ഉ​പ​രാ​ഷ്ട്ര​പ​തി നാ​ളെ മാ​ന്നാ​ന​ത്ത്​; കോട്ടയം ജി​ല്ല​യൊ​രു​ങ്ങി

കോ​ട്ട​യം: ഉ​പ​രാ​ഷ്ട്ര​പ​തി എം. ​വെ​ങ്ക​യ്യ നാ​യി​ഡു​വി​നെ വ​ര​വേ​ൽ​ക്കാ​ൻ ജി​ല്ല​യൊ​രു​ങ്ങി. ചാ​വ​റ​യ​ച്ച‍‍െൻറ 150 ച​ര​മ​വാ​ർ​ഷി​ക ആ​ഘോ​ഷ​ച്ച​ട​ങ്ങി​ൽ പ​​​​​ങ്കെ​ടു​ക്കാ​നാ​യാ​ണ്​ ഉ​പ​രാ​ഷ്ട്ര​പ​തി കോ​ട്ട​യ​ത്തെ​ത്തു​ന്ന​ത്.

തി​ങ്ക​ളാ​ഴ്ച രാ​വി​ലെ 10ന് ​മാ​ന്നാ​നം സെ​ന്‍റ്​ എ​ഫ്രേം​സ് ഹ​യ​ർ​സെ​ക്ക​ൻ​ഡ​റി സ്‌​കൂ​ളി​ൽ ന​ട​ക്കു​ന്ന ച​ട​ങ്ങി​ൽ വി​ശി​ഷ്ടാ​തി​ഥി​യാ​യാ​ണ് ഉ​പ​രാ​ഷ്ട്ര​പ​തി പ​ങ്കെ​ടു​ക്കു​ക. ഇ​തി‍െൻറ ഭാ​ഗ​മാ​യി ശ​നി​യാ​ഴ്ച രാ​വി​ലെ 9.15 മു​ത​ൽ ട്ര​യ​ൽ റ​ൺ ന​ട​ന്നു.

വ്യോ​മ​സേ​ന​യു​ടെ മൂ​ന്നു ഹെ​ലി​കോ​പ്ട​റു​ക​ൾ ആ​ർ​പ്പൂ​ക്ക​ര​യി​ലെ കു​ട്ടി​ക​ളു​ടെ ആ​ശു​പ​ത്രി​ക്ക്​ സ​മീ​പ​മു​ള്ള മൈ​താ​ന​ത്തെ ഹെ​ലി​പ്പാ​ടി​ൽ ഇ​റ​ങ്ങി. വ്യോ​മ​സേ​ന ഉ​ദ്യോ​ഗ​സ്ഥ​ർ ഹെ​ലി​പ്പാ​ടും മ​റ്റു ക്ര​മീ​ക​ര​ണ​ങ്ങ​ളും വി​ല​യി​രു​ത്തി.

കൊ​ച്ചി​യി​ൽ​നി​ന്ന് ഹെ​ലി​കോ​പ്ട​റി​ൽ തി​ങ്ക​ളാ​ഴ്ച രാ​വി​ലെ 9.45ന് ​ആ​ർ​പ്പൂ​ക്ക​ര​യി​ലെ കു​ട്ടി​ക​ളു​ടെ ആ​ശു​പ​ത്രി​ക്കു​സ​മീ​പ​മു​ള്ള മൈ​താ​ന​ത്തെ ഹെ​ലി​പ്പാ​ടി​ൽ എ​ത്തു​ന്ന ഉ​പ​രാ​ഷ്ട്ര​പ​തി റോ​ഡു മാ​ർ​ഗേ​ണ രാ​വി​ലെ 9.55ന് ​മാ​ന്നാ​നം സെ​ന്‍റ്​ എ​ഫ്രേം​സ് എ​ച്ച്.​എ​സ്.​എ​സി​ലെ​ത്തും. പ​രി​പാ​ടി​യി​ൽ പ​ങ്കെ​ടു​ത്ത​ശേ​ഷം 11.15ന് ​റോ​ഡു മാ​ർ​ഗേ​ണ ഹെ​ലി​പ്പാ​ടി​ൽ എ​ത്തു​ന്ന ഉ​പ​രാ​ഷ്ട്ര​പ​തി ഇ​വി​ടെ​നി​ന്ന്​ ഹെ​ലി​കോ​പ്ട​റി​ൽ കൊ​ച്ചി​യി​ലേ​ക്കു​മ​ട​ങ്ങും. സ​ന്ദ​ർ​ശ​ന​വു​മാ​യി ബ​ന്ധ​പ്പെ​ട്ട്​ തി​ങ്ക​ളാ​ഴ്ച ഉ​ച്ച​വ​രെ രാ​ഷ്ട്ര​പ​തി സ​ഞ്ച​രി​ക്കു​ന്ന മെ​ഡി​ക്ക​ൽ കോ​ള​ജ്​-​മാ​ന്നാ​നം റൂ​ട്ടി​ൽ ഗ​താ​ഗ​ത നി​യ​ന്ത്ര​ണം ഏ​ർ​പ്പെ​ടു​ത്തു​മെ​ന്നും ജി​ല്ല പൊ​ലീ​സ് മേ​ധാ​വി ഡി. ​ശി​ൽ​പ പ​റ​ഞ്ഞു.