ഏറ്റുമാനൂരിൽ അടഞ്ഞുകിടന്ന വീട്ടില്‍ മോഷണം: 12 പവനും പണവും കവര്‍ന്നു

പു​ന്ന​ത്തു​റ: ഏ​റ്റു​മാ​നൂ​ര്‍ പു​ന്ന​ത്തു​റ​യി​ല്‍ അ​ട​ഞ്ഞു​കി​ട​ന്ന വീ​ട് കു​ത്തി​ത്തു​റ​ന്ന് മോ​ഷ​ണം. പു​ന്ന​ത്തു​റ വെ​സ്റ്റ് ക​റ്റോ​ട് ഭാ​ഗം ദേ​വ​ഗം​ഗ​യി​ല്‍ ഭ​ദ്ര​ന്‍ പി​ള്ള​യു​ടെ വീ​ട്ടി​ലാ​ണ് മോ​ഷ​ണം ന​ട​ന്ന​ത്. 12 പ​വ​ന്‍റെ സ്വ​ര്‍ണാ​ഭ​ര​ണ​ങ്ങ​ളും 4000 രൂ​പ​യും ക​വ​ർ​ന്നു.

ക​ണ്ണൂ​ര്‍ കൊ​ട്ടി​യൂ​ർ അ​മ്പ​ല​ത്തി​ലെ ഉ​ത്സ​വ​ത്തി​ല്‍ പ​ങ്കെ​ടു​ക്കാ​ന്‍ ഭ​ദ്ര​ന്‍പി​ള്ള​യും ഭാ​ര്യ​യും ഞാ​യ​റാ​ഴ്ച രാ​വി​ലെ​യാ​ണ് വീ​ടു​പൂ​ട്ടി പോ​യ​ത്.

മ​റ്റാ​രും വീ​ട്ടി​ല്‍ ഇ​ല്ലാ​യി​രു​ന്നു. ചൊ​വാ​ഴ്ച രാ​വി​ലെ തി​രി​കെ എ​ത്തി​യ​പ്പോ​ള്‍ വീ​ടി​ന്റെ മു​ന്‍വാ​തി​ല്‍ വെ​ട്ടി​പ്പൊ​ളി​ച്ച നി​ല​യി​ലാ​യി​രു​ന്നു. അ​ല​മാ​ര​യും മ​റ്റു വ​സ്തു​ക്ക​ളും നി​ല​ത്ത് വ​ലി​ച്ചു​വാ​രി​യി​ട്ടി​രു​ന്നു. അ​ല​മാ​ര​യി​ല്‍ സൂ​ക്ഷി​ച്ചി​രു​ന്ന ആ​ഭ​ര​ണ​ങ്ങ​ളും പ​ണ​വും ന​ഷ്ട​പ്പെ​ട്ട​താ​യി ക​​ണ്ടെ​ത്തി.

പൊ​ലീ​സും ഡോ​ഗ് സ്ക്വാ​ഡും വി​ര​ല​ട​യാ​ള വി​ദ​ഗ്ധ​രു​മെ​ത്തി തെ​ളി​വ്​ ശേ​ഖ​രി​ച്ചു. അ​യ​ല്‍വീ​ട്ടി​ലെ സി.​സി. ടി.​വി ദ്യ​ശ്യ​ങ്ങ​ളി​ല്‍ അ​പ​രി​ചി​ത​രാ​യ മൂ​ന്നു​പേ​രെ സം​ശ​യ​ക​ര​മാ​യ സാ​ഹ​ച​ര്യ​ത്തി​ൽ ക​ണ്ടെ​ത്തി​യി​ട്ടു​ണ്ട്. ദ്യ​ശ്യ​ങ്ങ​ള്‍ സൂ​ക്ഷ്മ പ​രി​ശോ​ധ​ന​ക്കാ​യി പൊ​ലീ​സ് ശേ​ഖ​രി​ച്ചു. വീ​ട് പൂ​ട്ടി പോ​യ​ത് വ്യ​ക്ത​മാ​യി അ​റി​യു​ന്ന​വ​രാ​ണ് മോ​ഷ​ണം ന​ട​ത്തി​യ​തെ​ന്ന്​ പൊ​ലീ​സ് പ​റ​ഞ്ഞു. സി.​സി ടി.​വി ദ്യ​ശ്യ​ങ്ങ​ളു​ടെ പ​രി​ശോ​ധ​ന​യി​ല്‍ മോ​ഷ്ടാ​ക്ക​ളെ തി​രി​ച്ച​റി​യാ​നാ​കു​മെ​ന്ന്​ ഏ​റ്റു​മാ​നൂ​ര്‍ എ​സ്.​എ​ച്ച്.​ഒ സോ​ജോ വ​ര്‍ഗീ​സ് പ​റ​ഞ്ഞു.