ട്രയൽ റണ്ണിനിടെ പൊലീസ് ജീപ്പിടിച്ച് ഒരാൾക്ക് പരിക്ക്
text_fieldsഅപകടത്തിനിടയാക്കിയ പൊലീസ് ജീപ്പ്
കോട്ടയം: ഗവർണറുടെ സന്ദർശനവുമായി ബന്ധപ്പെട്ട് പൊലീസ് നടത്തിയ ട്രയൽ റണ്ണിനിടെ അപകടം. പൊലീസ് ജീപ്പിടിച്ച് ഒരാൾക്ക് പരിക്കേറ്റു. ഇയാളെയുംകൊണ്ട് മെഡിക്കൽ കോളജ് ആശുപത്രിലേക്കുപോയ ആംബുലൻസും അപകടത്തിൽപ്പെട്ടു. ഇതിലും ഒരാൾക്ക് പരിക്കേറ്റു. വെള്ളിയാഴ്ച ൈവകീട്ട് അഞ്ചിന് പാമ്പാടി ടൗണിലായിരുന്നു ആദ്യ അപകടം. റോഡ് മുറിച്ചുകടന്ന പങ്ങട കൊട്ടാരത്തിൽ കെ.കെ. വിജയനെ(60) പൊലീസ് ജീപ്പിടിച്ചു.
ഇയാളെ ആദ്യം പാമ്പാടി താലൂക്ക് ആശുപത്രിയിൽ പ്രവേശിച്ചു. തുടർന്ന് കോട്ടയം മെഡിക്കൽ കോളജ് ആശുപത്രിയിലേക്ക് കൊണ്ടുപോകുന്നതിനിടെ ആംബുലൻസ് മറ്റൊരാളെ ഇടിക്കുകയായിരുന്നു. പാമ്പാടി കാളച്ചന്തക്ക് സമീപം കോത്തല വട്ടുകളംസ്വദേശി ശ്രീജിത്തിനെയാണ് (40) ആംബുലൻസ് ഇടിച്ചത്. ഇദ്ദേഹത്തെ പാമ്പാടി താലൂക്ക് ആശുപത്രിയിൽ പ്രവേശിപ്പിച്ചു.
ഉരുൾപൊട്ടലുണ്ടായ കൂട്ടിക്കൽ, കൊക്കയാർ പ്രദേശങ്ങൾ ഇന്ന് ഗവർണർ സന്ദർശിക്കും. ഇതിന് മുന്നോടിയായി കോട്ടയത്തുനിന്ന് പൊലീസ് മുണ്ടക്കയത്തേക്ക് വെള്ളിയാഴ്ച നടത്തിയ ട്രയൽ റണ്ണിനിടയാണ് സംഭവം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.