ലോറി ബാറ്ററി മോഷ്ടിച്ചവർ പിടിയിൽ

കോട്ടയം: പാർക്ക് ചെയ്തിരുന്ന ലോറിയുടെ ബാറ്ററി മോഷ്ടിച്ച കേസിൽ രണ്ടു പേർ പിടിയിൽ. കൂത്താട്ടുകുളം നിരപ്പേൽ വീട്ടിൽ ദീപു (26), മള്ളൂശ്ശേരി പുല്ലരിക്കുന്ന് മഞ്ജു ഭവൻ കൃഷ്ണകുമാർ (കുട്ടപ്പൻ-29) എന്നിവരാണ് പിടിയിലായത്.

27ന് രാത്രി കോട്ടയം മാർക്കറ്റ് റോഡിലാണ് സംഭവം. കോടിമത തുരുത്തി പള്ളിയിൽ സുരേഷിന്‍റെ ലോറിയുടെ ബാറ്ററിയാണ് മോഷണം പോയത്.

സംഭവത്തെ തുടർന്ന് സുരേഷ് വെസ്റ്റ് പൊലീസിൽ പരാതി നൽകി. തുടർ അന്വേഷണത്തിലാണ് പ്രതികളെ പിടികൂടിയത്. കോടതിയിൽ ഹാജരാക്കി റിമാൻഡ്‌ ചെയ്തു.