തട്ടി​ക്കൊണ്ടുപോയി മർദിച്ച്​ കവർച്ച: അഞ്ചുപേര്‍ അറസ്റ്റില്‍

മണ്ണുത്തി (തൃശൂർ): നെല്ലിക്കുന്ന് കുറയില്‍നിന്നും ടെമ്പോട്രാവലറും പണവും തട്ടിയെടുത്ത കേസില്‍ അഞ്ചുപേർ അറസ്റ്റിൽ. ചിയ്യാരം കോളശ്ശേരി അമ്പലത്തിന് സമീപം ചെമ്പകപ്പുള്ളി വീട്ടില്‍ രാഹുല്‍ (27), ചിറക്കല്‍ കൊല്ലായില്‍ വീട്ടില്‍ ബിബിന്‍ രാജ് (28), സഹോദരന്‍ അബിന്‍രാജ് (27), കണിമംഗലം മങ്കുഴി ലൈനില്‍ ചിറ്റിലപ്പിള്ളി വീട്ടില്‍ അമല്‍ (22), ലാലൂർ കടവി വീട്ടിൽ ആദർശ് (22) എന്നിവരെയാണ് മണ്ണുത്തി പൊലീസ് അറസ്റ്റ് ചെയ്തത്. പൂമല തേന്‍പിള്ളി വീട്ടില്‍ ഷിനുരാജിനെയാണ്​ (32) പ്രതികൾ തട്ടി​ക്കൊണ്ടുപോയി മർദിച്ച്​ പണം തട്ടിയത്​​. പ്രതികള്‍ നേരത്തെയും ക്രിമിനല്‍ കേസുകളില്‍ ഉൾപ്പെട്ടവരാണ്. കുട്ടുപ്രതികള്‍ക്കായി തിരച്ചില്‍ ഊര്‍ജിതപ്പെടുത്തി. പ്രതികളെ കോടതിയില്‍ ഹാജരാക്കി റിമൻഡ്​ ചെയ്തു. മണ്ണുത്തി സി.ഐ ശശിധരന്‍പിള്ളയുടെ നേതൃത്വത്തില്‍ എസ്.ഐ സുജിത്കുമാര്‍, സീനിയര്‍ സി.പി.ഒമാരായ ഷെറില്‍, രാജേഷ് ബിനുക്കുട്ടന്‍ എന്നിവരും ഷാഡോ പൊലീസിലെ സുവ്രതകുമാര്‍, റാഫി, പഴനിസ്വമി, പ്രദീപ്, സൂനീപ്, നവീന്‍കുമാര്‍, ജിന്‍സണ്‍, റിന്‍സണ്‍ എന്നിവരുമാണ്​ പ്രതികളെ പിടികൂടിയത്​. പടം: tcg mannuthi prathi 1, 2, 3, 4, 5 പിടിയിലായ പ്രതികൾ