച്ചു​മാ​റ്റ​പ്പെ​ട്ട​തും ഉ​പ​യോ​ഗ​ശൂ​ന്യ​മാ​യ​തു​മാ​ണ്.

​ഫെ​ബ്രു​വ​രി​യി​ൽ ക​ല​ക്ട​റു​ടെ ചേം​ബ​റി​ൽ കൂ​ടി​യ യോ​ഗ​ത്തി​ൽ റ​വ​ന്യൂ റി​ക്ക​വ​റി ന​ട​പ​ടി​യു​മാ​യി മു​ന്നോ​ട്ടു​പോ​കാ​നും ന​ഗ​ര​സ​ഭ അ​ക്കൗ​ണ്ടു​ക​ൾ മ​ര​വി​പ്പി​ക്ക​ണ​മെ​ന്നു​മാ​ണ്​ നി​ർ​ദേ​ശം. റ​വ​ന്യൂ​ റി​ക്ക​വ​റി ന​ട​പ​ടി സ്​​റ്റേ ചെ​യ്യ​ണ​മെ​ന്ന്​ ആ​വ​ശ്യ​പ്പെ​ട്ട്​ സ​ർ​ക്കാ​റി​ന്​ ക​ത്ത​യ​ക്കാ​മെ​ന്നും​ തു​ട​ർ​ന്ന്​ കെ​ട്ടി​ട​ത്തി​ന്‍റെ വാ​ട​ക ക​രാ​ർ പ​രി​ശോ​ധി​ച്ച്​ കു​ടി​ശ്ശി​ക വ​രു​ത്തി​യ​വ​ർ​ക്കെ​തി​രെ ന​ട​പ​ടി സ്വീ​ക​രി​ക്കാ​മെ​ന്നും സെ​ക്ര​ട്ട​റി അ​റി​യി​ച്ചു.

അ​മൃ​തി​ന്​ വേ​ണം 2.60 കോ​ടി​ കൂ​ടി

മു​നി​സി​പ്പാ​ലി​റ്റി​യി​ൽ അ​മൃ​ത്​ 2.0 കു​ടി​​വെ​ള്ള പ​ദ്ധ​തി ന​ട​പ്പാ​ക്കു​ന്ന​തി​ന്​ ടെ​ൻ​ഡ​റി​ൽ വെ​ച്ച​തി​നേ​ക്കാ​ൾ 2.60 കോ​ടി​കൂ​ടി വേ​ണം. അ​ധി​ക തു​ക​ക്ക്​ അം​ഗീ​കാ​രം ന​ൽ​കാ​നാ​വി​ല്ലെ​ന്നും​ പു​തു​ക്കി​യ എ​സ്റ്റി​മേ​റ്റി​ന്​ മാ​ത്രം അം​ഗീ​കാ​രം ന​ൽ​കാ​നും കൗ​ൺ​സി​ൽ തീ​രു​മാ​നി​ച്ചു. കോ​ട്ട​യം പ​ഴ​യ മു​നി​സി​പ്പ​ൽ ഏ​രി​യ, നാ​ട്ട​കം, കു​മാ​ര​ന​ല്ലൂ​ർ എ​ന്നി​വി​ട​ങ്ങ​ളി​ലാ​യി മൂ​ന്ന്​​ പ്ര​വൃ​ത്തി​ക​ളാ​യാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്.

നാ​ട്ട​ക​ത്ത്​ 52 ല​ക്ഷം, കു​മാ​ര​ന​ല്ലൂ​രി​ൽ 37 ല​ക്ഷം, പ​ഴ​യ മു​നി​സി​പ്പ​ൽ ഏ​രി​യ​യി​ൽ 1.30 കോ​ടി എ​ന്നി​ങ്ങ​നെ​യാ​ണ്​ തു​ക അ​ധി​കം വേ​ണ്ട​ത്. ഇ​തി​ൽ പ​ഴ​യ മു​നി​സി​പ്പ​ൽ ഏ​രി​യ​യി​ൽ തു​ക ചെ​ല​വ​ഴി​ക്കു​ന്ന​തി​നാ​ണ്​ കൗ​ൺ​സി​ൽ അ​നു​മ​തി തേ​ടി​യ​ത്. പ​കു​തി തു​ക ന​ഗ​ര​സ​ഭ​യും പ​കു​തി തു​ക സം​സ്ഥാ​ന​വു​മാ​ണ്​ വ​ഹി​ക്കേ​ണ്ട​ത്. പു​തു​ക്കി​യ എ​സ്റ്റി​മേ​റ്റി​ന്​ അ​നു​മ​തി ന​ൽ​കാ​മെ​ന്നും തു​ക ന​ൽ​കു​ന്ന​ത്​ പ്ര​വൃ​ത്തി​ക​ൾ പൂ​ർ​ത്തീ​ക​രി​ച്ച ശേ​ഷം മാ​ത്രം മ​തി​യെ​ന്നും കൗ​ൺ​സി​ല​ർ​മാ​ർ ആ​വ​ശ്യ​പ്പെ​ട്ടു. പ​ദ്ധ​തി ന​ട​ത്തി​പ്പി​ലെ വീ​ഴ്ച​ക​ൾ കൗ​ൺ​സി​ല​ർ​മാ​ർ ഉ​ന്ന​യി​ച്ചു. നി​ല​വി​ലെ പ്ര​വൃ​ത്തി​ക​ൾ 31ന​കം പൂ​ർ​ത്തീ​ക​രി​ക്കാ​മെ​ന്ന്​ ജ​ല​അ​തോ​റി​റ്റി പ്ര​തി​നി​ധി​ക​ൾ അ​റി​യി​ച്ചു.