മലമേൽക്കാവിൽ കുടിവെള്ളം കിട്ടാക്കനി

കോ​ട്ട​യം: വേ​ന​ൽ​ക്കാ​ലം ആ​രം​ഭി​ക്കും​മു​മ്പേ കു​ടി​വെ​ള്ള​ത്തി​ന്​ വേ​ണ്ടി​യു​ള്ള നെ​ട്ടോ​ട്ട​ത്തി​ലാ​ണ്​ പ​ന​ച്ചി​ക്കാ​ട്​ പ​ഞ്ചാ​യ​ത്തി​ലെ​ നാ​ലാം വാ​ർ​ഡാ​യ മ​ല​മേ​ൽ​ക്കാ​വ്​​ നി​വാ​സി​ക​ൾ. പ​ഞ്ചാ​യ​ത്തി​ലെ 23 വാ​ർ​ഡു​ക​ളി​ൽ മ​ല​മേ​ൽ​ക്കാ​വി​ലാ​ണ്​ കു​ടി​വെ​ള്ള ക്ഷാ​മം രൂ​ക്ഷം. കു​ടി​വെ​ള്ള ക്ഷാ​മം നേ​രി​ടാ​ൻ പ​ഞ്ചാ​യ​ത്ത്​ വി​വി​ധ പ​ദ്ധ​തി​ക​ൾ ന​ട​പ്പാ​ക്കി​യെ​ങ്കി​ലും പ്ര​ദേ​ശം അ​വ​ഗ​ണി​ക്ക​പ്പെ​ട്ട​താ​യാ​ണ്​ നി​വാ​സി​ക​ളു​ടെ ആ​ക്ഷേ​പം. 300ഓ​ളം കു​ടും​ബ​ങ്ങ​ളാ​ണ്​ കു​ടി​വെ​ള്ള പ്ര​ശ്നം നേ​രി​ടു​ന്ന​ത്. ക​ടു​ത്ത വ​ര​ൾ​ച്ച നേ​രി​ടു​ന്ന സ​ന്ദ​ർ​ഭ​ങ്ങ​ളി​ൽ പ്രാ​ഥ​മി​കാ​വ​ശ്യ​ങ്ങ​ൾ​ക്കു​പോ​ലും വെ​ള്ളം വി​ല​കൊ​ടു​ത്തു വാ​​ങ്ങേ​ണ്ട അ​വ​സ്ഥ​യി​ലാ​ണ്.

കു​ടി​വെ​ള്ള ലോ​ബി തോ​ന്നും​പ​ടി​യാ​ണ്​ വെ​ള്ള​ത്തി​ന്​ വി​ല​ ഈ​ടാ​ക്കു​ന്ന​ത്. ജ​ൽ ജീ​വ​ൻ മി​ഷ​ൻ പ​ദ്ധ​തി പ​ഞ്ചാ​യ​ത്തി​ൽ ആ​രം​ഭി​ച്ചി​ട്ട്​ ഒ​ന്ന​ര​വ​ർ​ഷ​മാ​യി. എ​ന്നാ​ൽ, പ​ദ്ധ​തി സം​ബ​ന്ധി​ച്ച്​ ഒ​രു പ്ര​വ​ർ​ത്ത​ന​വും മ​ല​മേ​ൽ​ക്കാ​വി​ൽ ആ​രം​ഭി​ച്ചി​ട്ടി​ല്ല. മ​റ്റ്​ വാ​ർ​ഡു​ക​ളി​ൽ പ​ദ്ധ​തി​യു​ടെ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്നു​ണ്ട്.

വി​ഷ​യം ബ​ന്ധ​പ്പെ​ട്ട അ​ധി​കൃ​ത​രു​ടെ ശ്ര​ദ്ധ​യി​ൽ​പെ​ടു​ത്തി​യി​ട്ടും ഇ​തു​വ​രെ ന​ട​പ​ടി​യാ​യി​ല്ല. ഗ്രാ​മ​സ​ഭ​യി​ൽ മി​നി​റ്റ്​​സ്​ രേ​ഖ​പ്പെ​ടു​ത്താ​നും സാ​ധി​ച്ചി​ട്ടി​ല്ല. കു​ടി​വെ​ള്ളം ല​ഭ്യ​മാ​ക്കാ​ൻ പ്ര​ദേ​ശ​വാ​സി​ക​ൾ ജ​ന​കീ​യ​സ​മി​തി രൂ​പ​വ​ത്​​ക​രി​ച്ചു. കു​ടി​വെ​ള്ള ക്ഷാ​മ​ത്തി​ന്​ പ​രി​ഹാ​രം ക​ണ്ടി​ല്ലെ​ങ്കി​ൽ പ​ഞ്ചാ​യ​ത്ത്​ ഓ​ഫി​സ്​ ഉ​പ​രോ​ധം ഉ​ൾ​പ്പെ​ടെ​യു​ള്ള സ​മ​ര​പ​രി​പാ​ടി​ക​ൾ ആ​രം​ഭി​ക്കാ​നു​ള്ള ത​യാ​റെ​ടു​പ്പി​ലാ​ണ്​ ജ​ന​കീ​യ​സ​മി​തി.