മൃഗാശുപത്രികളില്‍ മരുന്നില്ല; ക്ഷീരകര്‍ഷകർ നെട്ടോട്ടത്തിൽ

മൃ​ഗ​സം​ര​ക്ഷ​ണ വ​കു​പ്പ്​ നേ​രി​ട്ടു​ള്ള മ​രു​ന്ന്‌ വി​ത​ര​ണം നി​ര്‍ത്തി​യ​താ​ണ്​ പ്ര​തി​സ​ന്ധി​ക്ക്​ പ്ര​ധാ​ന കാ​ര​ണം. ഇ​പ്പോ​ൾ ത​ദേ​ശ​സ്‌​ഥാ​പ​ന​ങ്ങ​ൾ​ക്കാ​ണ്​​ മൃ​ഗാ​ശു​പ​ത്രി​യി​ലേ​ക്കാ​വ​ശ്യ​മാ​യ മ​രു​ന്നു​ക​ള്‍ വാ​ങ്ങി ന​ൽ​കാ​നു​ള്ള ചു​മ​ത​ല. ഒ​രു ല​ക്ഷം രൂ​പ​യാ​ണ്‌ ഇ​ത്ത​ര​ത്തി​ല്‍ മ​രു​ന്നു​ക​ള്‍ക്കാ​യി വ​ക​യി​രു​ത്തു​ന്ന​ത്‌. എ​ന്നാ​ൽ, ജി​ല്ല​യി​ലെ മൂ​ന്നോ നാ​ലോ ത​ദ്ദേ​ശ​സ്വ​യം ഭ​ര​ണ​സ്‌​ഥാ​പ​ന​ങ്ങ​ള്‍ മാ​ത്ര​മാ​ണ്‌ കൃ​ത്യ​മാ​യി മ​രു​ന്നു​ക​ള്‍ വാ​ങ്ങി ന​ൽ​കു​ന്ന​ത്.

കോ​ട്ട​യം: മ​ഴ​ക്കാ​ലം ആ​രം​ഭി​ച്ചി​ട്ടും മൃ​ഗാ​ശു​പ​ത്രി​ക​ളി​ല്‍ അ​വ​ശ്യ​മ​രു​ന്നു​ക​ളി​ല്ല. മ​രു​ന്നു​തേ​ടി മൃ​ഗാ​ശു​പ​ത്രി​ക​ളി​ലെ​ത്തു​ന്ന ക്ഷീ​ര​ക​ർ​ഷ​ക​ർ നി​രാ​ശ​യോ​ടെ മ​ട​ങ്ങു​ന്നു. ജി​ല്ല​യി​ലെ 80 ആ​ശു​പ​ത്രി​ക​ളി​ല്‍ ഭൂ​രി​ഭാ​ഗ​ത്തി​ലും മ​രു​ന്നു​ക​ള്‍ക്ക്‌ ക്ഷാ​മം അ​നു​ഭ​വ​പ്പെ​ടു​ന്ന​താ​യി ക​ര്‍ഷ​ക​ര്‍ പ​റ​യു​ന്നു. ഇ​തോ​ടെ ഉ​യ​ര്‍ന്ന വി​ല കൊ​ടു​ത്ത്‌ സ്വ​കാ​ര്യ മെ​ഡി​ക്ക​ൽ സ്​​റ്റോ​റു​ക​ളി​ൽ​നി​ന്ന്‌ മ​രു​ന്ന്​ വാ​ങ്ങേ​ണ്ട ഗ​തി​കേ​ടി​ലാ​ണ്‌ ക​ര്‍ഷ​ക​ര്‍. തു​ട​ര്‍ച്ച​യാ​യി മ​ഴ പെ​യ്‌​ത​തോ​ടെ മൃ​ഗ​ങ്ങ​ള്‍ക്ക്‌ രോ​ഗ​ങ്ങ​ളും വ്യാ​പ​ക​മാ​യി. എ​ന്നി​ട്ടും മ​രു​ന്നു​ക​ൾ ല​ഭ്യ​മാ​ക്കാ​ത്ത​ത്​ പ്ര​തി​ഷേ​ധ​ത്തി​നി​ട​യാ​ക്കു​ന്നു​ണ്ട്.

മ​രു​ന്നു​ക്ഷാ​മം ഏ​റ്റ​വും കൂ​ടു​ത​ല്‍ ബാ​ധി​ക്കു​ന്ന​ത്‌ ക്ഷീ​ര​ക​ര്‍ഷ​ക​രെ​യാ​ണ്‌. ആ​വ​ശ്യ​മാ​യ മ​രു​ന്നു​ക​ള്‍ സ്വ​കാ​ര്യ സ്‌​ഥാ​പ​ന​ങ്ങ​ളി​ല്‍ നി​ന്ന്​ വാ​ങ്ങാ​നാ​ണ്‌ ഡോ​ക്‌​ട​ര്‍മാ​രും നി​ദേ​ശി​ക്കു​ന്ന​ത്‌. വ​യ​റി​ള​ക്കം, തീ​റ്റ എ​ടു​ക്കാ​തി​രി​ക്ക​ല്‍, ദ​ഹ​ന​പ്ര​ശ്‌​നം, അ​കി​ടു​വീ​ക്കം, കാ​ത്സ്യ​ക്കു​റ​വ്‌ തു​ട​ങ്ങി​യ രോ​ഗ​ങ്ങ​ളാ​ണ്‌ മ​ഴ​ക്കാ​ല​ത്ത്‌ മൃ​ഗ​ങ്ങ​ളെ ഏ​റെ ബാ​ധി​ക്കു​ന്ന​ത്‌. വി​ര​ഗു​ളി​ക, ദ​ഹ​ന​ത്തി​നാ​വ​ശ്യ​മാ​യ മ​രു​ന്നു​ക​ള്‍, കാ​ത്സ്യം പൗ​ഡ​ര്‍, അ​കി​ട്‌ വീ​ക്ക​ത്തി​നു​ള്ള മ​രു​ന്ന്‌ എ​ന്നി​വ​ക്ക്​ ക്ഷാ​മം അ​നു​ഭ​വ​പ്പെ​ടു​ന്ന​താ​യി ക​ര്‍ഷ​ക​ര്‍ പ​റ​യു​ന്നു. ഇ​ത​ര​സം​സ്‌​ഥാ​ന​ങ്ങ​ളി​ല്‍ നി​ന്ന്‌ രോ​ഗ​ബാ​ധ​യു​ള്ള പ​ശു​ക്ക​ള്‍ കൂ​ടു​ത​ലാ​യി എ​ത്തി​യ​തോ​ടെ സൈ​ലേ​റി​യ രോ​ഗ​വും വി​വി​ധ ഇ​ട​ങ്ങ​ളി​ല്‍ റി​പ്പോ​ര്‍ട്ട്‌ ചെ​യ്യു​ന്നു​ണ്ട്‌.

നേ​ര​ത്തെ ജി​ല്ല മൃ​ഗാ​ശു​പ​ത്രി​യി​ല്‍ രോ​ഗ​നി​ർ​ണ​യം സൗ​ജ​ന്യ​മാ​യി​രു​ന്നു​വെ​ന്നും ഇ​പ്പോ​ള്‍ 350 രൂ​പ ന​ല്‍ക​ണ​മെ​ന്നും ക​ർ​ഷ​ക​ർ പ​റ​യു​ന്നു. പ​രി​ശോ​ധ​ന ഫ​ലം ല​ഭി​ക്കു​ന്ന​തി​ന്‌ കാ​ല​താ​മ​സം നേ​രി​ടു​ന്ന​താ​യും​ പ​രാ​തി​യു​ണ്ട്‌.

പ​രി​പാ​ല​ന ചെ​ല​വ് കൂ​ടു​ന്നു; ന​ഷ്ട​വും

കോ​ട്ട​യം: പ​രി​പാ​ല​ന ചെ​ല​വ് കു​ത്ത​നെ ഉ​യ​ർ​ന്ന​തും ക്ഷീ​ര​മേ​ഖ​ല​ക്ക്​ ക​ന​ത്ത തി​രി​ച്ച​ടി​യാ​യി. കാ​ലി​ത്തീ​റ്റ, ത​വി​ട്, പ​രു​ത്തി​ക്കു​രു എ​ന്നി​വ​യു​ടെ വി​ല വ​ര്‍ധ​ന​യാ​ണ്​ ക്ഷീ​ര​മേ​ഖ​ല​യെ ത​ള​ര്‍ത്തു​ന്ന​ത്. കാ​ലി​ത്തീ​റ്റ 50 കി​ലോ ചാ​ക്കി​ന്​ 1510 രൂ​പ​യാ​ണ് വി​ല. പ​രു​ത്തി​ക്കു​രു​വി​ന്​ കി​ലോ​ക്ക്​ 55 രൂ​പ​യും പ​രു​ത്തി​പ്പി​ണ്ണാ​ക്കി​ന്​ 42 രൂ​പ​യും ന​ൽ​ക​ണം. ത​വി​ടി​ന്​ 35 രൂ​പ​യാ​ണ് വി​ല. ചെ​റു​കി​ട ക്ഷീ​ക​ര്‍ഷ​ക​ര്‍ക്ക് ഈ ​ചെ​ല​വ്​ താ​ങ്ങു​ക ദു​ഷ്‌​ക​ര​മാ​ണ്. പു​ല്ലും ക​ച്ചി​യും ഉ​ള്‍പ്പെ​ടെ​യു​ള്ള​വ​യെ​ല്ലാം വി​ല കൊ​ടു​ത്ത്​ വാ​ങ്ങു​ന്ന ക​ര്‍ഷ​ക​ന് നീ​ക്കി​യി​രി​പ്പ്​ ഒ​ന്നു​മി​ല്ലാ​ത്ത സ്ഥി​തി​യാ​ണ്.

ദി​വ​സ​വും 10 ലി​റ്റ​ര്‍ പാ​ല്‍ വി​റ്റാ​ലേ ചെ​റു​കി​ട​ക്കാ​ര്‍ക്ക് ഈ ​പ്ര​തി​സ​ന്ധി മ​റി​ക​ട​ക്കാ​നാ​കൂ. പ​ല​ർ​ക്കും രോ​ഗ​ങ്ങ​ളും മ​റ്റ്​ പ്ര​തി​സ​ന്ധി​ക​ളും മൂ​ലം ഈ ​അ​ള​വി​ലേ​ക്ക്​ എ​ത്താ​ൻ ക​ഴി​യാ​റി​ല്ല. ഒ​രു ലി​റ്റ​ർ പാ​ലി​ന്​ പു​റ​ത്ത്​ 60 രൂ​പ വ​രെ ല​ഭി​ക്കു​മ്പോ​ൾ ക്ഷീ​ര​സം​ഘ​ങ്ങ​ള്‍ കു​റ​ഞ്ഞ വി​ല​യാ​ണ്​ ന​ൽ​കു​ന്ന​ത്. പാ​ലി​ലെ കൊ​ഴു​പ്പും (ഫാ​റ്റ്) പോ​ഷ​ക​ങ്ങ​ളും (എ​സ്.​എ​ൻ.​എ​ഫ്) അ​ടി​സ്ഥാ​ന​മാ​ക്കി​യാ​ണ് ക്ഷീ​ര​സം​ഘ​ങ്ങ​ള്‍ വി​ല ന​ല്‍കു​ന്ന​ത്. ഇ​തി​ന്‍റെ അ​ടി​സ്ഥാ​ന​ത്തി​ല്‍ മി​ക്ക ക​ര്‍ഷ​ക​ര്‍ക്കും സം​ഘ​ങ്ങ​ളി​ല്‍നി​ന്ന് കി​ട്ടു​ന്ന പ​ര​മാ​വ​ധി വി​ല 46 രൂ​പ വ​രെ​യാ​ണ്. ഫാ​റ്റും റീ​ഡി​ങും നോ​ക്കി വി​ല കു​റ​ക്കു​ന്ന​ത് അ​ശാ​സ്ത്രീ​യ​മാ​ണെ​ന്ന്​ ക​ർ​ഷ​ക​ർ കു​റ്റ​പ്പെ​ടു​ത്തു​ന്നു.