മദ്റസ പ്രവേശനോത്സവം

നടുവണ്ണൂർ: എലങ്കമൽ മദ്റസത്തുൽ ഇസ്‍ലാഹ് ​പ്രവേശനോത്സവം ടി. അബ്ദുല്ല മാസ്റ്റർ ഉദ്ഘാടനം ചെയ്തു. ജമാഅത്തെ ഇസ്‍ലാമി ഹൽഖ നാസിം കെ. നൗഷാദ് അധ്യക്ഷത വഹിച്ചു. മുഖ്യാതിഥി ഇസ്മാഈൽ പേരാമ്പ്ര കുട്ടികളുമായി സംവദിച്ചു. ടി.എം. ജലീൽ, കെ. മുംതാസ് ടീച്ചർ എന്നിവർ സംസാരിച്ചു. പ്രിൻസിപ്പൽ കെ. മുഹമ്മദ് അഷ്റഫ് സ്വാഗതവും ടി.എം. വഹീദ നന്ദിയും പറഞ്ഞു. കുട്ടികളുടെ കലാപരിപാടികളും നടന്നു. യാത്രയയപ്പ് എലങ്കമൽ: പ്രദേശത്തുനിന്ന് ഹജ്ജിന് പോകുന്ന എം.പി. മറിയക്കുട്ടി, എം.സി. അബ്ദുല്ല തുടങ്ങിയവർക്ക് ജമാഅത്തെ ഇസ്‍ലാമി എലങ്കമൽ, പറമ്പിൻകാട് ഘടകങ്ങൾ സംയുക്തമായി യാത്രയയപ്പു നൽകി. ദിശ സെന്ററിൽ നടന്ന ചടങ്ങിൽ സഈദ് എലങ്കമൽ അധ്യക്ഷത വഹിച്ചു. കെ. മൊയ്തീൻ, കെ.കെ. ഫാത്തിമ, എം.പി. മറിയക്കുട്ടി എന്നിവർ സംസാരിച്ചു. കെ. മുഹമ്മദ് അശ്റഫ് സ്വാഗതം പറഞ്ഞു. ടി.എം. ജഅ്ഫർ ഖിറാഅത്ത് നടത്തി.