കോട്ടയം കെ.എസ്​.ആർ.ടി.സി ഗാ​രേ​ജ്​; റാമ്പുകളിൽ മലിനജലക്കെട്ട്​, പ്രതിസന്ധിയിൽ ജീവനക്കാർ

കോ​ട്ട​യം: കെ.​എ​സ്.​ആ​ർ.​ടി.​സി ഗാരേജിലെ റാ​മ്പു​ക​ളി​ൽ മ​ലി​ന​ജ​ലം നി​റ​ഞ്ഞ​തോ​ടെ ബ​സു​ക​ളു​ടെ അ​റ്റ​കു​റ്റ​പ്പ​ണി പ്ര​തി​സ​ന്ധി​യി​ൽ. ര​ണ്ട്​ ഷി​ഫ്റ്റു​ക​ളി​ലാ​യി 30ഓ​ളം ജീ​വ​ന​ക്കാ​രാ​ണ്​ ഇ​വി​ടെ ജോ​ലി ചെ​യ്യു​ന്ന​ത്. യാ​തൊ​രു സു​ര​ക്ഷ സം​വി​ധാ​ന​ങ്ങ​ളി​ല്ലാ​യാ​ണ്​ ജീ​വ​ന​ക്കാ​ർ ക​ഴി​ഞ്ഞു​കൂ​ടു​ന്ന​ത്. കം​ഫ​ർ​ട്ട്​ സ്റ്റേ​ഷ​നി​ൽ​നി​ന്നു​ള്ള മ​ല​മൂ​ത്ര​മ​ട​ക്ക​മു​ള്ള മാ​ലി​ന്യം ഒ​ഴു​കി​യെ​ത്തു​ന്ന​ത്​ താ​ഴെ​യു​ള്ള കെ.​എ​സ്.​ആ​ർ.​ടി.​സി ഗാരേജിലേ​ക്കാ​ണ്. പുഴു​വ​രി​ക്കു​ന്ന ദു​ർ​ഗ​ന്ധം വ​മി​ക്കു​ന്ന മ​ലി​ന​ജ​ലം ഗാരേജി​ലെ റാ​മ്പി​ൽ നി​റ​ഞ്ഞ​തോ​ടെ ബ​സു​ക​ൾ ജീ​വ​ന​ക്കാ​ർ​ക്ക്​ വ​ർ​ക്ക്​​ഷോ​പ്പി​ൽ നി​ൽ​ക്കാ​നാ​വാ​ത്ത അ​വ​സ്ഥ​യി​ലാ​ണ്. ഓ​യി​ലും വെ​ള്ള​വും ക​ല​ർ​ന്ന ത​റ​യി​ൽ ച​വി​ട്ടി​യാ​ൽ വീ​ഴു​ന്ന​ത്​ ഈ ​മ​ലി​ന​ജ​ല​ത്തി​ലേ​ക്കാ​ണ്. ജി​ല്ല​യി​ൽ പ​ക​ർ​ച്ച​വ്യാ​ധി​ക​ൾ പ​ട​രു​ന്ന സാ​ഹ​ച​ര്യ​ത്തി​ൽ​ വൃ​ത്തി​ഹീ​ന​മാ​യ വ​ർ​ക്ക്​​ഷോ​പ്പി​ൽ ജീ​വ​ൻ പ​ണ​യം വെ​ച്ച്​ ജോ​ലി​യെ​ടു​ക്കേ​ണ്ട അ​വ​സ്ഥ​യാ​ണ് ജീ​വ​ന​ക്കാ​ർ​ക്ക്​. മ​ര​പ്പൊ​ടി നി​ല​ത്ത്​ വി​ത​റി​യാ​ണ്​ ഓ​യി​ലി​ന്‍റെ അം​ശം ക​ള​യു​ന്ന​ത്. എ​ന്നാ​ൽ മ​ഴ​വെ​ള്ള​വും കൂ​ടെ ക​ല​ർ​ന്ന​തോ​ടെ ത​റ​യി​ൽ​ വെ​ള്ളം കെ​ട്ടി​ക്കി​ട​ക്കു​ന്ന അ​വ​സ്ഥ​യാ​ണ്. കോ​ട്ട​യം ഡി​പ്പോ​യി​ലെ 100ല​ധി​കം ബ​സു​ക​ൾ സു​ഗ​മ​മാ​യി സ​ർ​വി​സ്​ ന​ട​ത്തു​ന്ന​തി​ന്​ പി​ന്നി​ൽ ഗാ​രേ​ജി​ലെ ഒ​രു​കൂ​ട്ടം ജീ​വ​ന​ക്കാ​രു​ടെ സ​ഹ​ന ഫ​ല​മാ​യാ​ണ്.

എ​ട്ട്​ വ​ർ​ഷം പ​ഴ​ക്ക​മു​ള്ള കോ​ട്ട​യം കെ.​എ​സ്.​ആ​ർ.​ടി.​സി ഗാരേജിന്​ കെ​ട്ടി​ട ന​മ്പ​റോ അ​ഗ്നി​ര​ക്ഷാ​സേ​ന​യു​ടെ ഫി​റ്റ്​​ന​സോ ഇ​ല്ല. അ​തു​കൊ​ണ്ട്​ ത​ന്നെ ജോ​ലി​ക്കി​ടെ ജീ​വ​ന​ക്കാ​ർ​ക്ക്​ എ​ന്തെ​ങ്കി​ലും അ​ത്യാ​ഹി​തം സം​ഭ​വി​ച്ചാ​ൽ ത​ന്നെ ഇ​ൻ​ഷു​റ​ൻ​സോ മ​റ്റ്​ ആ​നു​കൂ​ല്യ​മോ ല​ഭി​ക്കി​ല്ലെ​ന്ന്​ ജീ​വ​ന​ക്കാ​ർ പ​റ​യു​ന്നു. ബ​സു​ക​ൾ നി​ർ​ത്തി​യി​ട്ട്​ പ​രി​ശോ​ധി​ക്കു​ന്ന റാ​മ്പി​ലും ത​റ​യി​ലും വെ​ള്ളം ക​യ​റു​ന്ന​തോ​ടെ ഇ​ല​ക്​​ട്രി​ക്​ ഉ​പ​ക​ര​ണ​ങ്ങ​ളി​ൽ നി​ന്നും വൈ​ദ്യു​ഘാ​ത​മേ​ൽ​ക്കാ​നു​ള്ള സാ​ഹ​ച​ര്യം കൂ​ടു​ത​ലാ​ണ്. ക​ഴി​ഞ്ഞ​ദി​വ​സം ബ​സി​ന​ടി​യി​ൽ വെ​ൽ​ഡി​ങ്​ ജോ​ലി​ക​ൾ ചെ​യ്തി​രു​ന്ന ര​ണ്ട്​ ജീ​വ​ന​ക്കാ​ർ​ക്കാ​ണ്​ വൈ​ദ്യു​താ​ഘാ​ത​മേ​റ്റ​ത്. ഭാ​ഗ്യം കൊ​ണ്ടാ​ണ്​ ജീ​വ​ന​ക്കാ​ർ ര​ക്ഷ​പ്പെ​ട്ട​തെ​ന്ന്​ ജീ​വ​ന​ക്കാ​ർ പ​റ​യു​ന്നു. രാ​ത്രി​യി​ൽ ഗാ​രേ​ജി​ൽ ബ​സ്​ നി​ർ​ത്തി ഇ​റ​ങ്ങു​ന്ന ബ​സ്​ ജീ​വ​ന​ക്കാ​ർ​ക്കും അ​വ​സ്ഥ വ്യ​ത്യ​സ്ത​മ​ല്ല. മ​ലി​ന​ജ​ല​ത്തെ കൂ​ടാ​തെ തെ​രു​വു​നാ​യ്​​ക്ക​ളു​ടെ​യും പാ​മ്പു​ക​ളു​ടെ​യും ശ​ല്യ​വും രൂ​ക്ഷ​മാ​ണ്.

ഡി​പ്പോ​യു​ടെ താ​ഴെ​യു​ള്ള ഗ്രൗ​ണ്ടി​ൽ മാ​ലി​ന്യം ത​ള്ളു​ന്ന​തി​നാ​യി ര​ണ്ട്​ കു​ഴി​ക​ൾ എ​ടു​ത്തി​ട്ടു​ണ്ട്. അ​തി​ൽ​നി​ന്നു​ള്ള മാ​ലി​ന്യം ഊ​റി​യാ​ണ്​ ഗാരേജിലേ​ക്ക്​ ഒ​ഴു​കു​ന്ന​ത്. ഗാരേജിന്‍റെ ഓ​ഫി​സ്​ മു​റി​ക​ളി​ൽ മൂ​ത്ര​മ​ട​ങ്ങി​യ മാ​ലി​ന്യ​ജ​ലം ചോ​ർ​ന്നി​റ​ങ്ങു​ക​യാ​ണ്. മു​റി​ക്കു​ള്ളി​ലെ വെ​ള്ള​ക്കെ​ട്ടി​ൽ ഇ​രു​ന്നാ​ണ്​ ജീ​വ​ന​ക്കാ​ർ ത​ങ്ങ​ളു​ടെ ജോ​ലി പൂ​ർ​ത്തി​യാ​ക്കു​ന്ന​ത്. വൃ​ത്തി​ഹീ​ന​മാ​യ വെ​ള്ള​ത്തി​ൽ ച​വി​ട്ടി​ന​ട​ക്കു​ന്ന ജീ​വ​ന​ക്കാ​ർ​ക്ക്​ ച​ർ​മ്മ​സം​ബ​ന്ധ​മാ​യ രോ​ഗ​ങ്ങ​ൾ പ​തി​വാ​ണെ​ന്ന്​ പ​രാ​തി​യു​ണ്ട്. വി​ഷ​യം മേ​ൽ​അ​ധി​കൃ​ത​രെ അ​റി​യി​ച്ചെ​ങ്കി​ലും കാ​ര്യ​മാ​യ ന​ട​പ​ടി​യു​ണ്ടാ​യി​ല്ലെ​ന്ന്​ മാ​ത്ര​മ​ല്ല, ഒ​മ്പ​ത്​ രൂ​പ വി​ല​യു​ള്ള സോ​പ്പാ​ണ്​ ഇ​തി​ന്​ പ​രി​ഹാ​ര​മാ​യി ന​ൽ​കി​​യ​തെ​ന്നും ജീ​വ​ന​ക്കാ​ർ പ​റ​യു​ന്നു. ഏ​റ്റു​മാ​നൂ​ർ സ്വ​ദേ​ശി​യാ​യ ഗാരേജിലെ ജീ​വ​ന​ക്കാ​ര​ൻ ഒ​രു മാ​സ​ത്തോ​ള​മാ​ണ്​ ഡെ​ങ്കി​പ്പ​നി പി​ടി​പെ​ട്ട്​ ആ​ശു​പ​ത്രി​യി​ൽ ക​ഴി​ഞ്ഞ​ത്. അ​ടി​ഭാ​ഗം കു​റ​ഞ്ഞ എ.​സി ബ​സു​ക​ളും സ്വി​ഫ്​​റ്റ്​​ ബ​സു​ക​ളും റാ​മ്പി​ൽ ക​യ​റ്റി​യാ​ൽ മാ​ത്ര​മേ പ​രി​ശോ​ധി​ക്കാ​നാ​വൂ. മ​ലി​ന​ജ​ലം കെ​ട്ടി​ക്കി​ട​കു​ന്ന റാ​മ്പി​ൽ വെ​ളി​ച്ച​ത്തി​നാ​യി ഉ​പ​യോ​ഗി​ക്കു​ന്ന ലൈ​റ്റു​ക​ളു​ടെ വ​യ​റു​ക​ളും ഫോ​ൾ​ഡ​റും മു​ങ്ങി​നി​ൽ​ക്കു​ക​യാ​ണ്. നെ​ഞ്ച​ള​വി​ലാ​ണ്​ പു​ഴു​വ​രി​ക്കു​ന്ന മ​ലി​ന​ജ​ലം കെ​ട്ടി​ക്കി​ട​ക്കു​ന്ന​ത്.

ഫ​ലം കാ​ണാ​തെ പ​രാ​തി​ക​ൾ

നി​ര​വ​ധി ത​വ​ണ ഡി.​ടി.​ഒ ഡി​പ്പോ എ​ൻ​ജി​നി​യ​ർ ഉ​ൾ​പ്പെ​ടെ പ​രാ​തി ന​ൽ​കി​യെ​ങ്കി​ലും അ​നു​കൂ​ല ന​ട​പ​ടി ഉ​ണ്ടാ​വാ​ത്ത​തി​ൽ അ​മ​ർ​ഷ​ത്തി​ലാ​ണ്​ ജീ​വ​ന​ക്കാ​ർ. ഓ​ഫി​സി​ന്‍റെ മു​ക​ളി​ലെ നി​ല​യി​ൽ​നി​ന്നും കി​ളി​വാ​തി​ലി​ലൂ​ടെ ഉ​ത്ത​ര​വി​ട​ൽ മാ​ത്ര​മാ​ണ്​ ​എ​ഞ്ചി​നി​യ​ർ ചെ​യ്യു​ന്ന​ത്. അ​വ​സാ​ന​വ​ട്ട റി​പ്പോ​ർ​ട്ട്​ വാ​ട്​​സ്​​ആ​പ്പി​ൽ പ​രി​ശോ​ധി​ക്കു​ക​യ​ല്ലാ​തെ ജീ​വ​ന​ക്കാ​രു​ടെ​യോ അ​വ​രു​ടെ പ​രാ​തി​ക​ളെ​യോ എ​ൻ​ജി​നി​യ​ർ പ​ണി​ഗ​ണി​ക്കാ​റി​ല്ലെ​ന്നും പ​രാ​തി​യു​ണ്ട്. ഡി.​ടി.​ഒ​യു​മാ​യി ചൊ​വ്വാ​ഴ്ച ന​ട​ത്തി​യ ച​ർ​ച്ച​യി​ൽ 15 ദി​വ​സ​ത്തി​നു​ള്ളി​ൽ ശാ​ശ്വ​ത​പ​രി​ഹാ​രം കാ​ണു​മെ​ന്ന്​ ഡി.​ടി.​ഒ അ​റി​യി​ച്ചു. അ​ല്ലാ​ത്ത​പ​ക്ഷം സ​മ​ര​ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്ന​ തീ​രു​മാ​ന​ത്തി​ലാ​ണ്​ ജീ​വ​ന​ക്കാ​ർ.

‘ആ​രും ഞ​ങ്ങ​ളെ തി​രി​ഞ്ഞു​നോ​ക്കു​ന്നി​ല്ല’

‘50ല​ധി​കം യാ​ത്ര​ക്കാ​ർ സ​ഞ്ച​രി​ക്കു​ന്ന ബ​സ്​​ സു​ഗ​മ​മാ​യി ഓ​ടു​ന്ന​തി​ന്​ രാ​വും​പ​ക​ലു​മി​ല്ലാ​തെ വൃ​ത്തി​ഹീ​ന​മാ​യ നി​ല​ത്ത്​ കി​ട​ന്ന്​ ജോ​ലി​യെ​ടു​ക്കേ​ണ്ടി​വ​രു​ന്ന​വ​രു​ടെ അ​വ​സ്ഥ ആ​രും അ​ന്വേ​ഷി​ക്കു​ന്നി​ല്ല. പൊ​ട്ടി​ക്കി​ട​ക്കു​ന്ന കേ​ബി​ളു​ക​ൾ കി​ട​ക്കു​ന്ന​തു​കൊ​ണ്ട്​ അ​ബ​ദ്ധ​വ​ശാ​ൽ നി​ല​ത്ത്​ ച​വി​ട്ടു​ന്ന ആ​ൾ​ക്ക്​ ഷോ​ക്കേ​ൽ​ക്കും എ​ന്ന കാ​ര്യ​ത്തി​ൽ സം​ശ​യ​മി​ല്ല. ജോ​ലി​ക്ക്​ ശേ​ഷം ഡെ​റ്റോ​ളും സോ​പ്പും ഉ​പ​യോ​ഗി​ച്ച് ​ഒ​രു​പാ​ട്​ നേ​രം വൃ​ത്തി​യാ​ക്കി​യ​ ശേ​ഷ​മേ വീ​ടു​ക​ളി​ലേ​ക്ക്​ മ​ട​ങ്ങൂ.’ - ജീ​വ​ന​ക്കാ​ർ പ​റ​യു​ന്നു.