‘ക്വോട്ട’ തികച്ച് ജില്ലയിൽ കാലവർഷപ്പെയ്ത്ത്

കോ​ട്ട​യം: ഇ​ട​വേ​ള​യി​ല്ലാ​തെ പെ​യ്യു​ന്ന കാ​ല​വ​ർ​ഷ​ത്തി​ൽ ജി​ല്ല ജ​ല നി​റ​വി​ൽ. സീ​സ​ണി​ൽ ഇ​തു​വ​രെ ല​ഭി​ക്കേ​ണ്ട മ​ഴ കോ​ട്ട​യ​ത്ത്​ പെ​യ്തി​റ​ങ്ങി​യ​താ​യി ക​ണ​ക്കു​ക​ൾ. കാ​ലാ​വ​സ്ഥ​വ​കു​പ്പി​ന്‍റെ ക​ണ​ക്ക​നു​സ​രി​ച്ച് ജൂ​ൺ ഒ​ന്ന്‌ മു​ത​ൽ ശ​നി​യാ​ഴ്ച വ​രെ 1581.2 മി​ല്ലി മീ​റ്റ​ർ മ​ഴ​യാ​ണ്​ ജി​ല്ല​യി​ൽ പെ​യ്തി​റ​ങ്ങി​യ​ത്. ല​ഭി​ക്കേ​ണ്ട മ​ഴ​യി​ൽ ര​ണ്ട്​ ശ​ത​മാ​ന​ത്തി​ന്‍റെ നേ​രി​യ കു​റ​വ്​ മാ​ത്ര​മാ​ണ്​ നി​ല​വി​ലു​ള്ള​ത്.

ചെ​റി​യ കു​റ​വു​ണ്ടെ​ങ്കി​ലും​ ഇ​തു​വ​രെ ല​ഭി​​ക്കേ​ണ്ട മു​ഴു​വ​ൻ മ​ഴ​യും ല​ഭി​ച്ച ജി​ല്ല​യാ​യി​ട്ടാ​ണ്​ കോ​ട്ട​യ​ത്തെ ക​ണ​ക്കാ​ക്കു​മെ​ന്നാ​ണ്​ കാ​ലാ​വ​സ്ഥ വ​കു​പ്പ്​ അ​ധി​കൃ​ത​ർ പ​റ​ഞ്ഞു. ദി​വ​സ​ങ്ങ​ൾ​ക്കു​മു​മ്പ് ഒ​മ്പ​ത്​ ശ​ത​മാ​ന​ത്തി​ന്‍റേ​താ​യി​രു​ന്നു കു​റ​വ്.

ക​ഴി​ഞ്ഞ​ദി​വ​സ​ങ്ങ​ളി​ലെ ക​ന​ത്ത​മ​ഴ​യാ​ണ്​ ഈ ​കു​റ​വ്​ നി​ക​ത്തി​യ​ത്. കാ​ല​വ​ർ​ഷ സീ​സ​ൺ അ​വ​സാ​നി​ക്കാ​ൻ ഒ​രു​മാ​സം ബാ​ക്കി​നി​ൽ​ക്കെ, ദി​വ​സ​ങ്ങ​ൾ​ക്കു​ള്ളി​ൽ അ​ധി​ക​മ​ഴ ല​ഭി​ക്കു​ന്ന ജി​ല്ല​യാ​യി കോ​ട്ട​യം മാ​റു​മെ​ന്നാ​ണ്​ ക​ണ​ക്കു​കൂ​ട്ട​ൽ. ജൂ​ൺ ആ​ദ്യ ദി​വ​സ​ങ്ങ​ളി​ൽ ശ​ക്ത​മാ​യ മ​ഴ​യാ​യി​രു​ന്നു ജി​ല്ല​യി​ൽ ല​ഭി​ച്ച​ത്‌. പി​ന്നീ​ട് ശ​ക്തി കു​റ​ഞ്ഞു. എ​ന്നാ​ൽ, ആ​ഗ​സ്റ്റി​ൽ ഒ​ട്ടു​മി​ക്ക ദി​വ​സ​ങ്ങ​ളി​ലും മ​ഴ പെ​യ്തു.

മി​ക​ച്ച വേ​ന​ൽ​മ​ഴ​ക്ക്​ പി​ന്നാ​ലെ​യാ​ണ് കാ​ല​വ​ർ​ഷ​വും ജി​ല്ല​യി​ൽ ക​നി​യു​ന്ന​ത്. വേ​ന​ൽ മ​ഴ​യി​ൽ കോ​ട്ട​യം റെ​ക്കോ​ഡി​ട്ടി​രു​ന്നു. മാ​ർ​ച്ച്‌ ഒ​ന്ന്‌ മു​ത​ൽ മേ​യ്‌ 31 വ​രെ 839.7 മി​ല്ലി മീ​റ്റ​ർ മ​ഴ കോ​ട്ട​യ​ത്ത്‌ പെ​യ്തു. സം​സ്ഥാ​ന​ത്ത്‌ ത​ന്നെ ഏ​റ്റ​വും കൂ​ടു​ത​ൽ മ​ഴ​യാ​യി​രു​ന്നു ഇ​ത്. തീ​ക്കോ​യി​ലാ​യി​രു​ന്നു ഏ​റ്റ​വും കൂ​ടു​ത​ൽ ല​ഭി​ച്ച​ത്. ഈ​രാ​റ്റു​പേ​ട്ട, കോ​ഴാ, പൂ​ഞ്ഞാ​ർ, വൈ​ക്കം, മു​ണ്ട​ക്ക​യം, കോ​ട്ട​യം, കു​മ​ര​കം, പാ​മ്പാ​ടി തു​ട​ങ്ങി​യ പ്ര​ദേ​ശ​ങ്ങ​ളും സം​സ്ഥാ​ന​ത്ത്‌ കൂ​ടു​ത​ൽ വേ​ന​ൽ​മ​ഴ ല​ഭി​ച്ച പ​ട്ടി​ക​യി​ൽ ആ​ദ്യ സ്ഥാ​നെ​ത്തെ​ത്തി​യി​രു​ന്നു.

മേ​യ് പ​കു​തി​വ​രെ വേ​ന​ല്‍ മ​ഴ​യു​ടെ അ​ള​വ്‌ ജി​ല്ല​യി​ല്‍ 17 ശ​ത​മാ​നം കു​റ​വാ​യി​രു​ന്നു. എ​ന്നാ​ൽ, മേ​യ്‌ അ​വ​സാ​ന ആ​ഴ്ച​യി​ലെ ക​ന​ത്ത മ​ഴ​യോ​ടെ​യാ​ണ് വേ​ന​ൽ സീ​സ​ണി​ൽ കോ​ട്ട​യം റെ​ക്കോ​ഡി​ലേ​ക്ക് എ​ത്തി​യ​ത്.

അ​തേ​സ​മ​യം, കാ​ല​വ​ർ​ഷ​ത്തി​ൽ സം​സ്ഥാ​ന​ത്ത്​ 11 ശ​ത​മാ​നം മ​ഴ​ക്കു​റ​വാ​ണ് നി​ല​വി​ലു​ള്ള​ത്. 1746.9 മി​ല്ലി മീ​റ്റ​ർ മ​ഴ ല​ഭി​ക്കേ​ണ്ട സ്ഥാ​ന​ത്ത്​ 1560.7 മ​ഴ​യാ​ണ്​ പെ​യ്​​ത​ത്. അ​ടു​ത്ത​ദി​വ​സ​ങ്ങ​ളി​ലും മ​ഴ തു​ട​രു​മെ​ന്നാ​ണ്​ കാ​ലാ​വ​സ്ഥ​വ​കു​പ്പി​ന്‍റെ പ്ര​വ​ച​നം. കേ​ര​ള തീ​രം മു​ത​ൽ തെ​ക്ക​ൻ ഗു​ജ​റാ​ത്ത്‌ തീ​രം വ​രെ ന്യു​ന​മ​ർ​ദ പാ​ത്തി സ്ഥി​തി​ചെ​യ്യു​ന്ന​തി​നാ​ൽ കേ​ര​ള​ത്തി​ൽ അ​ടു​ത്ത ഏ​ഴ്​ ദി​വ​സം വ്യാ​പ​ക​മാ​യി നേ​രി​യ -ഇ​ട​ത്ത​രം മ​ഴ​ക്ക്​ സാ​ധ്യ​ത​യു​ണ്ടെ​ന്നാ​ണ്​ കേ​ന്ദ്ര​കാ​ലാ​വ​സ്​​ഥ വ​കു​പ്പ്​ അ​റി​യി​ച്ചി​രി​ക്കു​ന്ന​ത്. സെ​പ്റ്റം​ബ​ർ മൂ​ന്ന്​​വ​രെ ഒ​റ്റ​പ്പെ​ട്ട സ്ഥ​ല​ങ്ങ​ളി​ൽ ശ​ക്ത​മാ​യ മ​ഴ​ക്കും സാ​ധ്യ​ത​യു​ണ്ടെ​ന്ന്​ കേ​ന്ദ്ര കാ​ലാ​വ​സ്ഥ​വ​കു​പ്പ് അ​റി​യി​ച്ചി​ട്ടു​ണ്ട്.