നെഹ്​റു സ്​റ്റേഡിയം; പവിലിയൻ​ അപകടാവസ്ഥയിലെന്ന്​ എൻജിനീയറിങ്​ വിഭാഗം

കോ​ട്ട​യം: നാ​ഗ​മ്പ​ടം നെ​ഹ്​​റു സ്​​റ്റേ​ഡി​യ​ത്തി​ന്‍റെ പ​വി​ലി​യ​ൻ അ​പ​ക​ടാ​വ​സ്ഥ​യി​ലെ​ന്ന്​​ മു​നി​സി​പ്പ​ൽ എ​ൻ​ജി​നീ​യ​റി​ങ്​ വി​ഭാ​ഗ​ത്തി​ന്‍റെ റി​പ്പോ​ർ​ട്ട്. ക​ഴി​ഞ്ഞ ദി​വ​സം ഏ​ഴ്​ മു​നി​സി​പ്പ​ൽ ​കെ​ട്ടി​ട​ങ്ങ​ളി​ൽ എ​ൻ​ജി​നീ​യ​റി​ങ്​ വി​ഭാ​ഗം പ​രി​ശോ​ധ​ന ന​ട​ത്തി​യി​രു​ന്നു. ഇ​തി​ൽ സ്റ്റേ​ഡി​യ​ത്തി​ന്‍റെ നി​ല അ​പ​ക​ടാ​വ​സ്ഥ​യി​ലാ​ണെ​ന്നാ​ണ്​ ക​ണ്ടെ​ത്തി​യ​ത്. പ​വി​ലി​യ​ന്‍റെ കോ​ൺ​ക്രീ​റ്റ്​ പ​ല​യി​ട​ങ്ങ​ളി​ലും ഇ​ള​കി​യി​രി​ക്കു​ക​യാ​ണ്.

എ​ൻ​ജി​നീ​യ​റി​ങ്​ വി​ഭാ​ഗ​ത്തി​ന്‍റെ പ​രി​ശോ​ധ​ന​ക്കു പി​ന്നാ​ലെ പ​വി​ലി​യ​നി​ലെ കോ​ൺ​ക്രീ​റ്റ്​ ഇ​ള​കി താ​ഴെ വീ​ഴു​ക​യും ചെ​യ്തു. ആ​ളു​ക​ളി​ല്ലാ​ത്ത​തി​നാ​ൽ അ​പ​ക​ടം ഒ​ഴി​വാ​യി. കോ​ട്ട​യം ന​ഗ​ര​ത്തി​ലെ ഏ​ക സ്​​റ്റേ​ഡി​യ​മാ​ണ്​ അ​ധി​കൃ​ത​രു​ടെ അ​നാ​സ്ഥ മൂ​ലം ദു​ര​വ​സ്ഥ​യി​ലാ​യി​രി​ക്കു​ന്ന​ത്. ക്ല​ബ്​ ഫു​ട്​​ബാ​ൾ​ മ​ത്സ​ര​ങ്ങ​ളും സം​സ്ഥാ​ന കാ​യി​ക മേ​ള​ക​ളും ന​ട​ന്നി​രു​ന്ന സ്​​റ്റേ​ഡി​യ​ത്തി​ൽ ഇ​​പ്പോ​ൾ കാ​യി​ക താ​ര​ങ്ങ​ൾ​ക്ക്​ പ​രി​ശീ​ല​ന​ത്തി​നു​ പോ​ലും സൗ​ക​ര്യ​മി​ല്ല.

കാ​ടു ക​യ​റി​ക്കി​ട​ക്കു​ക​യാ​ണ്​ മൈ​താ​നം. രാ​​ത്രി സാ​മൂ​ഹി​ക വി​രു​ദ്ധ​രു​ടെ ശ​ല്യ​വും. സ്​​റ്റേ​ഡി​യ​ത്തി​ലെ സോ​ളാ​ർ വി​ള​ക്കു​ക​ളെ​ല്ലാം ന​ശി​ച്ചു. ബാ​റ്റ​റി​ക​ൾ ആ​രൊ​ക്കെ​യോ ഊ​രി​ക്കൊ​ണ്ടു​പോ​യി. ചി​ല വി​ള​ക്കു​ക​ൾ നി​ലം പൊ​ത്തി. ഗാ​ല​റി​ക​ളി​ൽ പോ​ലും കാ​ടു വ​ള​ർ​ന്നു. രാ​വി​ലെ​യും വൈ​കീ​ട്ടും നി​ര​വ​ധി​പേ​ർ ന​ട​ക്കു​ന്ന​തും വ്യാ​യാ​മം ചെ​യ്യു​ന്ന​തും സ്​​റ്റേ​ഡി​യ​ത്തി​ലെ പ​തി​വു​കാ​ഴ്ച ആ​യി​രു​ന്നു. എ​ന്നാ​ൽ, ഇ​പ്പോ​ൾ സ്​​റ്റേ​ഡി​യ​ത്തി​ൽ കാ​ലു​കു​ത്താ​ൻ​പോ​ലും പേ​ടി​ക്ക​ണം.

ഗാ​ല​റി​യി​ലെ കൈ​വ​രി​ക​ളെ​ല്ലാം ത​ക​ർ​ന്നു. ചി​ല​ത്​ എ​പ്പോ​ൾ വേ​ണ​മെ​ങ്കി​ലും വീ​ഴാ​മെ​ന്ന അ​വ​സ്ഥ​യി​ൽ ച​രി​ഞ്ഞു​നി​ൽ​ക്കു​ക​യാ​ണ്.​ താ​ഴ​ത്തെ ക​ട​ക​ളും അ​പ​ക​ടാ​വ​സ്ഥ​യി​ലാ​ണ്.

1973ലാ​ണ്​ ഒ​മ്പ​തേ​ക്ക​റി​ലാ​യി​ സ്​​റ്റേ​ഡി​യം നി​ർ​മി​ച്ച​ത്. ഒ​രു ഫു​ട്ബാ​ൾ സ്റ്റേ​ഡി​യം, 400 മീ​റ്റ​ർ ട്രാ​ക്ക്, ഗാ​ല​റി, ക്രി​ക്ക​റ്റ് നെ​റ്റ്സ്, ബാ​സ്ക​റ്റ് ബോ​ൾ സ്റ്റേ​ഡി​യം എ​ന്നി​വ​യാ​ണ് ഇ​വി​ടെ​യു​ള്ള​ത്. ഇ​വ​യൊ​ന്നും തി​രി​ച്ചെ​ടു​ക്കാ​ൻ പ​റ്റാ​ത്ത വി​ധം ന​ശി​ച്ചു.

മ​ഴ​പെ​യ്താ​ൽ സ്​​റ്റേ​ഡി​യം കു​ള​മാ​വും. മീ​ന​ച്ചി​ലാ​റി​ലെ ജ​ല​നി​ര​പ്പി​ൽ​നി​ന്ന് താ​ഴ്ച​യി​ലാ​യ​തി​നാ​ൽ വെ​ള്ളം ഒ​ഴു​കി​പ്പോ​കാ​ൻ താ​മ​സ​മു​ണ്ട്. കോ​ടി​ക​ൾ ചെ​ല​വി​ട്ട്​ നി​ർ​മി​ച്ച സ്​​റ്റേ​ഡി​യം ന​ശി​ച്ചി​ട്ടും അ​ധി​കൃ​ത​ർ​ക്ക്​ കു​ലു​ക്ക​മി​ല്ല.

സ്​​റ്റേ​ഡി​യ​ത്തി​ന്‍റെ മാ​ത്ര​മ​ല്ല ന​ഗ​ര​സ​ഭ​യു​ടെ കെ​ട്ടി​ട​ങ്ങ​ളി​ലൊ​ന്നും കൃ​ത്യ​മാ​യി അ​റ്റ​കു​റ്റ​പ്പ​ണി ന​ട​ക്കു​ന്നി​ല്ല. അ​പ​ക​ടാ​വ​സ്ഥ​യി​ലെ​ത്തു​മ്പോ​ൾ പൊ​ളി​ക്കാ​ൻ തീ​രു​മാ​നി​ക്കും. പൊ​ളി​ച്ച​ടു​ക്ക​ൽ മാ​​ത്ര​മാ​ണ്​ അ​റി​യാ​വു​ന്ന പ​ണി​യെ​ന്ന ചീ​ത്ത​പ്പേ​ര്​ ​കാ​ല​ങ്ങ​ളാ​യി ന​ഗ​ര​സ​ഭ​ക്കു​ണ്ട്. എ​ല്ലാ ബ​ജ​റ്റി​ലും സ്​​റ്റേ​ഡി​യ​ത്തി​നാ​യി തു​ക മാ​റ്റി​​വെ​ക്കു​ന്നു​​ണ്ടെ​ങ്കി​ലും ഒ​ന്നും സ്​​റ്റേ​ഡി​യ​ത്തി​ലെ​ത്തു​ന്നി​ല്ല.