മധ്യവയസ്കനെ കാണാതായി

കോഴിക്കോട്​: മധ്യവയസ്കനെ കാണാനില്ലെന്നു​ പരാതി. കുന്ദമംഗലം വര്യട്ട്യാക്ക്​ പുതിയറക്കൽ ഇ.ടി. മുൻഫർ കമാലിനെയാണ്​ (44) കാണാതായത്​. മേയ്​ 24ന്​ കുന്ദമംഗലം സ്കൂൾ പരിസരത്തുനിന്നാണ്​ കാണാതായത്​. കുന്ദമംഗലം പൊലീസ്​ കേസെടുത്ത്​ അന്വേഷണം തുടങ്ങി. എന്തെങ്കിലും വിവരം ലഭിക്കുന്നവർ 0495 2800256, 9497980714 എന്നീ നമ്പറുകളിൽ അറിയിക്കണമെന്ന്​ പൊലീസ്​ അഭ്യർഥിച്ചു. ​ മലബാർ ടൂറിസം എക്സ്​പോ 11ന് കോഴിക്കോട്​: മലബാർ ടൂറിസം എക്സ്​പോ ജൂൺ 11ന്​ രാവിലെ 10 മുതൽ മലബാർ പാലസ്​ ഹോട്ടലിൽ നടക്കുമെന്ന്​ മലബാർ ടൂറിസം കൗൺസിൽ ഭാരവാഹികൾ വാർത്തസമ്മേളനത്തിൽ അറിയിച്ചു. വിദേശ രാജ്യങ്ങളിലെ കമ്പനി പ്രതിനിധികളുൾപ്പെടെ പ​ങ്കെടുക്കുന്ന മേളയിൽ ടൂറിസം രംഗത്ത്​ പ്രവർത്തിക്കുന്ന സംരംഭകർക്ക്​ നേരിട്ട്​ ബിസിനസുകളിൽ പങ്കാളികളാകാനവസരമുണ്ടാകും. മലബാറിലേക്ക്​ ആഭ്യന്തര, വിദേശ ടൂറിസ്​റ്റുകളെ കൂടുതൽ ആകർഷിക്കുക ഉൾപ്പെടെയാണ്​ ലക്ഷ്യമിടുന്നതെന്നും ഭാരവാഹികൾ പറഞ്ഞു. പ്രസിഡന്‍റ്​ സജീർ പടിക്കൽ, സെക്രട്ടറി ഷഫീഖ്​ അനമങ്ങാടൻ, യാസർ അറഫാത്ത്​, ഹാഷിർ അലി എന്നിവർ വാർത്തസമ്മേളനത്തിൽ പ​ങ്കെടുത്തു.