റ​വ​ന്യൂ ജി​ല്ല സ്കൂ​ൾ കാ​യി​ക​മേ​ള​: ഈ വിജയം അമ്മക്ക്

ക​ഷ്ട​പ്പാ​ടു​ക​ളെ​ല്ലാം മ​റ​ന്ന്​ ഷീ​ജ നി​റ​ഞ്ഞു​ചി​രി​ച്ചു, അ​വ​രെ ചേ​ർ​ത്തു​പി​ടി​ച്ച്​ മ​ക്ക​ളും. പോ​ള്‍വാ​ൾ​ട്ട് പി​റ്റ്​ കൈ​യ​ടി​ക​ളോ​ടെ ആ ​സ്​​നേ​ഹ​പ്ര​ക​ട​നം ഏ​റ്റെ​ടു​ത്തു. പോ​ൾ വാ​ൾ​ട്ടി​ൽ ജൂ​നി​യ​ര്‍ വി​ഭാ​ഗം ആ​ൺ​കു​ട്ടി​ക​ളു​ടെ വി​ഭാ​ഗ​ത്തി​ൽ റെ​ക്കോ​ഡോ​ടെ സ്വ​ർ​ണം നേ​ടി​യ മി​ല​ൻ സാ​ബു​വും സീ​നി​യ​ർ വി​ഭാ​ഗം പെ​ൺ​കു​ട്ടി​ക​ളി​ൽ സു​വ​ർ​ണ​നേ​ട്ടം എ​ത്തി​പ്പി​ടി​ച്ച മെ​ല്‍ബ മേ​രി സാ​ബു​വു​മാ​ണ്​ ആ ​മ​ക്ക​ൾ.

ഏ​റ്റു​മാ​നൂ​ര്‍ വെ​ട്ടി​മു​ക​ള്‍ കൊ​ല്ലം​പ​റ​മ്പി​ല്‍ പ​രേ​ത​നാ​യ സാ​ബു​വി​ന്‍റെ​യും ഷീ​ജ​യു​ടെ​യും മ​ക്ക​ളാ​ണ് ഇ​വ​ർ. ഷീ​ജ വീ​ട്ടു​ജോ​ലി​ക​ൾ​ക്ക്​ പോ​യാ​ണ്​ കു​ട്ടി​ക​ളു​ടെ പ​രി​ശീ​ല​ന​ത്തി​നും വി​ദ്യ​ഭ്യാ​സ​ത്തി​നു​മു​ള്ള പ​ണം ക​ണ്ടെ​ത്തു​ന്ന​ത്. ഇ​ല്ലാ​യ്മ​ക​ളി​ലും ക​രു​ത്താ​യി ഒ​പ്പം നി​ൽ​ക്കു​ന്ന അ​മ്മ​ക്കാ​ണ്​ ഇ​രു​വ​രും വി​ജ​യം സ​മ്മാ​നി​ക്കു​ന്ന​തും. മ​ത്സ​രം ന​ട​ക്കു​മ്പോ​ൾ പ്രോ​ത്സാ​ഹ​ന​വു​മാ​യി മാ​താ​വും സ​മീ​പ​ത്തു​ണ്ടാ​യി​രു​ന്നു. ഷീ​ജ സ്‌​കൂ​ള്‍ത​ല​ത്തി​ല്‍ അ​ത്‌​ല​റ്റി​ക്‌​സി​ലും കോ​ള​ജു​ത​ല​ത്തി​ല്‍ പ​വ​ര്‍ലി​ഫ്റ്റി​ങ്​ മ​ത്സ​ര​ങ്ങ​ളി​ലും സ​ജീ​വ​മാ​യി​രു​ന്നു.

പാ​ലാ സെ​ന്‍റ്​ തോ​മ​സ്​ എ​ച്ച്.​എ​സ്.​എ​സി​ലെ പ​ത്താം​ക്ലാ​സ്​ വി​ദ്യാ​ർ​ഥി​യാ​യ മി​ല​ൻ 3.60 മീ​റ്റ​ർ ചാ​ടി​യാ​ണ്​ പു​തി​യ റെ​ക്കോ​ഡ്​ സ്ഥാ​പി​ച്ച​ത്. 2008-09ൽ ​പാ​ലാ സെ​ന്‍റ്​ തോ​മ​സി​ലെ ത​ന്നെ ഗോ​കു​ൽ ഇ. ​ബാ​ബു സ്ഥാ​പി​ച്ച റെ​ക്കോ​ഡാ​ണ്( 3.30) മി​ല​ൻ പു​തു​ക്കി​യ​ത്. സ​ഹോ​ദ​രി മെ​ല്‍ബ 2.50 മീ​റ്റ​ർ ചാ​ടി​യാ​ണ്​ സ്വ​ർ​ണം സ്വ​ന്ത​മാ​ക്കി​യ​ത്. പാ​ലാ ജം​പ്‌​സ് അ​ക്കാ​ദ​മി​യി​ലെ കെ.​പി. സ​തീ​ശാ​ണ് ഇ​രു​വ​രു​ടെ​യും പ​രി​ശീ​ല​ക​ന്‍.