േകാട്ടയം നഗരസഭയിൽ പെൻഷൻ രജിസ്റ്റർ കാണാനില്ല

​കോ​ട്ട​യം: ​ന​ഗ​ര​സ​ഭ​യി​ൽ അ​ഞ്ചു​വ​ർ​ഷ​ത്തെ പെ​ൻ​ഷ​ൻ ര​ജി​സ്റ്റ​ർ കാ​ണാ​നി​ല്ല. കോ​ടി​ക​ളു​ടെ സാ​മ്പ​ത്തി​ക ത​ട്ടി​പ്പു ന​ട​ന്ന​തി​നെ തു​ട​ർ​ന്ന്​ പ​രി​​ശോ​ധി​ച്ച​പ്പോ​ഴാ​ണ്​ ഞെ​ട്ടി​ക്കു​ന്ന വി​വ​രം പു​റ​ത്തു​വ​ന്ന​ത്. അ​ഞ്ചു​വ​ർ​ഷ​ത്തെ വ​രെ പെ​ൻ​ഷ​ൻ ര​ജി​സ്റ്റ​ർ ഇ​ല്ലെ​ന്നാ​ണ്​ നി​ല​വി​ൽ ക​​ണ്ടെ​ത്തി​യി​ട്ടു​ള്ള​ത്. എ​ന്നാ​ൽ, 2012 മു​ത​ൽ ര​ജി​സ്റ്റ​ർ ഇ​ല്ലെ​ന്നാ​ണ്​ അ​നൗ​ദ്യോ​ഗി​ക വി​വ​രം. അ​തു​കൊ​ണ്ടാ​ണ്​ പെ​ൻ​ഷ​ൻ ഫ​ണ്ടി​ൽ​നി​ന്ന്​ എ​ത്ര രൂ​പ​യാ​ണ്​ ന​ഷ്ട​പ്പെ​ട്ട​തെ​ന്ന്​ വ്യ​ക്ത​മാ​യി പ​റ​യാ​ൻ ന​ഗ​ര​സ​ഭ അ​ധി​കൃ​ത​ർ​ക്ക്​ ക​ഴി​യാ​ത്ത​ത്.

കൃ​ത്യ​മാ​യി പെ​ൻ​ഷ​ൻ വാ​ങ്ങു​ന്ന​വ​രു​ടെ വി​വ​ര​ങ്ങ​ൾ 90 ശ​ത​മാ​ന​വും ല​ഭ്യ​മാ​ണ്. എ​ന്നാ​ൽ, ക​ണ്ടി​ൻ​ജ​ന്‍റ്, ഫാ​മി​ലി പെ​ൻ​ഷ​ൻ എ​ന്നി​വ സം​ബ​ന്ധി​ച്ച ഒ​രു രേ​ഖ​യു​മി​ല്ല. പെ​ൻ​ഷ​ൻ വി​ഭാ​ഗ​ത്തി​ൽ നേ​ര​ത്തേ മു​ത​ൽ കൃ​ത്രി​മം ന​ട​ന്നി​രു​ന്നു​വെ​ന്നും കാ​ലാ​കാ​ല​ങ്ങ​ളി​ൽ അ​വ​ർ ഫ​യ​ലു​ക​ൾ മു​ക്കി​യെ​ന്നു​മാ​ണ്​ ഇ​തി​ൽ​നി​ന്ന്​ വ്യ​ക്​​ത​മാ​കു​ന്ന​ത്. അ​ഖി​ൽ സി. ​വ​ർ​ഗീ​സ്​ ന​ട​ത്തി​യ ത​ട്ടി​പ്പ് ഇ​തി​ന്‍റെ തു​ട​ർ​ച്ച മാ​​ത്ര​മാ​ണ്. സ​മ​ഗ്ര അ​ന്വേ​ഷ​ണ​ത്തി​ലൂ​ടെ​ മാ​​ത്ര​​മേ വി​വ​ര​ങ്ങ​ൾ പു​റ​ത്തു​വ​രൂ. ന​ഷ്ട​പ്പെ​ട്ട​ത്​ 2.5 കോ​ടി​യെ​ന്നാ​ണ്​ പൊ​ലീ​സ്​ എ​ഫ്.​ഐ.​ആ​റി​ൽ പ​റ​യു​ന്ന​ത്. അ​തി​​ലേ​റെ വ​രു​മെ​ന്ന്​ അ​ധി​കൃ​ത​ർ ത​ന്നെ വ്യ​ക്ത​മാ​ക്കു​ന്നു.

അ​വ​സാ​ന വ​ഴി എ​ന്ന നി​ല​യി​ൽ ക​ഴി​ഞ്ഞ അ​ഞ്ചു​വ​ർ​ഷം ബാ​ങ്കു​ക​ളി​ലേ​ക്ക്​ പെ​ൻ​ഷ​ൻ ഫ​ണ്ടി​ൽ​നി​ന്ന്​ ട്രാ​ൻ​സ്ഫ​ർ ചെ​യ്​​ത തു​ക​യു​ടെ സ്​​റ്റേ​റ്റ്​​മെ​ന്‍റ്​ ആ​വ​ശ്യ​പ്പെ​ട്ടി​രി​ക്കു​ക​യാ​ണ്. എ​ത്ര പേ​ർ പെ​ൻ​ഷ​ൻ വാ​ങ്ങു​ന്നു​വെ​ന്നോ അ​ന​ധി​കൃ​ത​മാ​യി പെ​ൻ​ഷ​ൻ വാ​ങ്ങു​ന്നു​ണ്ടോ തു​ട​ങ്ങി​യ കാ​ര്യ​ങ്ങ​ളും അ​റി​യാ​ൻ വ​ഴി​യി​ല്ല. വി​ഷ​യ​ത്തി​ൽ സെ​ക്ര​ട്ട​റി​യു​ടെ പി.​എ​ക്ക്​ നോ​ട്ടീ​സ്​ ന​ൽ​കി​യി​രു​ന്നു. ഇ​തി​ൽ വി​ശ​ദീ​ക​ര​ണം ന​ൽ​കി​യി​ട്ടു​ണ്ട്. തു​ട​ർ​ന്ന്​ സെ​ക്ര​ട്ട​റി​യു​ടെ റി​​പ്പോ​ർ​ട്ടി​ൽ സ​ർ​ക്കാ​റാ​ണ്​ തീ​രു​മാ​ന​മെ​ടു​ക്കു​ക.