ജില്ലയിൽ ലൈഫ് മിഷൻ വീടുകൾ 16,937; ചെ​ല​വ​ഴി​ച്ച​ത്​ 940.93 കോ​ടി

കോ​ട്ട​യം: ഭ​വ​ന​ര​ഹി​ത​രു​ടെ പ്ര​ശ്ന​ങ്ങ​ൾ​ക്ക് സ​മ​ഗ്ര​പ​രി​ഹാ​രം കാ​ണു​ക​യെ​ന്ന ല​ക്ഷ്യ​ത്തോ​ടെ ആ​രം​ഭി​ച്ച ലൈ​ഫ് മി​ഷ​ൻ പ​ദ്ധ​തി​യി​ലൂ​ടെ ജി​ല്ല​യി​ൽ ഒ​മ്പ​ത് വ​ർ​ഷ​ത്തി​നു​ള്ളി​ൽ നി​ർ​മി​ച്ച​ത് 16,937 വീ​ടു​ക​ൾ. ഒ​മ്പ​ത് നി​യ​മ​സ​ഭ മ​ണ്ഡ​ല​ങ്ങ​ളി​ലു​മാ​യി 940.93 കോ​ടി രൂ​പ​യാ​ണ് ഇ​തി​നാ​യി സ​ർ​ക്കാ​ർ ചെ​ല​വ​ഴി​ച്ച​ത്.

പൂ​ഞ്ഞാ​ർ നി​യോ​ജ​ക​മ​ണ്ഡ​ല​ത്തി​ലെ 3048 വീ​ടു​ക​ൾ​ക്കാ​യി 119.74 കോ​ടി രൂ​പ​യും വൈ​ക്ക​ത്ത്​ 2865 വീ​ടു​ക​ളു​ടെ നി​ർ​മാ​ണ​ത്തി​നാ​യി 109.65 കോ​ടി​യും മു​ട​ക്കി. 1913 വീ​ടു​ക​ൾ​ക്കാ​യി പാ​ലാ മ​ണ്ഡ​ല​ത്തി​ൽ 146.93 കോ​ടി​യും ഏ​റ്റു​മാ​നൂ​ർ മ​ണ്ഡ​ല​ത്തി​ൽ 1868 വീ​ടു​ക​ൾ​ക്കാ​യി 77.60 കോ​ടി​യും വി​നി​യോ​ഗി​ച്ചു. കാ​ഞ്ഞി​ര​പ്പ​ള്ളി മ​ണ്ഡ​ല​ത്തി​ൽ 1824 വീ​ടി​നാ​യി 146.01 കോ​ടി​യാ​ണ് ചെ​ല​വ​ഴി​ച്ച​ത്. 1676 വീ​ടു​ക​ൾ നി​ർ​മി​ക്കു​ന്ന​തി​നാ​യി ക​ടു​ത്തു​രു​ത്തി മ​ണ്ഡ​ല​ത്തി​ൽ 62.70 കോ​ടി രൂ​പ​യും പു​തു​പ്പ​ള്ളി​യി​ലെ 1216 വീ​ടു​ക​ൾ​ക്കാ​യി 54.55 കോ​ടി​യും ച​ങ്ങ​നാ​ശ്ശേ​രി നി​യോ​ജ​ക​മ​ണ്ഡ​ത്തി​ലെ 1159 വീ​ടു​ക​ൾ​ക്കാ​യി 146.01 കോ​ടി​യും ചെ​ല​വ​ഴി​ച്ചു.

ഭൂ​ര​ഹി​ത​ർ​ക്ക് ഭ​വ​ന​നി​ർ​മാ​ണ​ത്തി​ന് ഭൂ​മി വാ​ങ്ങാ​ൻ ഒ​മ്പ​ത് മ​ണ്ഡ​ല​ങ്ങ​ളി​ലാ​യി 1927 ഉ​പ​യോ​ക്താ​ക്ക​ൾ​ക്ക് 38.57 കോ​ടി രൂ​പ സ​ർ​ക്കാ​ർ ന​ൽ​കി. കാ​ഞ്ഞി​ര​പ്പ​ള്ളി; 390 പേ​ർ​ക്ക് 7.98 കോ​ടി, പൂ​ഞ്ഞാ​ർ; 372 പേ​ർ​ക്ക്​ 7.5 കോ​ടി, പാ​ലാ; 256 പേ​ർ​ക്ക്​ 4.8 കോ​ടി, പു​തു​പ്പ​ള്ളി: 267 പേ​ർ​ക്ക്​ 5.49 കോ​ടി, ച​ങ്ങ​നാ​ശ്ശേ​രി; 187 പേ​ർ​ക്ക്​ 3.5 കോ​ടി, ഏ​റ്റു​മാ​നൂ​ർ; 160 പേ​ർ​ക്ക്​ 3.21 കോ​ടി, ക​ടു​ത്തു​രു​ത്തി; 157 പേ​ർ​ക്ക്​ 3.16 കോ​ടി, കോ​ട്ട​യം; 73 ഗു​ണ​ഭോ​ക്താ​ക്ക​ൾ​ക്കാ​യി 1.48 കോ​ടി, വൈ​ക്കം: 65 പേ​ർ​ക്ക്​ 1.3 കോ​ടി എ​ന്നി​ങ്ങ​നെ​യാ​ണ് സ​ർ​ക്കാ​ർ ചെ​ല​വ​ഴി​ച്ച​ത്.