തിരുനക്കര ബസ്​ സ്റ്റാൻഡ്​; വ്യാപാരികൾ ഇപ്പോഴും വഴിയാധാരം

കോ​ട്ട​യം: തി​രു​ന​ക്ക​ര ബ​സ്​​സ്റ്റാ​ൻ​ഡി​ലെ താ​ൽ​ക്കാ​ലി​ക കാ​ത്തി​രി​പ്പു​കേ​​ന്ദ്ര​ത്തി​ന്‍റെ കാ​ര്യ​ത്തി​ൽ തീ​രു​മാ​ന​മാ​യെ​ങ്കി​ലും കെ​ട്ടി​ട​ത്തി​ൽ​നി​ന്ന്​ ഒ​ഴി​പ്പി​ക്ക​പ്പെ​ട്ട വ്യാ​പാ​രി​ക​ൾ ഇ​പ്പോ​ഴും വ​ഴി​യാ​ധാ​രം. ക​ഴി​ഞ്ഞ ദി​വ​സം ചേ​ർ​ന്ന ന​ഗ​ര​സ​ഭ കൗ​ൺ​സി​ലി​ൽ വ്യാ​പാ​രി​ക​ളു​ടെ പു​ന​ര​ധി​വാ​സം അ​ജ​ണ്ട​യി​ലു​ണ്ടാ​യി​രു​ന്നെ​ങ്കി​ലും സ​മ​യം വൈ​കി​യ​തി​നാ​ൽ ച​ർ​ച്ച​ക്കെ​ടു​ത്തി​ല്ല. ജി​ല്ല ലീ​ഗ​ൽ സ​ർ​വി​സ്​ ​അ​തോ​റി​റ്റി​യി​ൽ നി​ല​വി​ലു​ള്ള കേ​സി​ൽ 17ന്​ ​ഇ​തു​സം​ബ​ന്ധി​ച്ച പു​രോ​ഗ​തി അ​റി​യി​ക്ക​ണം. അ​തി​നു​മു​മ്പ്​ അ​ടി​യ​ന്തി​ര കൗ​ൺ​സി​ൽ ചേ​ർ​ന്ന്​ വി​ഷ​യം ച​ർ​ച്ച ചെ​യ്തേ​ക്കും.

കെ​ട്ടി​ടം പൊ​ളി​ക്കു​ന്ന​തി​ന്‌ മു​മ്പ്‌ 2022 ന​വം​ബ​ർ 10ന്‌ ​കൂ​ടി​യ അ​ടി​യ​ന്തി​ര കൗ​ൺ​സി​ലി​ൽ 34 വ്യാ​പാ​രി​ക​ൾ​ക്ക്‌ മൂ​ന്ന്‌ അ​ടി​നീ​ള​വും വീ​തി​യു​മു​ള്ള ക​ട​മു​റി​ക​ൾ പ​ണി​യാ​ൻ അ​നു​മ​തി ന​ൽ​കു​മെ​ന്നാ​ണ്‌ ന​ഗ​ര​സ​ഭ ഭ​ര​ണാ​ധി​കാ​രി​ക​ൾ പ​റ​ഞ്ഞ​ത്‌. എ​ന്നാ​ൽ, കെ​ട്ടി​ടം പൊ​ളി​ച്ചു ക​ഴി​ഞ്ഞ​പ്പോ​ൾ ക​ട​മു​റി​ക​ൾ​ക്ക്‌ അ​നു​മ​തി ന​ൽ​കി​യി​ല്ല. 2023 സെ​പ്​​തം​ബ​റി​ലാ​ണ് ദു​ര​ന്ത​നി​വാ​ര​ണ​ത്തി​ന്റെ പേ​രി​ൽ ക​ല​ക്ട​ർ തി​രു​ന​ക്ക​ര സ്റ്റാ​ൻ​ഡി​ൽ ബ​സ് പ്ര​വേ​ശി​ക്കു​ന്ന​ത് ത​ട​യു​ക​യും ബ​സു​ക​ൾ താ​ത്കാ​ലി​ക​മാ​യി വ​ഴി തി​രി​ച്ചു​വി​ടു​ക​യും ചെ​യ്ത​ത്. സെ​പ്റ്റം​ബ​ർ 14ന് ​ആ​രം​ഭി​ച്ച ബ​സ് സ്റ്റാ​ൻ​ഡ് കെ​ട്ടി​ടം പൊ​ളി​ക്ക​ൽ പ​ല​കാ​ര​ണ​ങ്ങ​ളാ​ൽ നാ​ല്‌ മാ​സ​ത്തോ​ളം നീ​ണ്ടു. പൊ​ളി​ക്ക​ൽ ക​ഴി​ഞ്ഞ​പ്പോ​ൾ ന​ഗ​ര​സ​ഭ ബ​സ് സ്റ്റാ​ൻ​ഡ് മൈ​താ​നം പേ ​ആ​ൻ​ഡ്​ പാ​ർ​ക്കാ​യി ഉ​പ​യോ​ഗി​ക്കാ​ൻ തീ​രു​മാ​നി​ച്ചു. അ​തി​നു ശേ​ഷം ഉ​ത്സ​വ​ത്തി​ന്​ കാ​ർ​ണി​വ​ൽ ന​ട​ത്താ​ൻ കൊ​ടു​ത്തു. എ​ന്നാ​ൽ സ്‌​റ്റാ​ൻ​ഡ്‌ പൊ​തു​ജ​ന​ത്തി​ന്‌ യാ​ത്ര​ക്കാ​യി ഉ​പ​യോ​ഗി​ക്കാ​ൻ ന​ൽ​കി​യി​രു​ന്നി​ല്ല. പി​ന്നീ​ട്‌ പ​രാ​തി​യു​ടെ വ്യാ​പ​ക​മാ​യ​തി​നെ​ത്തു​ട​ർ​ന്ന്​ ലീ​ഗ​ൽ സ​ർ​വി​സ്​ ​അ​തോ​റി​റ്റി ഇ​ട​പെ​ട്ട​തോ​ടെ​യാ​ണ്​ ബ​സു​ക​ൾ ക​ട​ത്തി​വി​ടാ​നും താ​ൽ​ക്കാ​ലി​ക കാ​ത്തി​രി​പ്പ്‌ കേ​ന്ദ്രം പ​ണി​യാ​നും തീ​രു​മാ​ന​മാ​യ​ത്. ലീ​ഗ​ൽ സ​ർ​വി​സ്​ ​അ​തോ​റി​റ്റി നി​ർ​ദേ​ശ​മു​ള്ള​തി​നാ​ൽ ത​ങ്ങ​ളു​ടെ പു​ന​ര​ധി​വാ​സ​വും ന​ട​പ്പാ​കു​മെ​ന്ന പ്ര​തീ​ക്ഷ​യി​ലാ​ണ് വ്യാ​പാ​രി​ക​ൾ.