പട്ടികജാതി വികസന വകുപ്പ് നടപ്പാക്കിയത് 43.75 കോടി രൂപയുടെ വികസന പദ്ധതികൾ

കോ​ട്ട​യം: ര​ണ്ടാം പി​ണ​റാ​യി സ​ർ​ക്കാ​ർ അ​ധി​കാ​ര​മേ​റ്റ്​ ര​ണ്ടു​വ​ർ​ഷം പൂ​ർ​ത്തി​യാ​കു​മ്പോ​ൾ പ​ട്ടി​ക​ജാ​തി വി​ക​സ​ന വ​കു​പ്പ് ജി​ല്ല​യി​ൽ ന​ട​പ്പാ​ക്കി​യ​ത് 43,75,07,336 രൂ​പ​യു​ടെ വി​ക​സ​ന പ്ര​വ​ർ​ത്ത​ന​ങ്ങ​ൾ. 2021-22, 2022-23 സാ​മ്പ​ത്തി​ക വ​ർ​ഷ​ങ്ങ​ളി​ലെ ക​ണ​ക്കാ​ണി​ത്.

ഇ​തി​ൽ എ​ട്ട്​ മു​ത​ൽ 12 വ​രെ ക്ലാ​സി​ൽ പ​ഠി​ക്കു​ന്ന വി​ദ്യാ​ർ​ഥി​ക​ളു​ടെ പ​ഠ​ന നി​ല​വാ​രം മെ​ച്ച​പ്പെ​ടു​ത്താ​ൻ പ​ഠ​ന​മു​റി നി​ർ​മി​ക്കാ​നാ​ണ് ഏ​റ്റ​വു​മ​ധി​കം തു​ക ചെ​ല​വ​ഴി​ച്ച​ത്. 11.88 കോ​ടി രൂ​പ​യാ​ണ് ക​ഴി​ഞ്ഞ ര​ണ്ടു വ​ർ​ഷം​കൊ​ണ്ട് പ​ദ്ധ​തി​ക്കാ​യി ചെ​ല​വി​ട്ട​ത്. ലൈ​ഫ് പ​ട്ടി​ക​യി​ൽ ഉ​ൾ​പ്പെ​ട്ട പ​ട്ടി​ക​ജാ​തി വി​ഭാ​ഗ​ക്കാ​രു​ടെ ഭൂ​ര​ഹി​ത പു​ന​ര​ധി​വാ​സ പ​ദ്ധ​തി​യി​ൽ 116 ഗു​ണ​ഭോ​ക്താ​ക്ക​ൾ​ക്കാ​യി 11.17 കോ​ടി രൂ​പ ചെ​ല​വ​ഴി​ച്ചു. ദു​ർ​ബ​ല വി​ഭാ​ഗ​ങ്ങ​ളു​ടെ പു​ന​ര​ധി​വാ​സം ല​ക്ഷ്യ​മാ​ക്കി വേ​ട​ൻ, നാ​യാ​ടി, ച​ക്ലി​യ, ക​ല്ലാ​ടി, അ​രു​ന്ധ​തി​യാ​ർ, എ​ന്നീ അ​തി​ദു​ർ​ബ​ല വി​ഭാ​ഗ​ങ്ങ​ൾ​ക്ക് ഭ​വ​ന നി​ർ​മാ​ണം, പ​ഠ​ന​മു​റി, ടോ​യ്​​ല​റ്റ്, എ​ന്നി​വ​ക്കാ​യി 3.07 കോ​ടി രൂ​പ ചെ​ല​വ​ഴി​ച്ചു. അ​യ്യ​ൻ​കാ​ളി ടാ​ല​ന്റ് സെ​ർ​ച് ആ​ൻ​ഡ് ഡെ​വ​ല​പ്മെ​ന്റ് സ്‌​കീം പ​ദ്ധ​തി​യി​ൽ മി​ക​ച്ച വി​ദ്യാ​ർ​ഥി​ക​ൾ​ക്കാ​യി പ്ര​തി​വ​ർ​ഷം ന​ൽ​കു​ന്ന പ​ഠ​ന സ്‌​കോ​ള​ർ​ഷി​പ് ഇ​ന​ത്തി​ൽ 16.92 ല​ക്ഷം രൂ​പ വി​ത​ര​ണം ചെ​യ്തു.

എ​സ്.​എ​സ്.​എ​ൽ.​സി പ​രീ​ക്ഷ​യി​ൽ മി​ക​ച്ച വി​ജ​യം കൈ​വ​രി​ച്ച വി​ദ്യാ​ർ​ഥി​ക​ൾ​ക്ക് മെ​ഡി​ക്ക​ൽ/​എ​ൻ​ജി​നീ​യ​റി​ങ്​ പ്ര​വേ​ശ​ന പ​രീ​ക്ഷ​ക്കൊ​രു​ങ്ങാ​ൻ ല​ക്ഷ്യ, വി​ഷ​ൻ എ​ന്നീ പേ​രു​ക​ളി​ൽ പ​ദ്ധ​തി ന​ട​പ്പാ​ക്കു​ന്നു​ണ്ട്. ഈ ​പ​ദ്ധ​തി​ക​ൾ പ്ര​കാ​രം 153 പേ​ർ​ക്ക്​ 49.84 ല​ക്ഷം രൂ​പ ധ​ന​സ​ഹാ​യം ന​ൽ​കി. സ​ർ​ക്കാ​ർ, എ​യ്ഡ​ഡ് സ്‌​കൂ​ളു​ക​ളി​ൽ ഒ​ന്നു​മു​ത​ൽ എ​ട്ട് വ​രെ ക്ലാ​സു​ക​ളി​ൽ പ​ഠി​ക്കു​ന്ന വി​ദ്യാ​ർ​ഥി​ക​ൾ​ക്ക് യൂ​നി​ഫോം, ബാ​ഗ്, കു​ട എ​ന്നി​വ വാ​ങ്ങാ​നു​ള്ള പ​ദ്ധ​തി​യി​ൽ 22,773 പേ​ർ ഗു​ണ​ഭോ​ക്താ​ക്ക​ളാ​യി. 4.56 കോ​ടി രൂ​പ​യാ​ണ് പ​ദ്ധ​തി​ക്കാ​യി ഈ ​സ​ർ​ക്കാ​റി​ന്റെ കാ​ല​യ​ള​വി​ൽ ചെ​ല​വാ​ക്കി​യ​ത്. ഉ​ന്ന​ത വി​ദ്യാ​ഭ്യാ​സ കോ​ഴ്സു​ക​ളി​ൽ ഒ​ന്നാം​വ​ർ​ഷ വി​ദ്യാ​ർ​ഥി​ക​ൾ​ക്ക് ലാ​പ്ടോ​പ് വാ​ങ്ങാ​ൻ 14 ല​ക്ഷം രൂ​പ ചെ​ല​വ​ഴി​ച്ചു. 56 വി​ദ്യാ​ർ​ഥി​ക​ൾ പ​ദ്ധ​തി​യു​ടെ ഗു​ണ​ഭോ​ക്താ​ക്ക​ളാ​യി. പ​ട്ടി​ക​ജാ​തി​ക്കാ​രാ​യ മെ​ഡി​ക്ക​ൽ വി​ദ്യാ​ർ​ഥി​ക​ൾ​ക്ക് പ​ഠ​ന​സ​ഹാ​യ​ത്തി​ന് സ്റ്റെ​ത​സ്‌​കോ​പ് വാ​ങ്ങാ​ൻ 65,145 രൂ​പ ചെ​ല​വ​ഴി​ച്ചു.

സ​ർ​ക്കാ​ർ, എ​യ്ഡ​ഡ് സ്ഥാ​പ​ന​ങ്ങ​ളി​ൽ വി​വി​ധ കോ​ഴ്സു​ക​ളി​ൽ പ്ര​വേ​ശ​നം ല​ഭി​ക്കാ​ത്ത​വ​ർ​ക്ക് പാ​ര​ല​ൽ കോ​ള​ജ് പ​ഠ​ന​ത്തി​നു​ള്ള ധ​ന​സ​ഹാ​യ​മെ​ന്നോ​ണം 2021 -22 സാ​മ്പ​ത്തി​ക വ​ർ​ഷം 1,50,000 രൂ​പ ചെ​ല​വ​ഴി​ച്ചു. അ​ഭ്യ​സ്ത​വി​ദ്യ​രും തൊ​ഴി​ൽ മേ​ഖ​ല​യി​ൽ നൈ​പു​ണ്യ​വും പ​രി​ശീ​ല​നം ല​ഭി​ച്ച​വ​രു​മാ​യ പ​ട്ടി​ക​ജാ​തി വി​ഭാ​ഗ​ത്തി​ൽ​പെ​ട്ട യു​വ​തീ​യു​വാ​ക്ക​ൾ​ക്ക് വി​ദേ​ശ​ത്ത് തൊ​ഴി​ൽ നേ​ടാ​നും മ​റ്റു​മാ​യി 71.50 ല​ക്ഷം രൂ​പ​യു​ടെ പ​ദ്ധ​തി ന​ട​പ്പാ​ക്കി. ഹൃ​ദ​യ​ശ​സ്ത്ര​ക്രി​യ, അ​ർ​ബു​ദം, ഹീ​മോ​ഫീ​ലി​യ, പ​ക്ഷാ​ഘാ​തം തു​ട​ങ്ങി​യ ഗു​രു​ത​ര രോ​ഗ​ങ്ങ​ളെ അ​ഭി​മു​ഖീ​ക​രി​ക്കു​ന്ന 701 പേ​ർ​ക്ക് ചി​കി​ത്സ​ക്കാ​യി 1.78 കോ​ടി രൂ​പ ധ​ന​സ​ഹാ​യ​മാ​യി ന​ൽ​കി.

പ​ട്ടി​ക​ജാ​തി വി​ഭാ​ഗ​ത്തി​ൽ​പെ​ട്ട യു​വ​തി​ക​ളു​ടെ വി​വാ​ഹ ധ​ന​സ​ഹാ​യ​ത്തി​നാ​യി 75,000 രൂ​പ വീ​തം 726 പേ​ർ​ക്ക് 5.96 കോ​ടി രൂ​പ​യും മി​ശ്ര​വി​വാ​ഹ ധ​ന​സ​ഹാ​യ പ​ദ്ധ​തി വ​ഴി 56 ഗു​ണ​ഭോ​ക്താ​ക്ക​ൾ​ക്ക് 42 ല​ക്ഷം രൂ​പ വി​ത​ര​ണം ചെ​യ്തു.

ഏ​ക വ​രു​മാ​ന​ദാ​യ​ക​ന്റെ മ​ര​ണ​ത്തി​ലൂ​ടെ ആ​ശ്രി​ത​ർ​ക്ക് വ​കു​പ്പ് മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ൽ​നി​ന്നും ധ​ന​സ​ഹാ​യം ല​ഭ്യ​മാ​ക്കു​ന്ന​തി​ലൂ​ടെ 99 ഗു​ണ​ഭോ​ക്താ​ക്ക​ൾ​ക്കാ​യി 1.92 കോ​ടി രൂ​പ ചെ​ല​വ​ഴി​ച്ചു.1989​ലെ അ​തി​ക്ര​മം ത​ട​യ​ൽ നി​യ​മ​പ്ര​കാ​രം അ​തി​ക്ര​മ​ത്തി​നി​ര​യാ​കു​ന്ന​വ​ർ​ക്കു​ള്ള ആ​ശ്വാ​സ ധ​ന​സ​ഹാ​യം പ​ദ്ധ​തി​യി​ലൂ​ടെ 20 ഗു​ണ​ഭോ​ക്താ​ക്ക​ൾ​ക്ക് 29.5 ല​ക്ഷം രൂ​പ ന​ൽ​കി. 2021 - 22 സാ​മ്പ​ത്തി​ക വ​ർ​ഷം കോ​ർ​പ്പ​സ് ഫ​ണ്ട് വി​ഹി​തം 70 ല​ക്ഷം രൂ​പ അ​നു​വ​ദി​ച്ച​തി​ൽ 66.51 ല​ക്ഷം രൂ​പ​യും അം​ബേ​ദ്ക​ർ ഗ്രാ​മം പ​ദ്ധ​തി​ക്കാ​യി 9.50 ല​ക്ഷം രൂ​പ​യും ചെ​ല​വ​ഴി​ച്ചു

മൂന്ന്​ വർഷമായി ഗ്രാന്‍റ്​ കിട്ടുന്നില്ല; പട്ടികജാതി വിദ്യാർഥികൾ ദുരിതത്തിൽ

കോ​ട്ട​യം: കേ​ര​ള​ത്തി​ലെ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ പ​ട്ടി​ക​ജാ​തി വി​ദ്യാ​ർ​ഥി​ക​ളി​ൽ ബ​ഹു​ഭൂ​രി​പ​ക്ഷ​ത്തി​നും ക​ഴി​ഞ്ഞ മൂ​ന്ന് വ​ർ​ഷ​മാ​യി ഗ്രാ​ന്റ് കി​ട്ടു​ന്നി​ല്ലെ​ന്ന്​ രേ​ഖ​ക​ൾ. 2022 -2023 അ​ധ്യ​യ​ന വ​ർ​ഷം ഇ -​ഗ്രാ​ന്റി​നാ​യി ര​ജി​സ്റ്റ​ർ ചെ​യ്ത 1,29,327 പ​ട്ടി​ക​ജാ​തി വി​ദ്യാ​ർ​ഥി​ക​ളി​ൽ 1,09,518 അ​പേ​ക്ഷ​ക​ൾ അം​ഗീ​ക​രി​ക്ക​പ്പെ​ട്ടെ​ങ്കി​ലും ഗ്രാ​ന്റ് വി​ത​ര​ണം ചെ​യ്ത​താ​യി ഔ​ദ്യോ​ഗി​ക അ​റി​യി​പ്പ് ല​ഭി​ച്ച​ത് 54,961 വി​ദ്യാ​ർ​ഥി​ക​ൾ​ക്ക് മാ​ത്ര​മാ​ണ്.

ഇ​തി​ൽ ത​ന്നെ ഗ്രാ​ന്‍റ്​ കൈ​പ്പ​റ്റി​യ​താ​യി പ​ട്ടി​ക​ജാ​തി വി​ക​സ​ന വ​കു​പ്പി​ന്​ ഉ​റ​പ്പാ​ക്കാ​ൻ ക​ഴി​ഞ്ഞ​ത്​ 574 പേ​രു​ടെ മാ​ത്ര​വും. 19,234 പേ​ർ​ക്ക്​ ഗ്രാ​ന്‍റ്​ ന​ൽ​കാ​നു​ണ്ട്.​ അം​ബേ​ദ്​​ക​ർ പ്രോ​ഗ്ര​സി​വ്​ ഡെ​മോ​ക്രാ​റ്റി​ക്​ ഫോ​റം ജ​ന​റ​ൽ സെ​ക്ര​ട്ട​റി ഷാ​ജു വി. ​ജോ​സ​ഫി​ന്​ പ​ട്ടി​ക​ജാ​തി വി​ക​സ​ന വ​കു​പ്പി​ൽ​നി​ന്ന്​ ല​ഭി​ച്ച വി​വ​രാ​വ​കാ​ശ രേ​ഖ​യി​ലാ​ണ്​ ഇ​തു​സം​ബ​ന്ധി​ച്ച വി​വ​ര​ങ്ങ​ളു​ള്ള​ത്.

ഗ്രാ​ന്റ് ബാ​ങ്ക് അ​ക്കൗ​ണ്ടി​ൽ എ​ത്തി​യ​താ​യി മൊ​ബൈ​ൽ ഫോ​ൺ സ​ന്ദേ​ശം കി​ട്ടി​യ പ​ല കു​ട്ടി​ക​ളു​ടെ​യും ബാ​ങ്ക് അ​ക്കൗ​ണ്ടു​ക​ളി​ൽ ഗ്രാ​ന്റ് എ​ത്തി​യി​ട്ടി​ല്ലെ​ന്നും ആ​രോ​പ​ണ​മു​ണ്ട്. പ​ട്ടി​ക​ജാ​തി ക്രൈ​സ്ത​വ, പ​ട്ടി​ക​വ​ർ​ഗ വി​ദ്യാ​ർ​ഥി​ക​ളു​ടെ ഗ്രാ​ന്‍റി​ന്‍റെ വി​ത​ര​ണ​വും അ​വ​താ​ള​ത്തി​ലാ​ണെ​ന്ന്​ ഷാ​ജു വി. ​ജോ​സ​ഫ്​​ ആ​രോ​പി​ക്കു​ന്നു.