‘നാലുമണിക്കാറ്റ്​’ ഇനി ക്ലീൻ സ്​ട്രീറ്റ്​ ഫുഡ്​ ഹബ്

കോ​ട്ട​യം: കാ​റ്റേ​റ്റ്​ നാ​ട​ൻ രു​ചി​ക​ൾ ആ​സ്വ​ദി​ക്കാ​ൻ ക​ഴി​യു​ന്ന ‘നാ​ലു​മ​ണി​ക്കാ​റ്റി​ന്​’ ഇ​നി പു​തു​മോ​ടി. ‘ക്ലീ​ൻ സ്​​ട്രീ​റ്റ്​ ഫു​ഡ്​ ഹ​ബ്​’ ആ​യി​ മു​ഖം​മി​നു​ക്കി​യെ​ത്തു​ന്ന ‘നാ​ലു​മ​ണി​ക്കാ​റ്റ്​’ വ​ഴി​യോ​ര വി​നോ​ദ സ​ഞ്ചാ​ര പ​ദ്ധ​തി ഫെ​ബ്രു​വ​രി ആ​ദ്യ​വാ​രം തു​റ​ക്കും. കേ​ന്ദ്ര ഭ​ക്ഷ്യ​സു​ര​ക്ഷാ​വ​കു​പ്പ്​ ‘ക്ലീ​ൻ സ്​​ട്രീ​റ്റ്​ ഫു​ഡ്​ ഹ​ബ്​’ ആ​യി നാ​ലു​മ​ണി​ക്കാ​റ്റി​നെ തെ​ര​ഞ്ഞെ​ടു​ത്ത​തോ​ടെ​യാ​ണ്​ ന​വീ​ക​ര​ണ​ത്തി​ന്​ വ​ഴി​തെ​ളി​ഞ്ഞ​ത്. ഇ​തോ​ടെ ഇ​വി​ട​ത്തെ ത​ട്ടു​ക​ട​ക​ളു​ടെ പ്ര​വ​ർ​ത്ത​നം താ​ൽ​ക്കാ​ലി​ക​മാ​യി നി​ർ​ത്തി​യി​രു​ന്നു.

40 ല​ക്ഷ​ത്തോ​ളം രൂ​പ ചെ​ല​വി​ട്ടാ​ണ് മ​ണ​ർ​കാ​ട്- ഏ​റ്റു​മാ​നൂ​ർ ബൈ​പാ​സി​ലെ നാ​ലു​മ​ണി​ക്കാ​റ്റ് ​ വ​ഴി​യോ​ര വി​നോ​ദ സ​ഞ്ചാ​ര​കേ​ന്ദ്ര​ത്തി​ന്‍റെ ന​വീ​ക​ര​ണം ന​ട​ന്നു​വ​രു​ന്ന​ത്. നാ​ട​ൻ ഭ​ക്ഷ്യ​ഉ​ൽ​പ​ന്ന​ങ്ങ​ളു​ടെ വി​ൽ​പ​ന​ക്കാ​യി 12 ബ​ങ്കു​ക​ളും സ്ഥാ​പി​ച്ചു. ഒ​രേ മാ​തൃ​ക​യി​ലു​ള്ള​താ​ണ്​ ഇ​വ​യെ​ല്ലാം. നേ​ര​ത്തെ നാ​ട​ൻ രു​ചി വി​ള​മ്പു​ന്ന എ​ട്ട്​ ത​ട്ടു​ക​ട​ക​ളാ​യി​രു​ന്നു ഉ​ണ്ടാ​യി​രു​ന്ന​ത്. ന​വീ​ക​ര​ണ​ത്തി​ൽ ഇ​ത്​ 12 ആ​ക്കി ഉ​യ​ർ​ത്തി. കു​ടും​ബ​ശ്രീ യൂ​നി​റ്റു​ക​ൾ​ക്ക്​ ത​ന്നെ​യാ​കും ഭ​ക്ഷ​ണ​ത്തി​ന്‍റെ ചു​മ​ത​ല. ക​ഴി​ഞ്ഞ​ദി​വ​സ​ങ്ങ​ളി​ൽ ഇ​വ​ർ​ക്ക്​ പ​ഴ​യി​ടം മോ​ഹ​ന​ൻ ന​മ്പൂ​തി​രി​യു​ടെ നേ​തൃ​ത്വ​ത്തി​ൽ ​ പ്ര​ത്യേ​ക പ​രി​ശീ​ല​ന​വും ന​ൽ​കി. സി.​സി. ടി.​വി കാ​മ​റ​ക​ളും പു​തി​യ​താ​യി സ്ഥാ​പി​ച്ചി​ട്ടു​ണ്ട്. സോ​ളാ​ർ പാ​ന​ലു​ക​ളും സ​ജ്ജീ​ക​രി​ച്ചു.

കേ​ന്ദ്ര ഭ​ക്ഷ്യ​സു​ര​ക്ഷാ​വ​കു​പ്പി​ന്‍റെ ശു​ചി​ത്വ മാ​ന​ദ​ണ്ഡ​ങ്ങ​ൾ പാ​ലി​ച്ചാ​കും നാ​ട​ൻ ഭ​ക്ഷ്യ​ബ​ങ്കു​ക​ളു​ടെ പ്ര​വ​ർ​ത്ത​നം. ശു​ദ്ധ​വും ഉ​യ​ർ​ന്ന ഗു​ണ​നി​ല​വാ​ര​വു​മു​ള്ള​താ​കും ഉ​ൽ​പ​ന്ന​ങ്ങ​ൾ. മാ​യ​മു​ണ്ടാ​കി​ല്ല. ഗു​ണ​നി​ല​വാ​രം അ​ട​ക്കം പ​രി​ശോ​ധി​ച്ചാ​കും അ​സം​സ്കൃ​ത വ​സ്തു​ക്ക​ൾ തെ​ര​ഞ്ഞെ​ടു​ക്കു​ക. ജീ​വ​ന​ക്കാ​രു​ടെ ശാ​രീ​രി​ക​ശു​ദ്ധി​ക്കൊ​പ്പം പ​രി​സ​ര ശു​ചി​ത്വ​വും ഉ​റ​പ്പാ​ക്കും. ശു​ദ്ധീ​ക​രി​ച്ച ​വെ​ള്ള​മാ​യി​രി​ക്കും വി​ത​ര​ണം ന​ട​ത്തു​ക. മ​ണ​ർ​കാ​ട്​ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ഇ​തി​നാ​യി ഇ​വി​ടെ ജ​ല​ശൂ​ചീ​ക​ര​ണ പ്ലാ​ന്‍റും ഒ​രു​ക്കും. മാ​ലി​ന്യ​നി​ർ​മാ​ർ​ജ​ന​ത്തി​നും പ്ര​ത്യേ​ക സം​വി​ധാ​ന​മു​ണ്ടാ​കും.

ഓ​രോ ക​ട​ക​ളി​ലും ല​ഭി​ക്കു​ന്ന നാ​ട​ൻ പ​ല​ഹാ​ര​ങ്ങ​ളു​ടെ​യും ഭ​ക്ഷ്യ​വ​സ്തു​ക്ക​ളു​ടെ​യും വി​വ​ര​ങ്ങ​ൾ ഉ​ൾ​പ്പെ​ടു​ത്തി പ്ര​ത്യേ​ക ബോ​ർ​ഡും സ്ഥാ​പി​ച്ചി​ട്ടു​ണ്ട്. തി​രു​വാ​തി​ര പു​ഴു​ക്ക്, സാ​ധാ​ര​ണ പു​ഴു​ക്ക്​ എ​ന്നി​വ ഇ​നി എ​ല്ലാ​ദി​വ​സ​വും ല​ഭി​ക്കും. ഒ​പ്പം നേ​ര​​ത്തെ ല​ഭ്യ​മാ​യി​രു​ന്ന കാ​ച്ചി​ൽ, ചേ​മ്പ്​ എ​ന്നി​വ വേ​വി​ച്ച​ത്, ക​പ്പ പു​ഴു​ങ്ങി​യ​ത്, പ​ഴം പൊ​രി, ഇ​ല അ​ട, ബ​ജി, വ​ട, ഉ​പ്പി​ലി​ട്ട മാ​ങ്ങ, നെ​ല്ലി​ക്ക തു​ട​ങ്ങി​യ നാ​ട​ൻ വി​ഭ​വ​ങ്ങ​ളു​മു​ണ്ടാ​കും.

ന​വീ​ക​ര​ണ​ത്തി​ന്‍റെ ഭാ​ഗ​മാ​യി മാ​സ​ങ്ങ​ളാ​യി ക​ട​ക​ൾ അ​ട​ച്ചി​ട്ടി​രി​ക്കു​ക​യാ​യി​രു​ന്നെ​ങ്കി​ലും ഇ​വി​ടേ​ക്ക്​ എ​ത്തു​ന്ന​വ​രു​ടെ എ​ണ്ണ​ത്തി​ൽ കു​റ​വു​ണ്ടാ​യി​രു​ന്നി​ല്ല. ഈ ​സാ​ഹ​ച​ര്യ​ത്തി​ൽ ന​വീ​ക​ര​ണോ​ദ്​​ഘാ​ട​ന​ത്തി​നു​ശേ​ഷം പ്ര​വ​ർ​ത്ത​ന​സ​മ​യം രാ​വി​ലെ 11 മു​ത​ൽ രാ​ത്രി എ​ട്ടു​വ​രെ ആ​ക്കാ​നും ആ​ലോ​ച​ന​യു​ണ്ട്.

മ​ണ​ർ​കാ​ട്-​ഏ​റ്റു​മാ​നൂ​ർ ബൈ​പാ​സ് റ​സി​ഡ​ൻ​സ് അ​സോ​സി​യേ​ഷ​ന്‍റെ നേ​തൃ​ത്വ​ത്തി​ൽ 2011 ജ​നു​വ​രി​യി​ലാ​ണ്​ പ​ദ്ധ​തി​ക്ക്​ തു​ട​ക്ക​മി​ട്ട​ത്. മാ​ലി​ന്യ​ക്കൂ​മ്പാ​രം നീ​ക്കി​യ​ശേ​ഷം നെ​ൽ​പാ​ട​ത്തി​ന്​ ന​ടു​വി​ലൂ​ടെ​യു​ള്ള റോ​ഡി​ന്‍റെ വ​ശ​ങ്ങ​ളി​ൽ സി​മ​ന്‍റ്​ ബെ​ഞ്ചു​ക​ൾ സ്ഥാ​പി​ച്ചു. ത​ണ​ൽ​മ​ര​ങ്ങ​ളും ന​ട്ടു​പി​ടി​പ്പി​ച്ചു. കു​ട്ടി​ക​ൾ​ക്കാ​യി ഊ​ഞ്ഞാ​ൽ അ​ട​ക്ക​മു​ള്ള റൈ​ഡു​ക​ളും ഒ​രു​ക്കി.

2013 ൽ ​വി​നോ​ദ സ​ഞ്ചാ​ര രം​ഗ​ത്തെ മി​ക​ച്ച നൂ​ത​ന ആ​ശ​യ​ത്തി​നു​ള​ള സം​സ്ഥാ​ന വി​നോ​ദ സ​ഞ്ചാ​ര പു​ര​സ്കാ​രം, 2014ൽ ​രാ​ജ്യാ​ന്ത​ര സം​ഘ​ട​ന​യാ​യ സ്കാ​ൽ ഇ​ന്‍റ​ർ​നാ​ഷ​ന​ലി​ന്‍റെ ലോ​ക സു​സ്ഥി​ര വി​നോ​ദ സ​ഞ്ചാ​ര അ​വാ​ർ​ഡ് എ​ന്നി​വ ഈ ​ജ​ന​കീ​യ വി​നോ​ദ സ​ഞ്ചാ​ര പ​ദ്ധ​തി​ക്ക്​ ല​ഭി​ച്ചി​രു​ന്നു.

കേ​ന്ദ്ര​ഫ​ണ്ടി​നൊ​പ്പം കു​ടും​ബ​ശ്രീ യൂ​നി​റ്റു​ക​ക​ൾ വാ​യ്പ​യി​ലൂ​ടെ​യും വി​ക​സ​ന​ത്തി​നാ​യി തു​ക ക​ണ്ടെ​ത്തി​യെ​ന്ന്​​ മ​ണ​ർ​കാ​ട്-​ഏ​റ്റു​മാ​നൂ​ർ ബൈ​പാ​സ് റ​സി​ഡ​ൻ​സ് അ​സോ​സി​യേ​ഷ​ന്‍റെ പ്ര​സി​ഡ​ന്‍റ്​ ഡോ.​പു​ന്ന​ൻ കു​ര്യ​ൻ വേ​ങ്ക​ട​ത്ത് പ​റ​ഞ്ഞു.