തിരുനക്കര ബസ്​സ്റ്റാൻഡ്​ കൽപക സൂപ്പർമാർക്കറ്റ്​ ഉടൻ പൊളിക്കും

കോ​ട്ട​യം: തി​രു​ന​ക്ക​ര ബ​സ്​​സ്റ്റാ​ൻ​ഡി​ലെ​ ക​ൽ​പ​ക സൂ​പ്പ​ർ​മാ​ർ​ക്ക​റ്റ്​ കെ​ട്ടി​ടം ഉ​ട​ൻ പൊ​ളി​ച്ചു തു​ട​ങ്ങും. സൂ​പ്പ​ർ​മാ​ർ​ക്ക​റ്റി​ലെ സാ​ധ​ന​ങ്ങ​ളു​ടെ ​ലേ​ലം ന​ട​ക്കാ​ത്ത​തി​നാ​ൽ പി​ന്നീ​ട്​ പൊ​ളി​ക്കാ​നാ​യി​രു​ന്നു ആ​ദ്യ ധാ​ര​ണ. എ​ന്നാ​ൽ പൊ​ളി​ക്ക​ൽ 50 ശ​ത​മാ​നം ക​ഴി​ഞ്ഞി​ട്ടും ലേ​ലം ന​ട​ന്നി​ട്ടി​ല്ല. ഇ​തോ​ടെ സാ​ധ​ന​സാ​മ​​ഗ്രി​ക​ൾ ക​രാ​റു​കാ​ർ പു​റ​ത്തെ​ടു​ത്തു​വെ​ച്ചി​രി​ക്കു​ക​യാ​ണ്.

ഫാ​ൻ, ഇ​രു​മ്പി​ന്‍റെ മേ​ശ​ക​ൾ, റാ​ക്ക്​ തു​ട​ങ്ങി 80 ഇ​ന​ങ്ങ​ളാ​ണ്​ ഉ​ള്ള​ത്. കെ​ട്ടി​ടം പൊ​ളി​ക്കാ​ൻ ക​രാ​റെ​ടു​ത്ത ഏ​ജ​ൻ​സി ഇ​വ​യും ലേ​ലം വി​ളി​ച്ചി​രു​ന്നെ​ങ്കി​ലും തു​ക കു​റ​ഞ്ഞ​തു​കൊ​ണ്ട്​ ന​ഗ​ര​സ​ഭ അം​ഗീ​ക​രി​ച്ചി​ല്ല. കെ​ട്ടി​ട​ത്തി​ന്‍റെ മൂ​ന്നു​ഭാ​ഗ​ത്തെ​യും മു​ക​ൾ​നി​ല​ക​ൾ പൂ​ർ​ണ​മാ​യി പൊ​ളി​ച്ചു​മാ​റ്റി. ക​ൽ​പ​ക​യു​ടെ മു​ക​ളി​ൽ അ​വ​ശേ​ഷി​ക്കു​ന്ന ഭാ​ഗം അ​ടു​ത്ത​ദി​വ​സം പൊ​ളി​ച്ചു​മാ​റ്റും. അ​തു​ക​ഴി​ഞ്ഞാ​ൽ താ​ഴ​ത്തെ നി​ല പൊ​ളി​ക്കും. അ​പ​ക​ട​സാ​ധ്യ​ത ക​ണ​ക്കി​ലെ​ടു​ത്ത്​ എം.​സി. റോ​ഡി​ൽ രാ​​ത്രി ഗ​താ​ഗ​തം ത​ട​ഞ്ഞാ​ണ്​ മു​ക​ൾ നി​ല​ക​ൾ പൊ​ളി​ച്ചു​മാ​റ്റു​ന്ന​ത്.

മു​ഖ്യ​മ​ന്ത്രി​യു​ടെ ന​വ​കേ​ര​ള സ​ദ​സ്​ ഡി​സം​ബ​ർ 13നു ​ന​ട​ക്കു​ക​യാ​ണ്. ഇ​തി​നു മു​മ്പ്​ സ്ഥ​ലം​നി​ര​പ്പാ​ക്കി കൊ​ടു​ക്കാ​നാ​യി​രു​ന്നു ക​ല​ക്​​ട​റു​ടെ നി​ർ​ദേ​ശം. ന​വ​കേ​ര​ള സ​ദ​സ്​ ഇ​വി​ടെ ന​ട​ത്താ​നാ​യി​രു​ന്നു തീ​രു​മാ​നം.

എ​ന്നാ​ൽ പൊ​ളി​ക്ക​ൽ തീ​രാ​ത്ത​തു​​കൊ​ണ്ട്​ മു​ഖ്യ​മ​ന്ത്രി​യു​ടെ പ​രി​പാ​ടി തി​രു​ന​ക്ക​ര മൈ​താ​ന​ത്തേ​ക്കു മാ​റ്റു​ക​യാ​യി​രു​ന്നു. 25 ദി​വ​സ​മെ​ങ്കി​ലും കി​ട്ടാ​തെ പൊ​ളി​ക്ക​ൽ പൂ​ർ​ത്തി​യാ​ക്കാ​നാ​വി​ല്ലെ​ന്നാ​ണ്​ ക​രാ​റു​കാ​ര​ൻ പ​റ​യു​ന്ന​ത്. രാ​ത്രി ഒ​മ്പ​തു​മു​ത​ൽ രാ​വി​ലെ അ​ഞ്ചു​മ​ണി​വ​രെ​യാ​ണ്​ കെ​ട്ടി​ടം പൊ​ളി​ക്കു​ന്ന​ത്. പ​ക​ൽ ക​മ്പി​ക​ൾ എ​ടു​ത്തു​മാ​റ്റി അ​ടു​ക്കി കെ​ട്ടി​വെ​ക്കും. കെ​ട്ടി​ടം പൊ​ളി​ക്കു​ന്ന​തി​ന്‍റെ മ​ണ്ണ്​ നീ​ക്കാ​ൻ ​പ്രാ​ദേ​ശി​ക​മാ​യി ക​രാ​ർ ന​ൽ​കി​യി​ട്ടു​ണ്ട്. 1.10 കോ​ടി രൂ​പ​ക്ക്​ കൊ​ല്ലം സ്വ​ദേ​ശി​യാ​ണ്​ കെ​ട്ടി​ടം പൊ​ളി​ക്കാ​ൻ ക​രാ​റെ​ടു​ത്തി​രി​ക്കു​ന്ന​ത്. സെ​പ്തം​ബ​ർ 13നാ​ണ്​ ​കെ​ട്ടി​ടം പൊ​ളി​ക്ക​ൽ തു​ട​ങ്ങി​യ​ത്. മൂ​ന്നു​മാ​സ​മാ​ണ്​ ക​രാ​റി​ൽ പ​റ​​ഞ്ഞി​രു​ന്ന​തെ​ങ്കി​ലും 45 ദി​വ​സം കൊ​ണ്ട്​ തീ​ർ​ക്കാ​നാ​യി​രു​ന്നു ക​ല​ക്ട​റു​ടെ നി​ർ​ദേ​ശം. ഫ​ല​ത്തി​ൽ മൂ​ന്നു​മാ​സം ക​ഴി​ഞ്ഞാ​ലേ പൊ​ളി​ക്ക​ൽ പൂ​ർ​ത്തി​യാ​വൂ.