നടപ്പാത കൈയേറി പാർക്കിങ്: ​കാൽനടക്കാർക്ക് ദുരിതം

പാ​ലാ: ന​ഗ​ര​ത്തി​ലെ ന​ട​പ്പാ​ത​ക​ൾ കൈ​യേ​റി​യു​ള്ള വാ​ഹ​ന​ങ്ങ​ളു​ടെ പാ​ർ​ക്കി​ങ്​ കാ​ൽ​ന​ട​ക്കാ​ർ​ക്ക് ദു​രി​ത​മാ​കു​ന്നു. ചി​ല വാ​ഹ​ന​ങ്ങ​ൾ രാ​വി​ലെ മു​ത​ൽ രാ​ത്രി വൈ​കി വ​രെ ന​ഗ​ര​ത്തി​ലെ പ​ല​യി​ട​ങ്ങ​ളി​ൽ ന​ട​പ്പാ​ത​ക​ൾ കൈ​യേ​റി സ്ഥി​ര​മാ​യി പാ​ർ​ക്ക്​ ചെ​യ്യു​ക​യാ​ണ്. ഈ​രാ​റ്റു​പേ​ട്ട റൂ​ട്ടി​ൽ മ​ഹാ​റാ​ണി ക​വ​ല മു​ത​ൽ ചെ​ത്തി​മ​റ്റം വ​രെ ഇ​രു​വ​ശ​ത്തും ന​ട​പ്പാ​ത​ക​ൾ സ്ഥി​രം പാ​ർ​ക്കി​ങ്​ കേ​ന്ദ്ര​ങ്ങ​ളാ​ക്കി​യി​രി​ക്കു​ക​യാ​ണ്.

വീ​തി​കു​റ​ഞ്ഞ ന​ഗ​ര​ത്തി​ലെ ചെ​റി​യ റോ​ഡു​ക​ളി​ലും അ​ന​ധി​കൃ​ത പാ​ർ​ക്കി​ങ്ങും കാ​ൽ​ന​ട​ക്കാ​ർ​ക്കും ദു​രി​തം സൃ​ഷ്ടി​ക്കു​ന്നു. ഇ​തു​മൂ​ലം മി​ക്ക​യി​ട​ങ്ങ​ളി​ലും റോ​ഡി​ലൂ​ടെ ന​ട​ക്കേ​ണ്ട ഗ​തി​കേ​ടി​ലാ​ണ് ന​ഗ​ര​ത്തി​ലെ​ത്തു​ന്ന​വ​ർ. വി​വി​ധ ആ​വ​ശ്യ​ങ്ങ​ൾ​ക്കാ​യി ന​ഗ​ര​ത്തി​ലെ​ത്തു​ന്ന​വ​ർ​ക്ക് വാ​ഹ​ന​ങ്ങ​ൾ പാ​ർ​ക്ക്​ ചെ​യ്യാ​ൻ ക​ഴി​യാ​ത്ത അ​വ​സ്ഥ​യാ​ണ്. സ്കൂ​ൾ​സ​മ​യ​ത്ത് വി​ദ്യാ​ർ​ഥി​ക​ളും വ​ല​യു​ന്നു​ണ്ട്. വി​വി​ധ സ്ഥാ​പ​ന​ങ്ങ​ളും ന​ട​പ്പാ​ത കൈ​യേ​റി ത​ങ്ങ​ളു​ടെ പാ​ർ​ക്കി​ങ്​ കേ​ന്ദ്ര​ങ്ങ​ളാ​ക്കി മാ​റ്റി​യി​ട്ടു​ണ്ട്.

റോ​ഡ​രി​കു​ക​ൾ കൈ​യേ​റു​ന്ന​തി​നെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന് മ​ഹാ​ത്മാ​ഗാ​ന്ധി നാ​ഷ​ന​ൽ ഫൗ​ണ്ടേ​ഷ​ൻ ആ​വ​ശ്യ​പ്പെ​ട്ടു. ന​ഗ​ര​ത്തി​ൽ ര​ണ്ടു​മ​ണി​ക്കൂ​റി​ൽ കൂ​ടു​ത​ൽ ഒ​രേ​സ്ഥ​ല​ത്ത് പാ​ർ​ക്ക്​ ചെ​യ്യു​ന്ന​വ​ർ​ക്കെ​തി​രെ​യും ന​ട​പ്പാ​ത കൈ​യേ​റി​യ​വ​ർ​ക്കെ​തി​രെ​യും ന​ട​പ​ടി സ്വീ​ക​രി​ക്ക​ണ​മെ​ന്നും ഫൗ​ണ്ടേ​ഷ​ൻ ആ​വ​ശ്യ​പ്പെ​ട്ടു. എ​ബി ജെ. ​ജോ​സ് അ​ധ്യ​ക്ഷ​ത വ​ഹി​ച്ചു. സാം​ജി പ​ഴേ​പ​റ​മ്പി​ൽ, ജ​സ്റ്റി​ൻ ജോ​ർ​ജ്, ബി​നു പെ​രു​മ​ന, ജോ​ബി മാ​ത്യു, കെ.​ആ​ർ. വി​ഷ്ണു, അ​മ​ൽ ജോ​സ​ഫ് എ​ന്നി​വ​ർ സം​സാ​രി​ച്ചു.