സുരക്ഷയില്ല; വൈക്കം ജങ്കാർജെട്ടിയിൽ അപകടം ഒളിഞ്ഞിരിക്കുന്നു

വൈ​ക്കം: ജ​ങ്കാ​ർ​ജെ​ട്ടി​യി​ലെ കാ​യ​ലി​ലേ​ക്ക് തു​റ​ന്നു​കി​ട​ക്കു​ന്ന ഭാ​ഗം അ​ലു​മി​നി​യം ഗാ​ർ​ഡോ, മ​റ്റു സം​വി​ധാ​ന​ങ്ങ​ളോ കൊ​ണ്ട് സം​ര​ക്ഷി​ക്കാ​ത്ത​ത് മൂ​ലം അ​പ​ക​ടം പ​തി​യി​രി​ക്കു​ന്നു. വൈ​ക്കം-​ത​വ​ണ​ക്ക​ട​വ് ജ​ങ്കാ​ർ നി​ല​ച്ചി​ട്ട് മാ​സ​ങ്ങ​ളാ​യെ​ങ്കി​ലും ജ​ങ്കാ​ർ​ജെ​ട്ടി​യി​ലെ കാ​യ​ലി​ലേ​ക്ക് തു​റ​ന്നു​കി​ട​ക്കു​ന്ന ഈ ​ഭാ​ഗം അ​പ​ക​ട​ര​ഹി​ത​മാ​യി സം​ര​ക്ഷി​ക്കു​ന്ന​തി​ന് അ​ധി​കൃ​ത​ർ ഇ​തു​വ​രെ ത​യാ​റാ​യി​ട്ടി​ല്ലാ​ത്ത​തി​നാ​ൽ വാ​ഹ​നം കാ​യ​ലി​ൽ വീ​ണ് ദു​ര​ന്തം ഉ​ണ്ടാ​കാ​ൻ സാ​ധ്യ​ത ഏ​റെ​യാ​ണെ​ന്ന് നാ​ട്ടു​കാ​ർ പ​റ​യു​ന്നു.

വൈ​ക്കം ബീ​ച്ച്, പൊ​ലീ​സ് ക്വാ​ർ​ട്ടേ​ഴ്സ്, ഡി​വൈ.​എ​സ്.​പി ഓ​ഫി​സ്, കെ.​ടി.​ഡി.​സി, റെ​സ്റ്റ് ഹൗ​സ് എ​ന്നി​വി​ട​ങ്ങ​ളി​ലേ​ക്ക് ഇ​രു​ച​ക്ര വാ​ഹ​ന​ങ്ങ​ൾ ഉ​ൾ​പ്പെ​ടെ നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് നി​ത്യേ​ന എ​ത്തു​ന്ന​ത്.

പ്ര​ധാ​ന​വ​ഴി​യി​ൽ കാ​യ​ലി​ലേ​ക്ക് തു​റ​ന്നു​കി​ട​ക്കു​ന്ന ഈ ​ഭാ​ഗ​ത്ത് അ​പ​ക​ടം ഉ​ണ്ടാ​കാ​നു​ള്ള സാ​ധ്യ​ത കൂ​ടു​ത​ലാ​ണ്. ക​ഴി​ഞ്ഞ​ദി​വ​സം കൈ​പ്പു​ഴ​മു​ട്ടി​ൽ ഉ​ണ്ടാ​യ അ​പ​ക​ട​ത്തി​ന്‍റെ പ​ശ്ചാ​ത്ത​ല​ത്തി​ൽ വൈ​ക്ക​ത്തെ ജ​ങ്കാ​ർ സ​ർ​വി​സ് പു​ന​രാ​രം​ഭി​ക്കു​ന്ന​തു​വ​രെ ജ​ങ്കാ​ർ​ജെ​ട്ടി​യി​ൽ അ​പ​ക​ടം ഉ​ണ്ടാ​കാ​തി​രി​ക്കാ​ൻ വേ​ണ്ട ന​ട​പ​ടി ബ​ന്ധ​പ്പെ​ട്ട​വ​ർ ചെ​യ്തി​ല്ലെ​ങ്കി​ൽ വ​ൻ​ദു​ര​ന്ത​ത്തി​ന് വൈ​ക്ക​വും സാ​ക്ഷ്യം വ​ഹി​ക്കേ​ണ്ടി​വ​രു​മെ​ന്ന് നാ​ട്ടു​കാ​ർ പ​റ​യു​ന്നു.