ഉത്തരവാദിത്ത ടൂറിസം പ്രവർത്തനങ്ങൾ പഠിക്കാൻ മധ്യപ്രദേശ് ടൂറിസം മന്ത്രി കുമരകത്ത്

േകാട്ടയം: കേരളത്തിലെ ഉത്തരവാദിത്ത ടൂറിസം പ്രവർത്തനങ്ങൾ സംസ്ഥാന ഉത്തരവാദിത്ത ടൂറിസം മിഷനുമായി ചേർന്ന് മധ്യപ്രദേശിൽ നടപ്പാക്കുന്നതി​െൻറ ഭാഗമായി മധ്യപ്രദേശ് ടൂറിസം മന്ത്രി ഉഷ താക്കൂറും 12 അംഗ ഉദ്യോഗസ്ഥ സംഘവും കുമരകത്തെത്തി. തിരുവനന്തപുരത്ത്​ നടന്ന ചടങ്ങിൽ ടൂറിസം മന്ത്രി കടകംപള്ളി സുരേന്ദ്രനും ഉഷ താക്കൂറും പരസ്പര സഹകരണ കരാർ ഒപ്പുവെച്ചു.

മന്ത്രി കുമരകത്തെയും അയ്മനത്തെയും വിവിധ യൂനിറ്റുകൾ സന്ദർശിക്ക​ുകയും വില്ലേജ് ലൈഫ് എക്സ്പീരിയൻസ് പാക്കേജി​െൻറ ഭാഗമായി കയർപിരി, തെങ്ങുകയറ്റം, ഓലമെടയൽ, പായ നെയ്​ത്ത്, കള്ളുചെത്തൽ, വലവീശൽ തുടങ്ങിയ പ്രവർത്തനങ്ങൾ കണ്ട്​ മനസ്സിലാക്കുകയും ചെയ്​തു.

ഉത്തരവാദിത്ത ടൂറിസം സംസ്ഥാന കോഓഡിനേറ്റർ കെ. രൂപേഷ് കുമാറും മധ്യപ്രദേശ് ടൂറിസം ബോർഡ് ഡയറക്ടർ മനോജ് കുമാർ സിംഗവുമാണ് ഇരു സംസ്ഥാനത്തെയും നോഡൽ ഓഫിസർമാർ.

മധ്യപ്രദേശ് ടൂറിസം ബോർഡ് അഡീഷനൽ ഡയറക്ടർ സോണിയ മീന, ഡോ. മനോജ് കുമാർ സിങ്​ ഉൾപ്പെടെ 12 പേരാണ്​ മധ്യപ്രദേശ്​ സംഘത്തിലുള്ളത്​. കേരളത്തി​െൻറ പ്രതിനിധികളായി ഉത്തരവാദിത്ത ടൂറിസം സംസ്ഥാന കോഓഡിനേറ്റർ രൂപേഷ് കുമാർ, ടൂറിസം ​െഡപ്യൂട്ടി ഡയറക്ടർ ജി. ശ്രീകുമാർ, ജില്ല കോഓഡിനേറ്റർ ഭഗത് സിങ്​ തുടങ്ങിയവർ ഒപ്പമുണ്ട്.

വെള്ളിയാഴ്​ചയും കുമരകത്ത്​ ചെലവഴിക്കുന്ന സംഘം തൊട്ടടുത്ത ദിവസം പെപ്പർ പദ്ധതി നടപ്പാക്കുന്ന വൈക്കത്തെ യൂനിറ്റുകളുടെ പ്രവർത്തനങ്ങളും മനസ്സിലാക്കി 18ന്​ മടങ്ങും.