ഹാപ്പി മാർട്ട് ഉദ്ഘാടനം നാളെ

നന്മണ്ട: ലിമിറ്റഡ് ലയബിലിറ്റി പാർട്ട്ണർഷിപ് രീതിയിൽ രജിസ്റ്റർ ചെയ്ത ഹാപ്പി മാർട്ട് ഷോപ്പിന്റെ ഉദ്ഘാടനം ബുധനാഴ്ച രാവിലെ ഒമ്പതിന് നന്മണ്ട 13ൽ നടക്കുമെന്ന് സംഘാടകർ അറിയിച്ചു. എഴുനൂറോളം അംഗങ്ങളും പതിനഞ്ചോളം ഡയറക്ടർമാരുമാണ് സ്ഥാപനത്തിനുള്ളത്. കോർപറേറ്റ് ഭീമന്മാരുടെ കടന്നുവരവിനെ പ്രതിരോധിക്കുക എന്ന ലക്ഷ്യം മുന്നിൽ കണ്ടാണ് ജനപങ്കാളിത്തത്തോടെ സ്ഥാപനം തുടങ്ങാൻ പ്രേരകമായത്. അധിക വില ഈടാക്കാതെ ഗുണമേന്മയുള്ള സാധനങ്ങൾ സാധാരണക്കാർക്ക് ലഭ്യമാക്കുകയാണ് ഇതുകൊണ്ടുദ്ദേശിക്കുന്നത്. ഉദ്ഘാടന ദിവസം ഉപഭോക്താക്കൾക്കായി ഓരോ മണിക്കൂറും നറുക്കെടുപ്പിലൂടെ വിജയികളെ തെരഞ്ഞെടുക്കും. വാർത്തസമ്മേളനത്തിൽ എ.വി. സുനിൽ ദത്ത്, യു.പി. മനോജ് കുമാർ, ബിപിൻ ജിത്ത്, പി. സഞ്ജീവൻ, ശശീന്ദ്രൻ ശ്രീരാഗം എന്നിവർ പങ്കെടുത്തു.