തെരുവുനായ്​ ശല്യം: മെഡിക്കൽ കോളജ് കാമ്പസിൽ ഷെൽട്ടർ ഒരുക്കും

കോ​ട്ട​യം: കോ​ട്ട​യം മെ​ഡി​ക്ക​ൽ കോ​ള​ജി​നു​ള്ളി​ൽ അ​ല​ഞ്ഞു​തി​രി​ഞ്ഞു ന​ട​ക്കു​ന്ന തെ​രു​വു​നാ​യ്ക്ക​ളു​ടെ ശ​ല്യം പ​രി​ഹ​രി​ക്കു​ന്ന​തി​നാ​യി മെ​ഡി​ക്ക​ൽ കോ​ള​ജ് കാ​മ്പ​സി​നു​ള്ളി​ൽ ത​ന്നെ ഷെ​ൽ​ട്ട​ർ നി​ർ​മി​ക്കാ​ൻ മ​ന്ത്രി വി.​എ​ൻ. വാ​സ​വ​ന്‍റെ സാ​ന്നി​ധ്യ​ത്തി​ൽ ജ​ന​റ​ൽ ആ​ശു​പ​ത്രി​യി​ൽ ചേ​ർ​ന്ന യോ​ഗ​ത്തി​ൽ ധാ​ര​ണ. ആ​ശു​പ​ത്രി വ​ള​പ്പി​ലെ തെ​രു​വ് നാ​യ്ക്ക​ളെ പി​ടി​കൂ​ടി പാ​ർ​പ്പി​ക്കാ​ൻ കൂ​ട്​ സ്ഥാ​പി​ക്ക​മെ​ന്ന ജി​ല്ല ഭ​ര​ണ​കൂ​ട​ത്തി​ന്‍റെ നി​ർ​ദേ​ശം പാ​ലി​ക്കാ​ത്ത​തി​ൽ മെ​ഡി​ക്ക​ൽ കോ​ള​ജ് അ​ധി​കൃ​ത​ർ​ക്കെ​തി​രെ വി​മ​ർ​ശ​നം ഉ​യ​രു​ന്ന സാ​ഹ​ച​ര്യ​ത്തി​ലാ​ണ്​ തീ​രു​മാ​നം. ഷെ​ൽ​ട്ട​ർ നി​ർ​മാ​ണ​ത്തി​ന് പൊ​തു​മ​രാ​മ​ത്ത് വ​കു​പ്പി​നെ ചു​മ​ത​ല​പ്പെ​ടു​ത്തി. പൊ​തു​മ​രാ​മ​ത്ത് വ​കു​പ്പ് ഈ​യാ​ഴ്ച ത​ന്നെ പ​രി​ശോ​ധ​ന ന​ട​ത്തി നി​ർ​മാ​ണ​പ്ര​വ​ർ​ത്തി​ക​ൾ ആ​രം​ഭി​ക്കും.

മെ​ഡി​ക്ക​ൽ കോ​ള​ജി​നു​ള്ളി​ലെ തെ​രു​വു​നാ​യ്ക്ക​ളെ അ​തു​വ​രെ താ​ൽ​ക്കാ​ലി​ക സം​വി​ധാ​ന​ത്തി​ലേ​ക്ക് മാ​റ്റും. നാ​യ്ക്ക​ളു​ടെ പ​രി​പാ​ല​നം ജി​ല്ല​പ​ഞ്ചാ​യ​ത്തി​ന്‍റെ​യും ത​ദ്ദേ​ശ​സ്ഥാ​പ​ന​ങ്ങ​ളു​ടെ​യും ചു​മ​ത​ല​യാ​യി​രി​ക്കും. മെ​ഡി​ക്ക​ൽ വി​ദ്യാ​ർ​ഥി​ക​ൾ അ​ട​ക്ക​മു​ള്ള​വ​രെ മെ​ഡി​ക്ക​ൽ കോ​ള​ജ് കാ​മ്പ​സി​നു​ള്ളി​ൽ നാ​യ്ക്ക​ൾ ക​ടി​ച്ച സാ​ഹ​ച​ര്യ​ത്തി​ലാ​ണ് മ​ന്ത്രി​യു​ടെ നേ​തൃ​ത്വ​ത്തി​ൽ അ​ടി​യ​ന്ത​ര യോ​ഗം ചേ​ർ​ന്ന​ത്. ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ്​ കെ.​വി. ബി​ന്ദു, ജി​ല്ല ക​ല​ക്ട​ർ വി. ​വി​ഗ്നേ​ശ്വ​രി, മെ​ഡി​ക്ക​ൽ കോ​ള​ജ് സൂ​പ്ര​ണ്ട് ഡോ. ​ടി.​കെ. ജ​യ​കു​മാ​ർ, മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ വ​ർ​ഗീ​സ് പി. ​പു​ന്നൂ​സ് എ​ന്നി​വ​ർ പ​ങ്കെ​ടു​ത്തു.