ട്രെയിനിൽ മൊബൈൽ മോഷണം; അസം സ്വദേശി പിടിയിൽ
text_fieldsടിന്റസുഖിയ മകുംകിയ ദർശൻ ഛേത്രി
കോട്ടയം: മലബാർ എക്സ്പ്രസിൽ യുവതിയുടെ മൊബൈൽ ഫോൺ മോഷ്ടിച്ച പ്രതി അറസ്റ്റിൽ. അസം സ്വദേശി ടിന്റസുഖിയ മകുംകിയ ദർശൻ ഛേത്രിയെയാണ് (23) റെയിൽവേ പൊലീസ് എസ്.എച്ച്.ഒ റെജി പി. ജോസഫിന്റെ നേതൃത്വത്തിൽ അറസ്റ്റ് ചെയ്തത്.
വെള്ളിയാഴ്ച പുലർച്ചെ ആറോടെ മംഗലാപുരം - തിരുവനന്തപുരം എക്സ്പ്രസിലായിരുന്നു സംഭവം. വിവരമറിഞ്ഞ് റെയിൽവേ സംരക്ഷണ സേന എസ്.ഐ സന്തോഷ്, ഫിലിപ്പ് ജോൺ, ജി. വിപിൻ എന്നിവരുടെ നേതൃത്വത്തിലുള്ള സംഘമാണ് പ്രതിയെ കണ്ടെത്തിയത്. മോഷണം പോയ മൊബൈൽ ഫോൺ പ്രതിയിൽനിന്ന് കണ്ടെടുത്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.