പൂ​ഞ്ഞാ​റി​ൽ വോ​ട്ട് കു​റ​ഞ്ഞു; ഭൂ​രി​പ​ക്ഷ​വും

പൂ​ഞ്ഞാ​ർ: ഭൂ​രി​പ​ക്ഷം കു​റ​ഞ്ഞെ​ങ്കി​ലും യു.​ഡി.​എ​ഫി​നൊ​പ്പം നി​ല​യു​റ​പ്പി​ച്ച്​ പൂ​ഞ്ഞാ​ർ. ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​നെ അ​പേ​ക്ഷി​ച്ച്​ ഭൂ​രി​പ​ക്ഷ​ത്തി​ൽ 5319 വോ​ട്ടി​ന്‍റെ ഇ​ടി​വാ​ണ്​ ആ​ന്‍റോ ആ​ന്‍റ​ണി​ക്ക്​ പൂ​ഞ്ഞാ​റി​ലു​ണ്ടാ​യ​ത്. ഇ​ത്ത​വ​ണ ആ​ന്‍റോ ​12610 വോ​ട്ടി​ന്‍റെ ഭൂ​രി​പ​ക്ഷ​മാ​ണ്​ നേ​ടി​യ​ത്.

2019​ ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ നി​യോ​ജ​ക​മ​ണ്ഡ​ലം അ​ടി​സ്ഥാ​ന​ത്തി​ൽ യു.​ഡി.​എ​ഫ്​ സ്ഥാ​നാ​ർ​ഥി ആ​ന്‍റോ ആ​ന്‍റ​ണി​ക്ക്​ ഏ​റ്റ​വും കൂ​ടു​ത​ൽ ഭൂ​രി​പ​ക്ഷം ല​ഭി​ച്ച​ത്​ പൂ​ഞ്ഞാ​റി​ലാ​യി​രു​ന്നു-17,929. ഇ​താ​ണ്​ 12610 ആ​യ​ത്. കേ​ര​ള​ത്തി​ൽ പ​ത്ത​നം​തി​ട്ട​യി​ലാ​ണ്​ ഏ​റ്റ​വും കു​റ​വ് പോ​ളി​ങെ​ന്നും ഇ​തി​ന്‍റെ പ്ര​തി​ഫ​ല​ന​മാ​ണ്​ ഭൂ​രി​പ​ക്ഷ​ത്തി​ലു​ണ്ടാ​യ​തെ​ന്നു​മാ​ണ്​ യു.​ഡി.​എ​ഫ്​ കേ​ന്ദ്ര​ങ്ങ​ൾ വി​ശ​ദീ​ക​രി​ക്കു​ന്ന​ത്.

വോ​ട്ടി​ന്‍റെ എ​ണ്ണ​ത്തി​ലും വ​ലി​യ തോ​തി​ൽ കു​റ​വു​ണ്ടാ​യി. 2019ൽ ​പൂ​ഞ്ഞാ​റി​ൽ 61530 വോ​ട്ടു​ക​ൾ നേ​ടി​യെ​ങ്കി​ൽ ഇ​ത്ത​വ​ണ 51932 വോ​ട്ടാ​യി കു​റ​ഞ്ഞു. എ​ൽ.​ഡി.​എ​ഫ്, എ​ൻ.​ഡി.​എ വോ​ട്ടു​ക​ളി​ലും കു​റ​വു​ണ്ട്. ക​ഴി​ഞ്ഞ​ത​വ​ണ 43601 വോ​ട്ടാ​യി​രു​ന്നു എ​ൽ.​ഡി.​എ​ഫി​ന്​​ ല​ഭി​ച്ച​ത്. എ​ൻ.​ഡി.​എ​ക്ക്​ 30990 വോ​ട്ടും.

പ​ത്ത​നം​തി​ട്ട ലോ​ക്​​സ​ഭ മ​ണ്ഡ​ല​ത്തി​ല്‍ ആ​റ​ന്‍മു​ള ക​ഴി​ഞ്ഞാ​ല്‍ ആ​ന്‍റോ ഏ​റ്റ​വും കൂ​ടു​ത​ല്‍ ലീ​ഡ് നേ​ടി​യ​ത്​ പൂ​ഞ്ഞാ​റി​ലാ​ണ്​​ഒ​രു മു​നി​സി​പ്പാ​ലി​റ്റി​യും ഒ​മ്പ​ത്​ പ​ഞ്ചാ​യ​ത്തും അ​ട​ങ്ങി​യ പൂ​ഞ്ഞാ​റി​ല്‍ പൂ​ഞ്ഞാ​ര്‍ പ​ഞ്ചാ​യ​ത്തി​ല്‍ മാ​ത്ര​മാ​ണ് എ​ല്‍.​ഡി.​എ​ഫി​ന് നേ​രി​യ ലീ​ഡ് നേ​ടാ​നാ​യ​ത്. ഈ​രാ​റ്റു​പേ​ട്ട മു​നി​സി​പ്പാ​ലി​റ്റി​യും സ​മീ​പ പ​ഞ്ചാ​യ​ത്തു​ക​ളും യു.​ഡി.​എ​ഫി​നൊ​പ്പം ഉ​റ​ച്ചു​നി​ന്നു.

ഇ​ത്ത​വ​ണ എ​ൽ.​ഡി.​എ​ഫ്​ പൂ​ഞ്ഞാ​ർ നി​യോ​ജ​ക​മ​ണ്ഡ​ല​ത്തി​ൽ കൂ​ടു​ത​ൽ ശ്ര​ദ്ധ ചെ​ലു​ത്തി​യി​രു​ന്നു. കേ​ര​ള കോ​ൺ​ഗ്ര​സ്(​എം) എ​ൽ.​ഡി.​എ​ഫി​നൊ​പ്പം ചേ​ർ​ന്ന​തോ​ടെ മ​ണ്ഡ​ല​ത്തി​ന്‍റെ സ്വ​ഭാ​വം മാ​റി​യെ​ന്നും ഇ​ട​ത്​​നേ​താ​ക്ക​ൾ അ​വ​കാ​ശ​പ്പെ​ട്ടി​രു​ന്നു. പൂ​ഞ്ഞാ​റി​ൽ ഇ​ട​ത്​ എം.​എ​ൽ.​എ​യു​ള്ള​തും ആ​ത്​​മ​വി​ശ്വാ​സം പ​ക​ർ​ന്നി​രു​ന്നു. എ​ന്നാ​ലി​തൊ​ന്നും വി​ല​പ്പോ​യി​ല്ലെ​ന്നാ​ണ്​ വോ​ട്ടു​ക​ണ​ക്കു​ക​ൾ വ്യ​ക്​​ത​മാ​ക്കു​ന്ന​ത്.

കോ​ൺ​ഗ്ര​സ്​ നേ​തൃ​ത്വ​ത്തി​നും ഫ​ലം ആ​​ശ്വാ​സ​മാ​യി. കോ​ണ്‍ഗ്ര​സ് നേ​താ​ക്ക​ളി​ല്‍ ചി​ല​ർ ആ​ന്‍റോ ആ​ന്‍റ​ണി​ക്കെ​തി​രാ​യ നി​ല​പാ​ട്​ സ്വീ​ക​രി​ക്കു​മെ​ന്ന ആ​ശ​ങ്ക ഉ​യ​ർ​ന്നി​രു​ന്നെ​ങ്കി​ലും പ്ര​തി​ഫ​ല​ന​മു​ണ്ടാ​യി​ല്ല.

എ​ന്‍.​ഡി.​എ.​സ്ഥാ​നാ​ർ​ഥി​യാ​യു​ള്ള അ​നി​ല്‍ ആ​ന്‍റ​ണി​യു​ടെ വ​ര​വും യു.​ഡി.​എ​ഫി​നെ ബാ​ധി​ച്ചി​ല്ല. ആ​ന്‍റോ ആ​ന്‍റ​ണി​യേ​ക്കാ​ൾ 24000 ഓ​ളം വോ​ട്ടു​ക​ളു​ടെ കു​റ​വാ​ണ് എ​ന്‍.​ഡി.​എ​ക്ക്ഉ​ണ്ടാ​യ​ത്. 2019ലും ​ഇ​ത്ത​വ​ണ​യും പി.​സി. ജോ​ര്‍ജി​ന്‍റെ ക​രു​ത്ത് കൂ​ടി പ്ര​തീ​ക്ഷി​ച്ചാ​ണ്​ ബി.​ജെ.​പി ക​ള​ത്തി​ലി​റ​ക്കി​യ​ത്.

എ​ന്നാ​ല്‍, ഇ​ത്ത​വ​ണ ക​ഴി​ഞ്ഞ ത​വ​ണ​ത്തേ​ക്കാ​ള്‍ 3937 വോ​ട്ട് പൂ​ഞ്ഞാ​റി​ല്‍ കു​റ​ഞ്ഞു. ഇ​ത്​ ജോ​ർ​ജി​നും തി​രി​ച്ച​ടി​യാ​യി.