മണലിൽ തെന്നി വീണ് ബൈക്ക് യാത്രികർക്ക് പരിക്ക്

താമരശ്ശേരി: ടിപ്പർ ലോറിയിൽ നിന്ന് റോഡിൽ വീണ മണലിൽ തെന്നി വീണ് ബൈക്ക് യാത്രികർക്ക് പരിക്ക്. ബൈക്ക് യാത്രികരായ താമരശ്ശേരി കോരങ്ങാട് രാമേശ്വരം വീട്ടിൽ ശരത്ചന്ദ്രൻ, പിതാവ് ചന്ദ്രൻ എന്നിവരാണ് താമരശ്ശേരി ചുങ്കം ജങ്ഷന് സമീപത്ത് ബൈക്ക് തെന്നി വീണ് പരിക്കേറ്റത്. ഇരുവരെയും താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. അപകടകരമായ രൂപത്തിൽ ലോഡ് കയറ്റി സർവിസ് നടത്തിയ ടിപ്പർ ഡ്രൈവർക്കെതിരെ നടപടി സ്വീകരിക്കുമെന്ന് താമരശ്ശേരി ട്രാഫിക് എസ്.ഐ അബ്ദുൽ നാസർ പറഞ്ഞു.