പിറവം റോഡിൽ ഐലൻഡ്​​ എക്സ്പ്രസ്​​ സ്​റ്റോപ്​ നിർത്തുന്നു; വ്യാപകപ്രതിഷേധം; യാത്രക്കാർക്ക്​ ദുരിതം

വൈക്കം: ബംഗളൂരു-കന്യാകുമാരി ഐലൻഡ്​​ എക്സ്പ്രസി​െൻറ വൈക്കം പിറവം റോഡ് റെയിൽവേ സ്​റ്റേഷനിലെ സ്‌റ്റോപ് ഒഴിവാക്കാനുള്ള റെയിൽവേ അധികൃതരുടെ തീരുമാനത്തിൽ വ്യാപക പ്രതിഷേധം.

രാവിലെ 8.20നും തിരിച്ച്​ വൈകീട്ട്​ 5.20നും പിറവം റോഡ് റെയിൽവേ സ്​റ്റേഷനിലെത്തുന്ന നൂറുകണക്കിന്​ യാത്രക്കാർക്ക്​ ഉപകാരമാണ്​. വൈക്കത്തും സമീപപ്രദേശങ്ങളിൽനിന്ന്​ നഴ്സിങ്​ അടക്കമുള്ള പ്രഫഷനൽ കോഴ്സുകൾക്ക് പഠിക്കുന്നവരും വിവിധ ആവശ്യങ്ങൾക്കായി ബംഗളൂരു, കന്യാകുമാരി സ്ഥലങ്ങളിലേക്ക് പോകുന്നതിനും ഇൗ ട്രെയിനിനെയാണ്​ ആശ്രയിച്ചിരുന്നത്. കോട്ടയം, എറണാകുളം, ഇടുക്കി ജില്ലകളുടെ അതിർത്തി പ്രദേശത്താണ് വൈക്കം വെള്ളൂരിലെ പിറവം റോഡ് റെയിൽവേ സ്​റ്റേഷൻ.

എറണാകുളത്തിനും കോട്ടയത്തിനുമിടയിലെ ഈ സ്​റ്റോപ് യാത്രക്കാരുടെ കുറവുമൂലം ലാഭകരമല്ലെന്ന് ചൂണ്ടിക്കാട്ടിയാണ് നിർത്താനൊരുങ്ങുന്നത്​. ഇടുക്കി ജില്ലയിൽനിന്നും കുത്താട്ടുകുളത്തുനിന്നും ആളുകൾ പിറവം റോഡ് റെയിൽവേ സ്​റ്റേഷനിലെത്തി​ ​യാത്ര ചെയ്യുന്നുണ്ട്.

വൈക്കം വെള്ളൂരിലാണ് സ്​റ്റേഷൻ സ്ഥിതിചെയ്യുന്നതെങ്കിലും 10 കിലോമീറ്റർ അകലെയുള്ള പിറവംറോഡ് എന്ന പേരിലാണ് അറിയപ്പെടുന്നത്.

വേണാട്, പരശുറാം, വഞ്ചിനാട് എക്സ്പ്രസ് തുടങ്ങിയ ​െട്രയിനുകൾക്ക് പിറവം റോഡിൽ സ്​റ്റോപ്പുണ്ട്. തീരുമാനം പിൻവലിച്ചില്ലെങ്കിൽ ശക്തമായ സമരപരിപാടികൾ ആവിഷ്​കരിക്കാനാണ്​ ​യാത്രക്കാരുടെ തീരുമാനം.