ഓട്ടോ തോട്ടിലേക്ക് മറിഞ്ഞ് ആറുപേർക്ക് പരിക്ക്
text_fieldsമുപ്പത്തിനാലാം മൈലിന് സമീപം തോട്ടിലേക്ക് മറിഞ്ഞ ഓട്ടോ
മുണ്ടക്കയം: ദേശീയപാത മുപ്പത്തിനാലാം മൈലിന് സമീപം ഓട്ടോ നിയന്ത്രണം വിട്ട് തോട്ടിലേക്ക് മറിഞ്ഞ് വിദ്യാർഥിയടക്കം ആറുപേർക്ക് പരിക്കേറ്റു. ബുധനാഴ്ച വൈകീട്ട് 4.30നായിരുന്നു അപകടം. മുപ്പത്തിയഞ്ചാം മൈലിൽനിന്ന് മുണ്ടക്കയത്തേക്ക് വരുകയായിരുന്ന ഓട്ടോ എതിർദിശയിൽ വന്ന ശബരിമല തീർഥാടകരുടെ വാഹനത്തെ ഇടിക്കാതിരിക്കാൻ വെട്ടിച്ച് മാറ്റുന്നതിനിടയാണ് അപകടം.
പരിക്കേറ്റ പെരുവന്താനം സ്വദേശികളായ ആയപ്പാറ വീട്ടില് ഷഹന (25), മകള് ഫൈഹ ഫാത്തിമ (അഞ്ച്), വണ്ടന്പതാല് സ്വദേശി ടിന്സി (40), പറത്താനം സ്വദേശി രമ്യ രവി (35), അമരാവതി സ്വദേശി ഷിബി (46), ഇടചോറ്റി സ്വദേശി മിനി (40) എന്നിവര്ക്കാണ് പരിക്കേറ്റത്. ഇവരെ മുപ്പത്തിയഞ്ചാം മൈലിലെ സ്വകാര്യ ആശുപത്രിയിൽ പ്രവേശിപ്പിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.