വൈ​ക്കം സത്യഗ്രഹ ശതാബ്ദി സ്മാരകമന്ദിരം; ജലരേഖയായി കേരള സർക്കാർ പ്രഖ്യാപനം, വാക്കുപാലിച്ച്​ തമിഴ്​നാട്​

വൈ​ക്കം: കേരളം പ്രഖ്യാപിച്ച വൈ​ക്ക​ത്തെ സ​ത്യഗ്ര​ഹ ശ​താ​ബ്ദി സ്മാ​ര​ക​മ​ന്ദി​രം ജ​ല​രേ​ഖ​യാ​യി മാ​റി​യ​പ്പോ​ൾ ത​മി​ഴ്നാ​ട് സ​ർ​ക്കാ​റി​ന്‍റെ ത​ന്തൈ​പെ​രി​യോ​ർ സ്മാ​ര​കം പു​തു​ക്കി​പ്പ​ണി​യു​മെ​ന്ന ത​മി​ഴ്നാ​ട്​ മു​ഖ്യ​മ​ന്ത്രി എം.​കെ.​ സ്റ്റാ​ലി​ന്‍റെ പ്ര​ഖ്യാ​പ​നം യാ​ഥാ​ർ​ഥ്യമാ​കു​ന്നു. 2023 ഏ​പ്രി​ൽ ഒ​ന്നി​നാ​ണ്​ മു​ഖ്യ​മ​ന്ത്രി പി​ണ​റാ​യി വി​ജ​യ​നും ത​മി​ഴ്നാ​ട് മു​ഖ്യ​മ​ന്ത്രി എം.​കെ.​ സ്റ്റാ​ലി​നും ചേ​ർ​ന്ന്​ വൈ​ക്കം സ​ത്യ​ഗ്ര​ഹ ശ​താ​ബ്ദി ആ​ഘോ​ഷ സ​മ്മേ​ള​നം ഉ​ദ്​​ഘാ​ട​നം ചെ​യ്ത​ത്.

ഈ ​സ​മ്മേ​ള​ന​ത്തി​ൽ മു​ഖ്യ​മ​ന്ത്രി​യു​ടെ പ്ര​ഖ്യാ​പ​നം ഹ​ർ​ഷാ​രാ​വ​ത്തോ​ടെ​യാ​ണ്​ ജ​നം സ്വീ​ക​രി​ച്ച​ത്. പ​ക്ഷേ, തു​ട​ർന​ട​പ​ടി​യുണ്ടായില്ല. സി.​കെ.​ ആ​ശ എം.​എ​ൽ.​എ വി​ഷ​യം സ​ഭ​യി​ൽ ഉ​ന്ന​യി​ക്കു​ക​യും പ​ണം അ​നു​വ​ദി​ക്കു​മെ​ന്ന്​ വ​കു​പ്പ്​ മ​ന്ത്രി പ്ര​ഖ്യാ​പി​ക്കു​ക​യും ചെ​യ്തി​രു​ന്നു. എ​ന്നാ​ൽ, സ്മാ​ര​കം എ​ന്ത്, എ​വി​ടെ, എ​ന്ന്​ മ​ന്ത്രി വ്യ​ക്ത​മാ​ക്കി​യി​ല്ല.

വ​ലി​യ ക​വ​ല​യി​ൽ ത​മി​ഴ്നാ​ട് സ​ർ​ക്കാ​റി​ന്‍റെ ഉ​ട​മ​സ്ഥ​ത​യി​ലു​ള്ള സ്ഥ​ല​ത്ത്​ സ്ഥി​തി​ചെ​യ്യു​ന്ന ഇ.​വി.​ രാ​മ​സ്വാ​മി നാ​യ്ക​ർ സ്മാ​ര​കം ന​വീ​ക​രി​ക്കു​മെ​ന്ന്​ ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ മ​ന്ത്രി​സ​ഭ​യി​ൽ പ്ര​ഖ്യാ​പി​ച്ചു.

8.14 കോ​ടി രൂ​പ ഇ​തി​നാ​യി അ​നു​വ​ദി​ച്ചി​ട്ടു​ണ്ട്. അ​ന്തി​മ ഘ​ട്ട​ത്തി​ൽ എ​ത്തി​യ സ്മാ​ര​കം മാ​ർ​ച്ചി​ൽ തു​റ​ക്കു​മെ​ന്ന് സ്ഥ​ലം സ​ന്ദ​ർ​ശി​ച്ച ത​മി​ഴ്നാ​ട് മ​ന്തി എം​.പി സ്വാ​മി​നാ​ഥ​ൻ അ​റി​യി​ച്ചി​രു​ന്നു. ഇ​തോ​ടൊ​പ്പം ത​ന്തൈ​പെ​രി​യോ​ർ ജ​യി​ൽ​വാ​സം അ​നു​ഭ​വി​ച്ച അ​രൂ​ക്കു​റ്റി​യി​ലും സ്മാ​ര​കം നി​ർ​മി​ക്കാ​ൻ പ്രാ​രം​ഭ​ന​ട​പ​ടി ആ​രം​ഭി​ച്ചി​ട്ടു​ണ്ട്.

കേരള സർക്കാറിനൊപ്പം ന​ഗ​ര​സ​ഭ​യും പ്ര​ഖ്യാ​പ​നം ന​ട​ത്തിയിരുന്നു. ബ​ജ​റ്റി​ൽ സ്ഥാ​നം പി​ടി​ച്ചു. ന​ഗ​ര​സ​ഭ ഓ​ഫി​സ്​ സ​ത്യഗ്ര​ഹ സ്മാ​ര​ക ഓ​ഫി​സാ​യി പ്ര​ഖ്യാ​പി​ച്ചു. ഇ​തി​നാ​യി അ​ഞ്ച്​ ല​ക്ഷം രൂ​പ​യും ബ​ജ​റ്റി​ൽ വ​ക​യി​രു​ത്തി​യെ​ങ്കി​ലും ഒ​ന്നും ന​ട​ന്നി​ല്ല.

സ്മാ​ര​കം ക​ട​ലാ​സി​ൽ മാ​ത്ര​മാ​യി ഒ​തു​ങ്ങി. ഈ​മാ​സം 12ന്​​ ന​വീ​ക​രി​ച്ച ത​ന്തൈ പെ​രി​യോ​ർ സ്മാ​ര​കം ത​മി​ഴ്നാ​ട്​ മു​ഖ്യ​മ​ന്ത്രി എം.​കെ.​ സ്റ്റാ​ലി​ൻ, കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​ൻ എ​ന്നി​വ​ർ ചേ​ർ​ന്ന്​ ഉ​ദ്​​ഘാ​ട​നം ചെ​യ്യും. മ​ന്ത്രി​മാ​രാ​യ സ​ജി ചെ​റി​യാ​ൻ, വി.​എം.​വാ​സ​വ​ൻ, ത​മി​ഴ്നാ​ട് മ​ന്ത്രി​മാ​രാ​യ ഇ.​വി.​വേ​ലു, എം.​പി.​ സ്വാ​മി​നാ​ഥ​ൻ എ​ന്നി​വ​രും പ​ങ്കെ​ടു​ക്കും.

നി​ർ​മാ​ണം പൂ​ർ​ത്തി​ക​രി​ച്ച പ്ര​ധാ​ന കെ​ട്ടി​ട​ത്തി​ന്‍റെ താ​ഴ​ത്തെ നി​ല​യി​ൽ മ്യൂ​സി​യം, മു​ക​ളി​ൽ ഓ​ഫി​സു​മു​ണ്ട്. രാ​മ​സ്വാ​മി നാ​യ്ക്ക​രു​ടെ പ്ര​തി​മ​ക്ക് മു​ന്നി​ൽ വ​ലി​യ​ക​വാ​ടം, ഓ​പ്പ​ൺ സ്റ്റേ​ജ്, കു​ട്ടി​ക​ളു​ടെ പാ​ർ​ക്ക്, ലൈ​ബ്ര​റി​യും സ്മാ​ര​ക മ​ന്ദി​ര​ത്തി​ലു​ണ്ട്.

ഒ​പ്പം പെ​രി​യോ​റു​ടെ ജീ​വ​ച​രി​ത്രം, ക​ട​ന്ന​വ​ന്ന ജീ​വി​ത​വ​ഴി​ക​ളും മ​റ്റു സ​മ​ര​ച​രി​ത്ര​വും, പെ​രി​യോ​റെ സം​ബ​ന്ധി​ച്ച മ​ല​യാ​ളം, ത​മി​ഴ്, ഇം​ഗ്ലീ​ഷ് ഭാ​ഷ​ക​ളി​ലെ ജീ​വ​ച​രി​ത്ര​വും സ​ന്ദ​ർ​ശ​ക​ർ​ക്കാ​യി ഒ​രു​ക്കി​യി​ട്ടു​ണ്ട്.