ജിയോളജി ഓഫിസിൽ വിജിലൻസ്​ പരിശോധന: ഒരു വർഷത്തോളം പൂഴ്ത്തി​െവച്ചത്​ 315 ഫയൽ, ഏജൻറ്​ മുഖേനയാണ് ഇടപാടുകളെന്നും കണ്ടെത്തി

കോട്ടയം: ജില്ലയിലെ ജിയോളജി ഓഫിസിൽ വിജിലൻസി​െൻറ മിന്നൽ പരിശോധന. കൈക്കൂലി ലഭിക്കാത്തതിനെത്തുടർന്ന്​ ഒരു വർഷത്തോളമായി ജില്ലയിലെ ജിയോളജി ഓഫിസിൽ പൂഴ്ത്തി ​െവച്ചിരുന്ന 315 ഫയലും ജിയോളജി ഓഫിസർക്ക്​ കൈക്കൂലി നൽകാൻ കരാറുകാരൻ കൊണ്ടുവന്ന 5000 രൂപയും പിടിച്ചെടുത്തു. ചൊവ്വാഴ്ച രാവിലെ നടത്തിയ മിന്നൽ പരിശോധനയിലാണ് ക്രമക്കേടുകൾ കണ്ടെത്തിയത്.

മണ്ണ് ഖനനത്തിന് അടക്കം പെർമിറ്റ് അനുവദിക്കുന്നതിൽ വലിയ ക്രമക്കേട് നടക്കുന്നതായി കണ്ടെത്തി. പരാതികളും അപേക്ഷകളും ​െവച്ച്​ താമസിപ്പിക്കുന്നതായും കൈക്കൂലി ലഭിച്ചശേഷം മാത്രം പരാതികളിൽ തീർപ്പുണ്ടാക്കുന്നതായും കണ്ടെത്തിയിട്ടുണ്ട്. 315 ഫയൽ ഒരു വർഷത്തോളം വൈകിപ്പിച്ചതായി കണ്ടെത്തി. ഏഴുമാസം മുതൽ ഒരു വർഷം വരെ പല ഫയലുകളും മുക്കി ​െവക്കുന്നതായും കണ്ടെത്തിയിട്ടുണ്ട്. ജിയോളജിസ്​റ്റിനെ കാണാൻ നിരവധിയാളുകൾ വരി നിൽക്കുന്നുണ്ടായിരുന്നു. ഇവരിൽ ഒരാളുടെ പക്കൽനിന്ന്​ ഫയൽ നമ്പർ രേഖപ്പെടുത്തിയ, കവറിൽ നിന്നാണ്​ 5000 രൂപ പിടിച്ചെടുത്തത്​. ഈ തുക ജിയോളജിസ്​റ്റിന്​ നൽകാൻ കൊണ്ടുവന്നതാണ് എന്ന്​ കണ്ടെത്തിയശേഷം, തുക പിടിച്ചെടുത്ത്​ ട്രഷറിയിൽ അടച്ചു.

ജിയോളജി ഓഫിസിൽ ഏജൻറ്​ മുഖാന്തരമാണ് ഇടപാടുകൾ നടക്കുന്നതെന്നും കണ്ടെത്തി. കൈക്കൂലി വാങ്ങാനും അപേക്ഷകളിൽ തീർപ്പ് കൽപിക്കാനും ഏജൻറ്​ തന്നെയാണ് മുൻകൈ എടുത്തിരുന്നത്. സാനിറ്റൈസർ വാങ്ങാനെന്ന പേരിൽ സമീപത്തെ ബേക്കറിയിലേക്ക്​ പരാതിക്കാരെ പറഞ്ഞുവിടും. തുടർന്ന്,​ 500 രൂപ ഇവിടെ നൽകുമ്പോൾ ഈ തുക വാങ്ങി ​െവച്ചശേഷം ചെറിയ പാക്കറ്റ് സാനിറ്റൈസർ നൽകും. വൈകീട്ട് ഏജൻറിന് 400 രൂപ കൈമാറുകയാണ് ചെയ്തിരുന്നതെന്നും കണ്ടെത്തിയിട്ടുണ്ട്. വിജിലൻസ് എസ്.പി വി.ജി. വിനോദ്കുമാറി​െൻറ നിർദേശാനുസരണം ഇൻസ്‌പെക്ടർ കെ.ആർ. മനോജ്, എ.എസ്.ഐമാരായ സജു എസ്. ദാസ്, ഷാജി, ബിനു.ഡി, രാജേഷ്, സിവിൽ പൊലീസ് ഓഫിസർ അനൂപ്, വിജേഷ്, ടാക്‌സ് ഓഫിസർ അരവിന്ദ് എന്നിവരുടെ നേതൃത്വത്തിലായിരുന്നു പരിശോധന.