സംരംഭകത്വ ബോധവത്കരണ ശിൽപശാല

കക്കോടി: വ്യവസായ വാണിജ്യ വകുപ്പും ഗ്രാമപഞ്ചായത്തും നടത്തുന്ന സംരംഭകത്വ ശിൽപശാല മന്ത്രി എ.കെ. ശശീന്ദ്രൻ ഉദ്ഘാടനം ചെയ്തു. വ്യവസായ വികസന ഓഫിസർ മുഹമ്മദ് നയീം, ചേളന്നൂർ ബ്ലോക്ക് വ്യവസായ വികസന ഓഫിസർ എം. സൽന എന്നിവർ ക്ലാസെടുത്തു. ഗ്രാമപഞ്ചായത്ത് പ്രസിഡന്റ് കെ.പി. ഷീബ അധ്യക്ഷത വഹിച്ചു. ജില്ല വ്യവസായ കേന്ദ്രം ജനറൽ മാനേജർ ബിജു പി. എബ്രഹാം മുഖ്യപ്രഭാഷണം നടത്തി. ചേളന്നൂർ ബ്ലോക്ക് സ്ഥിരം സമിതി അധ്യക്ഷയായ സുജ അശോകൻ, ഗ്രാമപഞ്ചായത്ത് സ്ഥിരംസമിതി അധ്യക്ഷരായ താഴത്തയിൽ ജുമൈലത്ത്, കൈതമോളി മോഹനൻ, പുനത്തിൽ മല്ലിക, കുടുംബശ്രീ സി.ഡി.എസ് ചെയർപേഴ്സൻ കെ.കെ. മിനിജ, സഹകരണ ബാങ്ക് പ്രതിനിധി വി. മുകുന്ദൻ, ലീഡിങ് ബാങ്ക് പ്രതിനിധി എം. ജിജി, ഫിജാസ് എന്നിവർ പങ്കെടുത്തു. പഞ്ചായത്ത് വൈസ് പ്രസിഡന്റ് ടി.ടി. വിനോദ് സ്വാഗതവും അസി. സെക്രട്ടറി എൻ. ഭുവനേശ്വരി നന്ദിയും പറഞ്ഞു.