‘വെട്ടിക്കുളങ്ങര’ ബസ് വീണ്ടും നിരത്തിൽ

കോ​ട്ട​യം: ര​ണ്ടാ​ഴ്ച​യി​ല​ധി​കം നീ​ണ്ട ത​ർ​ക്ക​ങ്ങ​ൾ​ക്കും പ്ര​തി​ഷേ​ധ​ങ്ങ​ൾ​ക്കു​മൊ​ടു​വി​ൽ ‘വെ​ട്ടി​ക്കു​ള​ങ്ങ​ര’ ബ​സ് വീ​ണ്ടും നി​ര​ത്തി​ൽ. ബ​സ്​ ഉ​ട​മ രാ​ജ്മോ​ഹ​ൻ കൈ​മ​ളും സി.​ഐ.​ടി.​യു​വു​മാ​യു​ള്ള ത​ർ​ക്കം ഒ​ത്തു​തീ​ർ​ന്ന​തോ​ടെ​യാ​ണ്​ ബു​ധ​നാ​ഴ്ച കോ​ട്ട​യം-​തി​രു​വാ​ർ​പ്പ് റൂ​ട്ടി​ലെ ​സ​ർ​വി​സ്​ പു​ന​രാ​രം​ഭി​ച്ച​ത്.

ബു​ധ​നാ​ഴ്ച രാ​വി​ലെ 6.44ന്​ ​തി​രു​വാ​ർ​പ്പി​ൽ​നി​ന്ന്​ ബ​സ്​ പു​റ​പ്പെ​ട്ടു. ഇ​ട​വേ​ള​ക്കു​ശേ​ഷ​മാ​യി​രു​ന്ന​തി​നാ​ൽ കാ​ര്യ​മാ​യ തി​ര​ക്കു​ണ്ടാ​യി​രു​ന്നി​ല്ല. വീ​ണ്ടും സ​ർ​വി​സ്​ പു​ന​രാ​രം​ഭി​ച്ച​തി​ൽ സ​ന്തോ​ഷ​മു​ണ്ടെ​ന്ന്​ ബ​സ്​ ഡ്രൈ​വ​ർ ജോ​ജോ​യും ക​ണ്ട​ക്ട​ർ അ​നീ​ഷ്​ പാ​പ്പി​യും പ​റ​ഞ്ഞു. ബി.​എം.​എ​സ്​ യൂ​നി​യ​നി​ൽ​പെ​ട്ട ഇ​രു​വ​രും ഈ ​ബ​സി​ൽ ജോ​ലി​ചെ​യ്ത്​ വ​ന്നി​രു​ന്ന​വ​രാ​യി​രു​ന്നു.

തി​രു​വാ​ർ​പ്പി​ൽ​നി​ന്ന്​ കോ​ട്ട​യ​ത്തേ​ക്കു​ള്ള ആ​ദ്യ ബ​സും കോ​ട്ട​യ​ത്തു​നി​ന്ന്​ തി​രു​വാ​ർ​പ്പി​ലേ​ക്കു​ള്ള അ​വ​സാ​ന ബ​സും ഇ​താ​യി​രു​ന്നു. രാ​വി​ലെ 6.44ന്​ ​തി​രു​വാ​ർ​പ്പി​ൽ​നി​ന്ന്​ പു​റ​പ്പെ​ടു​ന്ന ബ​സി​ന്‍റെ അ​വ​സാ​ന ട്രി​പ് രാ​ത്രി 8.15ന്​ ​കോ​ട്ട​യ​ത്തു​നി​ന്ന്​ തി​രു​വാ​ർ​പ്പി​ലേ​ക്കാ​ണ്. ന​ഗ​ര​ത്തി​ൽ ജോ​ലി​യു​ള്ള​വ​ർ രാ​ത്രി മ​ട​ങ്ങാ​ൻ ആ​ശ്ര​യി​ച്ചി​രു​ന്ന ബ​സു​ക​ളി​ൽ ഒ​ന്നാ​ണി​ത്. തി​രു​വാ​ർ​പ്പ്​ സ്വ​ദേ​ശി രാ​ജ്മോ​ഹ​ൻ കൈ​മ​ളി​​​ന്​ മൂ​ന്ന്​ ബ​സു​കൂ​ടി​യു​ണ്ട്. ഇ​വ​യു​ടെ സ​ർ​വി​സ്​ ജൂ​ലൈ മൂ​ന്നു​മു​ത​ലാ​കും ആ​രം​ഭി​ക്കു​ക.

വെ​ട്ടി​ക്കു​ള​ങ്ങ​ര ബ​സു​ക​ളി​ലെ സി.​ഐ.​ടി.​യു ജീ​വ​ന​ക്കാ​ർ​ക്ക്​ കൂ​ട്ടി​യ ശ​മ്പ​ളം ന​ൽ​കു​ന്നി​ല്ലെ​ന്ന്​ ആ​രോ​പി​ച്ച്​ ഇ​വ​ർ ബ​സി​നു മു​ന്നി​ൽ കൊ​ടി​കു​ത്തു​ക​യാ​യി​രു​ന്നു. ഇ​തി​നെ​തി​രെ ഉ​ട​മ പ​ര​സ്യ​പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ​തോ​ടെ സ​മ​രം വാ​ർ​ത്ത​ക​ളി​ൽ നി​റ​ഞ്ഞു. ഇ​തി​നു പി​ന്നാ​ലെ ന​ട​ത്തി​യ ച​ർ​ച്ച​യി​ലാ​ണ്​ ഒ​ത്തു​തീ​ർ​പ്പു​ണ്ടാ​യ​ത്. ബ​സ് ഉ​ട​മ​യു​ടെ നാ​ലു ബ​സി​ൽ മൂ​ന്നി​ലും ശ​മ്പ​ള വ​ർ​ധ​ന ന​ട​പ്പാ​ക്കി​യെ​ന്നും ഒ​ന്നി​ൽ മാ​ത്രം ന​ട​പ്പാ​ക്കി​യി​ല്ലെ​ന്നു​മാ​യി​രു​ന്നു സി.​ഐ.​ടി.​യു​വി​ന്‍റെ പ​രാ​തി. ഈ ​ബ​സി​ൽ സി.​ഐ.​ടി.​യു​ക്കാ​രാ​യി​രു​ന്നു ജീ​വ​ന​ക്കാ​ർ. അ​തേ​സ​മ​യം, ബ​സു​ക​ളു​ടെ ക​ല​ക്‌​ഷ​ൻ അ​നു​സ​രി​ച്ചേ ശ​മ്പ​ള​വ​ർ​ധ​ന ന​ട​പ്പാ​ക്കാ​നാ​വൂ​വെ​ന്നാ​യി​രു​ന്നു ബ​സ് ഉ​ട​മ​യു​ടെ വാ​ദം. ച​ർ​ച്ച​യി​ൽ നാ​ലു ബ​സി​ലെ​യും ജീ​വ​ന​ക്കാ​ർ​ക്ക്​ 15 ദി​വ​സം വീ​തം റൊ​ട്ടേ​ഷ​ൻ വ്യ​വ​സ്ഥ ഏ​ർ​പ്പെ​ടു​ത്താ​നാ​ണ്​ തീ​രു​മാ​നം. ക​ല​ക്‌​ഷ​ൻ തീ​രെ​ക്കു​റ​വു​ള്ള ഒ​രു ബ​സി​ലാ​ണ്​ വ​രു​മാ​ന​ത്തി​ന്‍റെ അ​ടി​സ്ഥാ​ന​ത്തി​ൽ കു​റ​ഞ്ഞ തു​ക ന​ൽ​കു​ന്ന​ത്. റൊ​ട്ടേ​ഷ​ൻ വ​രു​മ്പോ​ൾ എ​ല്ലാ തൊ​ഴി​ലാ​ളി​ക​ൾ​ക്കും സ​മാ​ന​ശ​മ്പ​ളം ല​ഭി​ക്കും. നാ​ലു മാ​സ​ത്തേ​ക്കാ​ണ് ഒ​ത്തു​തീ​ർ​പ്പ്​ ക​രാ​ർ. തു​ട​ർ​ന്ന് ബ​സി​ന്‍റെ ക​ല​ക്‌​ഷ​ൻ ക​ണ​ക്ക്, രേ​ഖ​ക​ൾ എ​ന്നി​വ​യു​ടെ അ​ടി​സ്ഥാ​ന​ത്തി​ൽ പു​നഃ​പ​രി​ശോ​ധി​ക്കാ​നും ച​ർ​ച്ച​യി​ൽ തീ​രു​മാ​ന​മാ​യി​രു​ന്നു.