കോട്ടയം നഗരസഭയിലെ വിജിലൻസ്​ റിപ്പോർട്ട്​ ചർച്ച

കോ​ട്ട​യം: പു​ലി പോ​ലെ വ​ന്ന്​ എ​ലി പോ​ലെ പോ​യി. ന​ഗ​ര​സ​ഭ​യി​ലെ അ​ക്കൗ​ണ്ടു​ക​ളി​ൽ 211 കോ​ടി രൂ​പ കാ​ണാ​നി​ല്ലെ​ന്ന ഇ​ന്‍റേ​ണ​ൽ വി​ജി​ല​ൻ​സ്​ റി​പ്പോ​ർ​ട്ട്​ ച​ർ​ച്ച ചെ​യ്യാ​ൻ ചേ​ർ​ന്ന കൗ​ൺ​സി​ൽ യോ​ഗ​ത്തി​ന്‍റെ അ​വ​സ്​​ഥ എ​താ​ണ്ട്​ ഈ ​പ​ഴം​ചൊ​ല്ലു​പോ​ലെ ആ​യി. ച​ർ​ച്ച തു​ട​ങ്ങി​യ​പ്പോ​ൾ മു​ത​ൽ കൗ​ൺ​സി​ല​ർ​മാ​ർ ഘോ​ര​ഘോ​രം വാ​ദം തു​ട​ങ്ങി​യെ​ങ്കി​ലും അ​വ​സാ​നം ആ​യ​പ്പോ​ഴേ​ക്കും പ​ല​രും ഒ​തു​ങ്ങി. ചി​ല​ർ കൗ​ൺ​സി​ൽ ഹാ​ൾ വി​ട്ടു.

എ​ൽ.​ഡി.​എ​ഫ്​ ന​ൽ​കി​യ പ്ര​മേ​യം​ വോ​ട്ടി​നി​ട​ണ​മെ​ന്ന്​ ആ​വ​ശ്യ​മു​യ​ർ​ന്ന​തോ​ടെ പോ​യ പ​ല​രെ​യും ഫോ​ണി​ൽ വി​ളി​ച്ചു​വ​രു​ത്തി. ആ​റു​വ​രെ നീ​ണ്ട ച​ർ​ച്ച​ക്കൊ​ടു​വി​ൽ സെ​ക്ര​ട്ട​റി​യു​ടെ മ​റു​പ​ടി ‘‘താ​ൻ കൗ​ൺ​സി​ലി​ൽ വെ​ച്ച റി​പ്പോ​ർ​ട്ടി​ലു​ള്ള​ത​ല്ലാ​തെ കൂ​ടു​ത​ലൊ​ന്നും പ​റ​യാ​നി​ല്ല’’. അ​തോ​ടെ പ്ര​ത്യേ​കി​ച്ച്​ തീ​രു​മാ​ന​ങ്ങ​ളൊ​ന്നു​മി​ല്ലാ​തെ കൗ​ൺ​സി​ൽ യോ​ഗം പി​രി​ഞ്ഞു. വി​ജി​ല​ൻ​സ്​ റി​പ്പോ​ർ​ട്ട്​ ച​ർ​ച്ച ചെ​യ്യാ​നാ​ണ്​ വെ​ള്ളി​യാ​ഴ്ച പ്ര​ത്യേ​ക കൗ​ൺ​സി​ൽ യോ​ഗം വി​ളി​ച്ച​ത്. ചെ​യ​ർ​പേ​ഴ്​​സ​ൻ ആ​വ​ശ്യ​പ്പെ​ട്ട​ത​നു​സ​രി​ച്ച്​ വി​ജി​ല​ൻ​സ്​ റി​​പ്പോ​ർ​ട്ട്​ വ്യാ​ഴാ​ഴ്ച ല​ഭ്യ​മാ​യി​രു​ന്നു. സെ​ക്ര​ട്ട​റി ന​ൽ​കി​യ പ്രാ​ഥ​മി​ക റി​​പ്പോ​ർ​ട്ടും ര​ണ്ടാ​മ​ത്തെ റി​​പ്പോ​ർ​ട്ടും കൗ​ൺ​സി​ലി​ൽ ​വെ​ച്ചി​രു​ന്നു. ചെ​യ​ർ​പേ​ഴ്​​സ​നും ​വൈ​സ്​​ചെ​യ​ർ​മാ​നും എ​തി​രെ 22 എ​ൽ.​ഡി.​എ​ഫ്​ കൗ​ൺ​സി​ല​ർ​മാ​ർ ഒ​പ്പി​ട്ട്​ ന​ൽ​കി​യ പ്ര​മേ​യ​വും ച​ർ​ച്ച​ക്കെ​ടു​ത്തു.

എ​ന്നാ​ൽ വി​ഷ​യ​ത്തി​ന്‍റെ ഗൗ​ര​വം ഉ​ൾ​ക്കൊ​ള്ളാ​ത്ത പോ​ലെ പൊ​തു​ച​ർ​ച്ച​യാ​ണ്​ കൗ​ൺ​സി​ല​ർ​മാ​ർ ആ​ദ്യം തു​ട​ങ്ങി​യ​ത്. 15 മി​നി​റ്റ്​ ക​ഴി​ഞ്ഞ​തോ​ടെ ച​ർ​ച്ച തു​ട​ങ്ങ​ണ​മെ​ന്നാ​വ​ശ്യ​പ്പെ​ട്ട്​ വൈ​സ്​ ചെ​യ​ർ​മാ​ൻ ഇ​ട​പെ​ട്ടു. ശേ​ഷ​മാ​ണ്​ അ​ജ​ണ്ട​യി​ലേ​ക്കു വ​ന്ന​ത്. ആ​ദ്യം സം​സാ​രി​ച്ച​ത്​ പ്ര​തി​പ​ക്ഷ​നേ​താ​വ്​ അ​ഡ്വ. ഷീ​ജ അ​നി​ലാ​ണ്. വി​ജി​ല​ൻ​സ് അ​ന്വേ​ഷ​ണം അ​റി​ഞ്ഞി​ട്ടും മൂ​ടി​വെ​ച്ച​ത്​ അ​ധി​കൃ​ത​ർ​ക്ക്​ അ​ഴി​മ​തി​യി​ലു​ള്ള പ​ങ്ക്​ മൂ​ടി​വെ​ക്കാ​നാ​ണെ​ന്ന്​ ഷീ​ജ ആ​രോ​പി​ച്ചു. തു​ട​ർ​ന്ന്​ സം​സാ​രി​ച്ച വൈ​സ്​​ചെ​യ​ർ​മാ​ൻ ബി. ​ഗോ​പ​കു​മാ​ർ എ​ൽ.​ഡി.​എ​ഫ്​ രാ​ഷ്ട്രീ​യ മു​ത​ലെ​ടു​പ്പി​ന്​ വേ​ണ്ടി​യാ​ണ്​ പ്ര​മേ​യം ​കൊ​ണ്ടു​വ​ന്ന​തെ​ന്ന്​ പ​റ​ഞ്ഞു. പ്ര​മേ​യം ത​ള്ള​ണ​മെ​ന്ന വി​കാ​ര​മാ​യി​രു​ന്നു​ യു.​ഡി.​എ​ഫ്​ ​പൊ​തു​വി​ൽ അ​വ​ത​രി​പ്പി​ച്ച​ത്. കേ​ന്ദ്ര ഏ​ജ​ൻ​സി അ​ന്വേ​ഷി​ക്ക​ണ​മെ​ന്ന്​ ബി.​ജെ.​പി അം​ഗ​ങ്ങ​ളും.

പ്ര​മേ​യം വോ​ട്ടി​നി​ട​ണ​മെ​ന്ന്​ എ​ൽ.​ഡി.​എ​ഫ്​ ആ​വ​ശ്യ​മു​ന്ന​യി​ച്ച​തോ​ടെ പ്ര​മേ​യ നോ​ട്ടീ​സി​ൽ കു​റ്റ​പ​ത്ര​മെ​ന്ന വാ​ക്ക്​​ ഉ​പ​യോ​ഗി​ച്ചി​ട്ടു​ണ്ടെ​ന്നും ച​ട്ട​പ്ര​കാ​രം അ​നു​വ​ദി​ക്കാ​നാ​വി​ല്ലെ​ന്നും വൈ​സ്​ ചെ​യ​ർ​മാ​ൻ പ​റ​ഞ്ഞു. ഇ​തി​നി​ടെ യോ​ഗ​ത്തി​ൽ​നി​ന്നു പോ​യ കൗ​ൺ​സി​ല​ർ​മാ​രെ​യെ​ല്ലാം വോ​ട്ടി​ങ്​ പ്ര​തീ​ക്ഷി​ച്ച്​ തി​രി​ച്ചു​വി​ളി​ച്ചു. 5.55 ആ​യ​തോ​ടെ സം​സാ​രി​ക്കാ​ൻ അ​വ​സ​രം കി​ട്ടാ​ത്ത​വ​ർ ത​ങ്ങ​ൾ​ക്കും സം​സാ​രി​ക്ക​ണ​മെ​ന്നു പ​റ​ഞ്ഞ്​ എ​ഴു​ന്നേ​റ്റു. സെ​ക്ര​ട്ട​റി മ​റു​പ​ടി പ​റ​ഞ്ഞ​ശേ​ഷം ത​ങ്ങ​ൾ​ക്ക്​ സം​സാ​രി​ക്കാ​നു​​ണ്ടെ​ന്ന്​ കൗ​ൺ​സി​ല​ർ ജാ​ൻ​സി ജേ​ക്ക​ബ്​​ പ​റ​ഞ്ഞ​​പ്പോ​ൾ ത​ന്‍റെ മ​റു​പ​ടി ഒ​റ്റ​മി​നി​റ്റി​ൽ തീ​ർ​ക്കാ​മെ​ന്നാ​യി​രു​ന്നു സെ​ക്ര​ട്ട​റി​യു​​ടെ പ്ര​തി​ക​ര​ണം. തു​ട​ർ​ന്ന്​ താ​ൻ വെ​ച്ച റി​പ്പോ​ർ​ട്ടി​ലു​ള്ള​ത​ല്ലാ​തെ ഒ​ന്നു പ​റ​യാ​നി​​ല്ലെ​ന്ന​റി​യി​ച്ച്​ സെ​ക്ര​ട്ട​റി ഇ​രി​പ്പി​ട​ത്തി​ൽ​നി​ന്നെ​ഴു​ന്നേ​റ്റ​തോ​ടെ യോ​ഗ​വും തീ​ർ​ന്നു. കൗ​ൺ​സി​ല​ർ​മാ​രാ​യ സാ​ബു മാ​ത്യു, എം.​പി. സ​ന്തോ​ഷ്​ കു​മാ​ർ, പി.​ആ​ർ. സോ​ന, വി​നു ആ​ർ. മോ​ഹ​ൻ, ടി.​സി. റോ​യ്, ടി.​ആ​ർ. അ​നി​ൽ​കു​മാ​ർ, കെ. ​ശ​ങ്ക​ര​ൻ, സി​ന്ധു ജ​യ​കു​മാ​ർ, ജോ​സ്​ പ​ള്ളി​ക്കു​ന്നേ​ൽ, ടി.​എ​ൻ. മ​നോ​ജ്, ജി​ബി ജോ​ൺ, എ​ൻ.​എ​ൻ.​ വി​നോ​ദ്, പി.​എ​ൻ. സ​ര​സ​മ്മാ​ൾ, എം.​എ​സ്. വേ​ണു​ക്കു​ട്ട​ൻ, എ​സ്. ജ​യ​കൃ​ഷ്​​ണ​ൻ എ​ന്നി​വ​ർ സം​സാ​രി​ച്ചു.