റോഡ്​​ തകർച്ച; ജല അതോറിറ്റിക്ക്​ ജില്ല വികസന സമിതി യോഗത്തിൽ വിമർ​ശനം

കോ​ട്ട​യം: ജി​ല്ല വി​ക​സ​ന സ​മി​തി യോ​ഗ​ത്തി​ൽ ജ​ല അ​തോ​റി​റ്റി​ക്കെ​തി​രെ രൂ​ക്ഷ​വി​മ​ർ​ശ​നം. കു​ടി​വെ​ള്ള പ​ദ്ധ​തി​ക​ൾ​ക്കാ​യി കു​ഴി​ക്കു​ന്ന റോ​ഡു​ക​ൾ ജ​ല​ അ​തോ​റി​റ്റി യ​ഥാ​സ​മ​യം പു​ന​ർ​നി​ർ​മി​ക്കു​ന്നി​ല്ലെ​ന്നാ​യി​രു​ന്നു ആ​ക്ഷേ​പം. പൊ​തു​മ​രാ​മ​ത്തും ജ​ല അ​തോ​റി​റ്റി​യും ത​മ്മി​ലെ പ്ര​ശ്ന​ങ്ങ​ൾ തീ​രാ​തെ ജി​ല്ല​യി​ലെ വി​ക​സ​ന പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​ക്കാ​നാ​കി​ല്ലെ​ന്നും യോ​ഗം വി​ല​യി​രു​ത്തി.

പ​ദ്ധ​തി​ക​ൾ​ക്കാ​യി കു​ഴി​ക്കു​ന്ന റോ​ഡു​ക​ൾ ജ​ല​അ​തോ​റി​റ്റി ത​ന്നെ യ​ഥാ​സ​മ​യം പു​ന​ർ​നി​ർ​മി​ക്കു​ക​യോ പൊ​തു​മ​രാ​മ​ത്ത് വ​കു​പ്പി​ന് കൈ​മാ​റു​ക​യോ ചെ​യ്യ​ണ​മെ​ന്ന് സ​ർ​ക്കാ​ർ ചീ​ഫ് വി​പ്പ് ഡോ. ​എ​ൻ. ജ​യ​രാ​ജ് പ​റ​ഞ്ഞു. പൊ​ൻ​കു​ന്നം-​ക​പ്പാ​ട് റോ​ഡി​ന്‍റെ നി​ല​വി​ലെ അ​വ​സ്ഥ വി​ശ​ദീ​ക​രി​ക്കു​ക​യാ​യി​രു​ന്നു അ​ദ്ദേ​ഹം.

കോ​ട്ട​യം നി​യോ​ജ​ക മ​ണ്ഡ​ല​ത്തി​ൽ ജ​ല​ജീ​വ​ൻ മി​ഷ​ൻ പ​ദ്ധ​തി ന​ട​പ്പാ​ക്കു​ന്ന ഗ്രാ​മീ​ണ റോ​ഡു​ക​ൾ ത​ക​ർ​ന്ന സ്ഥി​തി​യി​ലാ​ണെ​ന്ന് തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ പ​റ​ഞ്ഞു. ന​ഗ​ര​ത്തി​ൽ ജ​ല അ​തോ​റി​റ്റി​യു​ടെ ബ്ലൂ ​ബ്രി​ഗേ​ഡു​ക​ളു​ടെ പ്ര​വ​ർ​ത്ത​നം സ​ജീ​വ​മാ​ക്ക​ണ​മെ​ന്ന് അ​ദ്ദേ​ഹം പ​റ​ഞ്ഞു. ച​വി​ട്ടു​വ​രി, വെ​ള്ളൂ​പ്പ​റ​മ്പ്, കൊ​ല്ലാ​ട്, ക​ഞ്ഞി​ക്കു​ഴി പ്ര​ദേ​ശ​ങ്ങ​ളി​ൽ പൈ​പ്പ് പൊ​ട്ടു​ന്ന​തി​ന് പ​രി​ഹാ​രം കാ​ണ​ണ​മെ​ന്നും അ​ദ്ദേ​ഹം പ​റ​ഞ്ഞു.

ശ​ബ​രി​മ​ല തീ​ർ​ഥാ​ട​ന​വു​മാ​യി ബ​ന്ധ​പ്പെ​ട്ട ഒ​രു​ക്ക​വും വി​ക​സ​ന സ​മി​തി വി​ല​യി​രു​ത്തി. ആ​രോ​ഗ്യ​വ​കു​പ്പി​ന്‍റെ കാ​ള​കെ​ട്ടി​യി​ലെ ഡി​സ്പെ​ൻ​സ​റി​യി​ൽ ആ​ന്‍റി​വെ​നം സൂ​ക്ഷി​ക്കാ​നു​ള്ള സൗ​ക​ര്യ​മൊ​രു​ക്കാ​ൻ വി​ക​സ​ന സ​മി​തി ആ​രോ​ഗ്യ​വ​കു​പ്പി​നോ​ട് നി​ർ​ദേ​ശി​ച്ചു.

ശ​ബ​രി​മ​ല തീ​ർ​ഥാ​ട​ന​വു​മാ​യി ബ​ന്ധ​പ്പെ​ട്ട് പ്ര​ഖ്യാ​പി​ച്ച ടാ​ക്സി നി​ര​ക്കി​ൽ​നി​ന്ന് വ്യ​ത്യ​സ്ത​മാ​യി കൂ​ടു​ത​ൽ നി​ര​ക്ക് ഈ​ടാ​ക്കു​ന്ന​ത്​ ഒ​ഴി​വാ​ക്കാ​ൻ പ​രി​ശോ​ധ​ന ന​ട​ത്ത​ണ​മെ​ന്ന്​ യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ച ക​ല​ക്ട​ർ വി. ​വി​ഘ്​​നേ​ശ്വ​രി മോ​ട്ടോ​ർ വാ​ഹ​ന വ​കു​പ്പി​ന്​ നി​ർ​ദേ​ശം ന​ൽ​കി. പ​രി​ശോ​ധ​ന​ക്കു​ള്ള സം​വി​ധാ​നം ഒ​രു​ക്കി​യ​താ​യി ആ​ർ.​ടി.​ഒ അ​റി​യി​ച്ചു.

പൊ​ന്ത​ൻ​പു​ഴ വ​നാ​തി​ർ​ത്തി​ക്ക് പു​റ​ത്ത് താ​മ​സി​ക്കു​ന്ന 868 കു​ടും​ബ​ങ്ങ​ൾ​ക്ക് പ​ട്ട​യം ന​ൽ​കു​ന്ന​തി​ലെ ത​ട​സ്സം നീ​ക്കാ​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്ന്​ ചീ​ഫ് വി​പ്പ് ഡോ. ​എ​ൻ. ജ​യ​രാ​ജ് ആ​വ​ശ്യ​പ്പെ​ട്ടു. സ​ചി​വോ​ത്ത​മ​പു​രം സി.​എ​ച്ച്.​സി​യി​ലെ ഐ​സൊ​ലേ​ഷ​ൻ വാ​ർ​ഡി​ന്‍റെ നി​ർ​മാ​ണം ഡി​സം​ബ​ർ 15ന​കം പൂ​ർ​ത്തീ​ക​രി​ക്ക​ണ​മെ​ന്ന്​ ജോ​ബ് മൈ​ക്കി​ൾ എം.​എ​ൽ.​എ നി​ർ​ദേ​ശി​ച്ചു. ച​ങ്ങ​നാ​ശ്ശേ​രി ടൗ​ൺ വി​ല്ലേ​ജ് ഓ​ഫി​സ്, പാ​യി​പ്പാ​ട് വി​ല്ലേ​ജ് ഓ​ഫി​സ് എ​ന്നി​വ​യു​ടെ നി​ർ​മാ​ണ​വു​മാ​യി ബ​ന്ധ​പ്പെ​ട്ട പ്ര​വ​ർ​ത്ത​നം എം.​എ​ൽ.​എ വി​ല​യി​രു​ത്തി. പ്ര​ദേ​ശ​ത്തെ തേ​ക്കു​മ​രം മു​റി​ച്ചു​മാ​റ്റാ​ൻ ന​ട​പ​ടി സ്വീ​ക​രി​ക്കാ​നും നി​ർ​ദേ​ശി​ച്ചു. അ​ഡീ​ഷ​ന​ൽ ഡി​സ്ട്രി​ക്റ്റ്​ മ​ജി​സ്‌​ട്രേ​റ്റ് ജി. ​നി​ർ​മ​ൽ​കു​മാ​ർ, ജി​ല്ല പ്ലാ​നി​ങ്​ ഓ​ഫി​സ​ർ ലി​റ്റി മാ​ത്യു, തോ​മ​സ് ചാ​ഴി​കാ​ട​ൻ എം.​പി​യു​ടെ പ്ര​തി​നി​ധി സി​ബി വെ​ട്ടൂ​ർ, ജോ​സ് കെ. ​മാ​ണി എം.​പി​യു​ടെ പ്ര​തി​നി​ധി ജെ​യ്സ​ൺ മാ​ന്തോ​ട്ടം എ​ന്നി​വ​രും പ​ങ്കെ​ടു​ത്തു.