മൊബൈൽ മോഷണം: പ്രതി പിടിയിൽ

കോട്ടയം: മെഡിക്കൽ കോളജിലും പരിസരത്തും രോഗികളുടെയും കൂട്ടിരിപ്പുകാരുടെയും പണവും മൊബൈലും മറ്റും മോഷ്ടിക്കുന്ന ആൾ പിടിയിൽ. തലയാഴം സ്വദേശിയായ വടക്കേവഞ്ചിപുരയ്ക്കൽ വീട്ടിൽ പ്രജീഷാണ് പിടിയിലായത്.

ഞായറാഴ്ച രാവിലെ 8.15ഓടെ മെഡിക്കൽ കോളജ് അത്യാഹിത വിഭാഗത്തിന് സമീപമുള്ള വിശ്രമമുറിയിൽ തീപ്പൊള്ളലേറ്റ് ചികിത്സക്കായി വന്ന അടൂർ സ്വദേശിനിയുടെ ഭർത്താവിന്‍റെ മൊബൈലും മറ്റൊരു രോഗിയുടെ 2900 രൂപയും പ്രതി മോഷ്ടിച്ചിരുന്നു.