വലവൂർ സഹ. ബാങ്ക്​; നിക്ഷേപം മടക്കിക്കിട്ടാൻ കയറിയിറങ്ങി നിക്ഷേപകർ

കോ​ട്ട​യം: നി​ക്ഷേ​പം മ​ട​ക്കി​ക്കി​ട്ടാ​ൻ പാ​ലാ വ​ല​വൂ​ർ സ​ഹ.​ബാ​ങ്കി​ൽ ക​യ​റി​യി​റ​ങ്ങു​ക​യാ​ണ്​ നി​ക്ഷേ​പ​ക​ർ. ഓ​രോ ത​വ​ണ​യും തീ​യ​തി മാ​റ്റി​പ്പ​റ​യു​ന്ന​ത​ല്ലാ​തെ പ​ണം കി​ട്ടു​ന്നി​ല്ലെ​ന്ന്​ നി​ക്ഷേ​പ​ക​ർ പ​റ​യു​ന്നു. മ​ക്ക​ളു​ടെ വി​ദ്യാ​ഭ്യാ​സം, വി​വാ​ഹം തു​ട​ങ്ങി വി​വി​ധ ആ​വ​ശ്യ​ങ്ങ​ൾ​ക്കാ​യി നി​ക്ഷേ​പി​ച്ച​വ​രാ​ണ്​ യ​ഥാ​സ​മ​യം പ​ണം​കി​ട്ടാ​തെ പ്ര​തി​സ​ന്ധി​യി​ലാ​യ​ത്. പ​ല​ർ​ക്കും ദി​വ​സം 2000 രൂ​പ​​വെ​ച്ച്​ തി​രി​ച്ചു​ന​ൽ​കു​ന്നു​ണ്ട്. എ​ന്നാ​ൽ, വ​ലി​യ തു​ക​ക​ളു​ള്ള​വ​ർ​ക്ക്​ ഇ​ത്​ ഒ​ന്നു​മാ​കി​ല്ല. ഒ​രു കോ​ടി​വ​രെ പ​ണം നി​ക്ഷേ​പി​ച്ച​വ​രു​ണ്ട്. വി​ധ​വ​യാ​യ മ​ക​ളു​ടെ ര​ണ്ട്​ മ​ക്ക​ളു​ടെ പ​ഠ​നാ​വ​ശ്യ​ത്തി​നാ​യി നി​ക്ഷേ​പി​ച്ച തു​ക​ക്കാ​യി ചെ​ന്ന ഗൃ​ഹ​നാ​ഥ​നോ​ട്​ നാ​ലു​ത​വ​ണ തീ​യ​തി മാ​റ്റി​പ്പ​റ​ഞ്ഞു. എം.​ബി.​ബി.​എ​സി​നു പ​ഠി​ക്കു​ന്ന പേ​ര​ക്കു​ട്ടി​ക്ക്​ ഫീ​സ്​ അ​ട​ക്കാ​നാ​ണ്​ പ​ണം ആ​വ​ശ്യ​പ്പെ​ട്ട​ത്. അ​ടു​ത്ത തി​ങ്ക​ളാ​ഴ്ച ചെ​ല്ലാ​നാ​ണ്​ ബാ​ങ്കു​കാ​ർ പ​റ​ഞ്ഞി​രി​ക്കു​ന്ന​ത്. ഇ​നി പ​രീ​ക്ഷാ​ഫീ​സ്​ അ​ട​ക്കാ​ൻ ആ​രു​ടെ​യെ​ങ്കി​ലും കൈ​യി​ൽ​നി​ന്ന്​ ക​ടം വാ​ങ്ങ​ണം. സ്ഥ​ലം വി​റ്റു​കി​ട്ടി​യ പ​ണ​മാ​ണ്​ ഇ​ദ്ദേ​ഹം ര​ണ്ടു കു​ട്ടി​ക​ളു​​ടെ​യും പ​ഠ​ന​ത്തി​നാ​യി ബാ​ങ്കി​ൽ നി​ക്ഷേ​പി​ച്ച​ത്. പ​ല​ത​വ​ണ​യാ​യി പി​ൻ​വ​ലി​ച്ചു. അ​ഞ്ച​ര ല​ക്ഷം രൂ​പ കൂ​ടി ബാ​ക്കി​യു​ണ്ട്. വി​ദേ​ശ​ത്തു​ള്ള മ​ക്ക​ൾ പ്രാ​യ​മാ​യ മാ​താ​പി​താ​ക്ക​ളു​ടെ ആ​വ​ശ്യ​ങ്ങ​ൾ​ക്കാ​യി ന​ൽ​കി​യ 10 ല​ക്ഷം രൂ​പ​യാ​ണ്​ മ​റ്റൊ​രാ​ൾ എ​ട്ടു​വ​ർ​ഷം മു​മ്പ്​ ബാ​ങ്കി​ൽ നി​ക്ഷേ​പി​ച്ച​ത്.

ഇ​തി​ന്‍റെ പ​ലി​ശ​​​കൊ​ണ്ടാ​ണ്​ ഇ​വ​ർ ക​ഴി​ഞ്ഞി​രു​ന്ന​ത്. വീ​ട്ടി​ലെ ആ​വ​ശ്യ​ത്തി​നു പ​ണ​മെ​ടു​ക്കാ​ൻ ചെ​ന്ന​പ്പോ​ൾ ബാ​ങ്ക്​ അ​ധി​കൃ​ത​ർ​ പ​റ​യു​ന്ന​ത്​ പ​ണ​മി​ല്ലെ​ന്നാ​ണ്. നി​ര​വ​ധി പേ​രാ​ണ്​ ഇ​ത്ത​ര​ത്തി​ൽ ത​ങ്ങ​ളു​​ടെ പ​ണം കി​ട്ടാ​നാ​യി ബാ​ങ്കി​ൽ ക​യ​റി​യി​റ​ങ്ങി​ക്കൊ​ണ്ടി​രി​ക്കു​ന്ന​ത്. ആ​വ​ശ്യ​ത്തി​ന്​ ഉ​പ​ക​രി​ക്കു​ന്നി​ല്ലെ​ങ്കി​ൽ ത​ങ്ങ​ളു​ടെ നി​ക്ഷേ​പം കൊ​ണ്ട്​ എ​ന്തു കാ​ര്യ​മെ​ന്നാ​ണ്​ നി​ക്ഷേ​പ​ക​ർ ചോ​ദി​ക്കു​ന്ന​ത്.

പ​ണ​മി​ല്ലെ​ന്ന​റി​ഞ്ഞ​തോ​ടെ കാ​ലാ​വ​ധി പൂ​ർ​ത്തി​യാ​കാ​ത്ത നി​ക്ഷേ​പം കൂ​ട്ട​ത്തോ​ടെ പി​ൻ​വ​ലി​ക്കാ​നും നി​ക്ഷേ​പ​ക​ർ എ​ത്തു​ന്നു​ണ്ട്. അ​തേ​സ​മ​യം, ബാ​ങ്ക്​ ഭ​ര​ണ​സ​മി​തി അം​ഗ​ങ്ങ​ളും അ​വ​രു​ടെ ഇ​ഷ്ട​ക്കാ​രും വ​ൻ​തു​ക വാ​യ്പ എ​ടു​ത്തി​ട്ട്​ തി​രി​ച്ച​ട​ക്കാ​ത്ത​താ​ണ്​ നി​ല​വി​ലെ പ്ര​തി​സ​ന്ധി​ക്കു കാ​ര​ണ​മെ​ന്ന്​ ഒ​രു വി​ഭാ​ഗം പ​റ​യു​ന്നു.

ഭൂ​മി​യി​ട​പാ​ടി​ലെ ക്ര​മ​ക്കേ​ടി​ൽ ന​ട​പ​ടി​യി​ല്ല

കോ​ട്ട​യം: 2015ൽ ​​ആ​സ്ഥാ​ന​മ​ന്ദി​രം പ​ണി​യാ​ൻ കോ​ടി​ക​ൾ ചെ​ല​വി​ട്ട്​ ഭൂ​മി വാ​ങ്ങി​യ​തു മു​ത​ലാ​ണ്​ വ​ല​വൂ​ർ സ​ർ​വി​സ്​ സ​ഹ​ക​ര​ണ​ബാ​ങ്കി​ൽ സാ​മ്പ​ത്തി​ക പ്ര​തി​സ​ന്ധി ആ​രം​ഭി​ച്ച​തെ​ന്നാ​ണ്​ ഒ​രു വി​ഭാ​ഗ​ത്തി​ന്‍റെ ആ​ക്ഷേ​പം. അ​ന്ന്​ മീ​ന​ച്ചി​ൽ അ​സി. ര​ജി​സ്​​ട്രാ​ർ ന​ട​ത്തി​യ അ​ന്വേ​ഷ​ണ​ത്തി​ൽ ഭൂ​മി​യി​ട​പാ​ടി​ൽ ​ക്ര​മ​ക്കേ​ട്​ ക​ണ്ടെ​ത്തി​യി​രു​ന്നു.

2012ൽ ​എ​ട്ടു ല​ക്ഷം രൂ​പ​ക്കു സ്വ​കാ​ര്യ​വ്യ​ക്തി വാ​ങ്ങി​യ സ്ഥ​ലം മൂ​ന്നു​വ​ർ​ഷ​ങ്ങ​ൾ​ക്കു​ശേ​ഷം 35 ഇ​ര​ട്ടി വ​ർ​ധ​ന​യി​ൽ 3.27 ​കോ​ടി​ക്കാ​ണ്​ സം​ഘം വാ​ങ്ങി​യ​ത്. വ​സ്തു​വി​ന്​ ആ​ധാ​ര​ത്തി​ൽ കാ​ണി​ക്കു​ന്ന വി​ല​യും വി​പ​ണി​മൂ​ല്യ​വും ത​മ്മി​ലു​ള്ള വ്യ​ത്യാ​സം മൂ​ല​മാ​ണ്​ വി​ല​യി​ൽ വ​ർ​ധ​ന വ​ന്ന​തെ​ന്ന ബാ​ങ്കി​ന്‍റെ മ​റു​പ​ടി തൃ​പ്തി​ക​ര​മാ​യി​രു​ന്നി​ല്ല.

പ്ര​ദേ​ശ​ത്തെ മ​റ്റു വ്യാ​പാ​ര​ങ്ങ​ളി​ൽ ഈ ​വ​ർ​ധ​ന ക​​ണ്ടെ​ത്താ​നാ​യി​ട്ടു​മി​ല്ല. ഉ​പ​സ​മി​തി​യെ ചു​മ​ത​ല​പ്പെ​ടു​ത്താ​തെ​യും മ​തി​യാ​യ പ​ര​സ്യം ന​ൽ​കാ​തെ​യും ധി​റു​തി​യി​ൽ വ​സ്തു വാ​ങ്ങി​യ​തി​ൽ അ​സ്വാ​ഭാ​വി​ക​ത​യു​ണ്ടെ​ന്നും റി​​പ്പോ​ർ​ട്ടി​ൽ പ​റ​യു​ന്നു. റി​പ്പോ​ർ​ട്ട്​ വ​കു​പ്പി​ന്​ കൈ​മാ​റി​യെ​ങ്കി​ലും ന​ട​പ​ടി ഉ​ണ്ടാ​യി​ട്ടി​ല്ല.

പ്ര​തി​സ​ന്ധി ഇ​ല്ല -ജോ​യ​ന്‍റ്​ ര​ജി​സ്​​ട്രാ​ർ

​കോ​ട്ട​യം: സ​ഹ.​ബാ​ങ്കു​ക​ളെ സം​ബ​ന്ധി​ച്ച നി​ല​വി​ലെ വാ​ർ​ത്ത​ക​ളു​ടെ അ​ടി​സ്ഥാ​ന​ത്തി​ൽ മീ​ന​ച്ചി​ൽ താ​ലൂ​ക്കി​ൽ വ്യാ​പ​ക​മാ​യി നി​ക്ഷേ​പ​ക​ർ നി​ക്ഷേ​പം മ​ട​ക്കി ആ​വ​ശ്യ​​പ്പെ​ടു​ന്നു​ണ്ടെ​ന്ന്​ ജോ​യ​ന്‍റ്​ ര​ജി​സ്​​ട്രാ​ർ. കൂ​ട്ട​ത്തോ​ടെ പ​ണം ആ​വ​ശ്യ​പ്പെ​ടു​​ന്ന​തി​ന്‍റെ പ്ര​തി​സ​ന്ധി ബാ​ങ്കു​ക​ളി​ലു​ണ്ട്. ബാ​ങ്കു​ക​ൾ​ക്ക്​ ത​ന്നെ പ​രി​ഹ​രി​ക്കാ​വു​ന്ന​താ​ണെ​ന്നാ​ണ്​ വി​വ​രം. അ​തി​ന​പ്പു​റം വ​ലി​യ സാ​മ്പ​ത്തി​ക പ്ര​തി​സ​ന്ധി ഉ​ള്ള​താ​യി അ​റി​വി​ല്ലെ​ന്നും ജോ​യ​ന്‍റ്​ ര​ജി​സ്​​ട്രാ​ർ പ​റ​ഞ്ഞു.

നി​ക്ഷേ​പം തി​രി​ച്ചു ന​ൽ​കും -പ്ര​സി​ഡ​ന്‍റ്​

കോ​ട്ട​യം: എ​ല്ലാ നി​ക്ഷേ​പ​ക​രു​ടെ​യും പ​ണം തി​രി​ച്ചു​ന​ൽ​കു​മെ​ന്ന്​ ബാ​ങ്ക് പ്ര​സി​ഡ​ന്‍റും കേ​ര​ള ബാ​ങ്ക്​ ഡ​യ​റ​ക്​​ട​​റു​മാ​യ ഫി​ലി​പ്​ കു​ഴി​കു​ളം. കു​റ​ച്ചു​പേ​ർ​ക്ക്​ പ​ണം ന​ൽ​കി​യി​ട്ടു​ണ്ട്. കേ​ര​ള ബാ​ങ്കി​ൽ​നി​ന്ന്​ വ​ല​വൂ​ർ ബാ​ങ്കി​ന്​ പ​ണം കി​ട്ടാ​നു​ണ്ട്. അ​ത്​ ഉ​ട​ൻ ല​ഭി​ക്കും. കി​ട്ടി​യാ​ലു​ട​ൻ നി​ക്ഷേ​പ​ക​രു​ടെ പ​ണം ന​ൽ​കാ​നാ​വും. എ​ല്ലാ​വ​രും ഒ​ന്നി​ച്ച്​ ബാ​ങ്കി​നെ സ​മീ​പി​ച്ച​തി​നാ​ലാ​ണ്​ പ​ണം ന​ൽ​കാ​നാ​കാ​ത്ത​ത്. 250 കോ​ടി​യു​ടെ നി​ക്ഷേ​പ​മാ​ണ്​ ബാ​ങ്കി​നു​ള്ള​ത്. ഇ​തി​ൽ 25 കോ​ടി തി​രി​കെ ന​ൽ​കാ​നാ​യി. കു​ടി​ശ്ശി​ക തി​രി​ച്ചു​പി​ടി​ക്കാ​ൻ ശ്ര​മം ന​ട​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.