സോണക്കും വീണക്കും നഷ്ടപ്പെട്ടത് പിതൃതുല്യ സ്‌നേഹം

ഏ​റ്റു​മാ​നൂ​ര്‍: 2014ല്‍ ​ഇ​റാ​ഖി​ലെ ഭീ​ക​രാ​ക്ര​മ​ണ​ത്തി​ല്‍ കു​ടു​ങ്ങി​യ 49 മ​ല​യാ​ളി ന​ഴ്‌​സു​മാ​രി​ല്‍ ര​ക്ഷ​പ്പെ​ട്ട് നാ​ട്ടി​ലെ​ത്തി​യ ഏ​റ്റു​മാ​നൂ​ര്‍ സ്വ​ദേ​ശി​ക​ളാ​യ ഇ​ര​ട്ട​ക​ളാ​യ സോ​ണ​യും വീ​ണ​യും ക​ര​ഞ്ഞു​ക​ല​ങ്ങി​യ ക​ണ്ണു​ക​ളോ​ടെ പ​റ​ഞ്ഞു. ‘ഉ​മ്മ​ൻ ചാ​ണ്ടി സാ​ര്‍ ഞ​ങ്ങ​ള്‍ക്ക് പി​തൃ​തു​ല്യ​നാ​ണ്’. ഇ​റാ​ഖി​ൽ കൊ​ടും ഭീ​ക​ര​രു​ടെ ആ​ക്ര​മ​ണ​ത്തി​ല്‍ ഉ​റ്റ​വ​രെ കാ​ണാ​തെ ജീ​വ​ന്‍ വെ​ടി​യു​മെ​ന്ന്​ ഉ​റ​പ്പാ​യ നി​മി​ഷ​ത്തി​ലാ​ണ് ഉ​മ്മ​ന്‍ ചാ​ണ്ടി സാ​റി​നെ വി​ളി​ക്കു​ന്ന​ത്.

ജീ​വ​നോ​ടെ നി​ങ്ങ​ളെ സു​ര​ക്ഷി​ത​മാ​യി നാ​ട്ടി​ലെ​ത്തി​ക്കും ഒ​ന്നു​കൊ​ണ്ടും പേ​ടി​േ​ക്ക​ണ്ടെ​ന്ന് ഉ​റ​പ്പു​ന​ല്‍കി. അ​ന്ന​ത്തെ കേ​ന്ദ്ര​വി​ദേ​ശ​കാ​ര്യ​മ​ന്ത്രി സു​ഷ​മ സ്വ​രാ​ജു​മാ​യി നി​ര​ന്ത​ര​മാ​യി ഇ​ട​പെ​ട്ട് നാ​ട്ടി​ലെ​ത്തി​ക്കാ​നു​ള്ള ശ്ര​മ​ങ്ങ​ള്‍ അ​ദ്ദേ​ഹം ആ​രം​ഭി​ച്ചി​രു​ന്നു.

ഏ​റ്റു​മാ​നൂ​ര്‍ ച​കി​രി​യാം ത​ട​ത്തി​ല്‍ സ​ണ്ണി​യു​ടെ മ​ക്ക​ളാ​യ സോ​ണ​യും വീ​ണ​യും തി​ക്രി​ത്തി​ലെ ടീ​ച്ച​ര്‍ മെ​ഡി​ക്ക​ല്‍ ഹോ​സ്പി​റ്റ​ലി​ല്‍ ജോ​ലി​ചെ​യ്യു​മ്പോ​ഴാ​ണ് ഭീ​ക​രാ​ക്ര​മ​ണം ഉ​ണ്ടാ​കു​ന്ന​ത്. സോ​ണ​യും വീ​ണ​യും ഉ​ള്‍പ്പെ​ടെ 46 പേ​രു​ണ്ടാ​യി​രു​ന്നു. ആ​ദ്യ​ദി​വ​സം കു​ഴ​പ്പ​മി​ല്ലാ​യി​രു​ന്നെ​ങ്കി​ലും ര​ണ്ടാം​ദി​വ​സം മു​ത​ല്‍ ചു​റ്റി​നും സ്‌​ഫോ​ട​ന​വും വെ​ടി​യൊ​ച്ച​ക​ളും മാ​ത്രം. ഒ​ടു​വി​ല്‍ ആ​ശു​പ​ത്രി​യു​ടെ നി​യ​ന്ത്ര​ണം ഭീ​ക​ര​രു​ടെ കൈ​യി​ലാ​യി. പെ​െ​ട്ട​ന്ന് ഒ​രു ഭീ​ക​ര​ന്‍ തോ​ക്കു​മാ​യി വ​ന്ന്​ ആ​ശു​പ​ത്രി​യി​ല്‍ ബോം​ബ്​ ​െവ​ച്ചി​ട്ടു​ണ്ട്, എ​ത്ര​യും വേ​ഗം ഇ​റ​ങ്ങ​ണ​മെ​ന്നും പ​റ​ഞ്ഞു. ഭീ​ക​ര​രു​ടെ കൂ​ടെ ചെ​ല്ല​ണ​മെ​ന്നു​മാ​യി​രു​ന്നു ആ​വ​ശ്യം.

ഫോ​ണി​ല്‍ വ​ള​രെ കു​റ​ച്ച്​ ചാ​ര്‍ജ്​ മാ​ത്ര​മാ​ണ് ഉ​ണ്ടാ​യി​രു​ന്ന​ത്, എ​ന്തു​ചെ​യ്യ​ണ​മെ​ന്ന് അ​റി​യാ​തെ ഉ​മ്മ​ന്‍ ചാ​ണ്ടി​സാ​റി​നെ വി​ളി​ച്ചു. നി​ങ്ങ​ള്‍ അ​വ​ര്‍ക്കൊ​പ്പം പൊ​യ്‌​ക്കോ​ളൂ ഒ​ന്നും സം​ഭ​വി​ക്കി​െ​ല്ല​ന്നും പ​റ​ഞ്ഞു. ആ ​വാ​ക്കു​ക​ള്‍ വി​ശ്വ​സി​ച്ച്​ ഭീ​ക​ര​ര്‍ക്കൊ​പ്പം ഇ​റ​ങ്ങി. ഇ​റ​ങ്ങി​യ ഉ​ട​ന്‍ സ്‌​ഫോ​ട​ന​ത്തി​ല്‍ ആ​ശു​പ​ത്രി ത​ക​ര്‍ന്നു വീ​ണു. ഭീ​ക​ര​ര്‍ ത​ങ്ങ​ളെ ഇ​ര്‍ബി​ല്‍ വി​മാ​ന​ത്താ​വ​ള​ത്തി​ല്‍ എ​ത്തി​ച്ചു. എ​ന്നാ​ല്‍, അ​വി​ടെ ഇ​റ​ങ്ങാ​ന്‍ ഇ​റാ​ഖ്​ ഭ​ര​ണ​കൂ​ടം അ​നു​വ​ദി​ച്ചി​ല്ല. പി​ന്നെ​യും ഉ​മ്മ​ൻ ചാ​ണ്ടി സാ​റി​നെ വി​ളി​ച്ചു. അ​ദ്ദേ​ഹം കേ​ന്ദ്ര​വു​മാ​യി ഇ​ട​പെ​ട്ട് വി​മാ​നം ഇ​റ​ക്കു​ന്ന​തി​ന് അ​നു​മ​തി നേ​ടി.

ജീ​വ​നും​കൊ​ണ്ട് കൊ​ച്ചി നെ​ടു​മ്പാ​ശ്ശേ​രി​യി​ല്‍ എ​ത്തു​മ്പോ​ള്‍ പൂ​ച്ചെ​ണ്ടു​മാ​യി ഒ​രു അ​ച്ഛ​ന്‍റെ ക​രു​ത​ലോ​ടെ ഉ​മ്മ​ന്‍ ചാ​ണ്ടി ഉ​ണ്ടാ​യി​രു​ന്നു. അ​ദ്ദേ​ഹം മ​രി​ച്ചെ​ന്ന് വി​ശ്വ​സി​ക്കാ​ന്‍ ക​ഴി​യു​ന്നി​ല്ല. ഭീ​ക​ര​രു​ടെ കൈ​യി​ല്‍നി​ന്നും ഞ​ങ്ങ​ളെ ജീ​വി​ത​ത്തി​ലേ​ക്ക് എ​ത്തി​ക്കാ​ന്‍ അ​ദ്ദേ​ഹം കാ​ണി​ച്ച ക​രു​ത​ലി​ന് ന​ന്ദി എ​ത്ര​പ​റ​ഞ്ഞാ​ലും തീ​രി​ല്ലെ​ന്ന്​ ക​ര​ഞ്ഞു​ക​ല​ങ്ങി​യ ക​ണ്ണു​ക​ളോ​ടെ​യാ​ണ്​ സോ​ണ​യും വീ​ണ​യും ഓ​ർ​മി​ക്കു​ന്ന​ത്.