സ്റ്റെപ് പദ്ധതി

കൊടുവള്ളി: വലിയപറമ്പ് എ.എം.യു.പി സ്കൂളിന്റെ അക്കാദമികവും ഭൗതികവും സാമൂഹികവുമായ നിലവാരം ഉയർത്തുന്നതിനുള്ള ഉദ്ഘാടനം ബി.പി.ഒ മെഹറലി നിർവഹിച്ചു. പൊതു വിദ്യാഭ്യാസ വകുപ്പിന് കീഴിലുള്ള പ്രീ സ്കൂളുകളെ കുറിച്ചുള്ള ഗവേഷണത്തിന് ഡോക്ടറേറ്റ് ലഭിച്ച ഡയറ്റ് സീനിയർ ലെക്ചററും സബ് ജില്ല അക്കാദമിക് കോഓഡിനേറ്ററുമായ യു.കെ. അബ്ദുൽ നാസറിനെ ആദരിച്ചു. ടി.പി. അബ്ദുസ്സലാം അധ്യക്ഷത വഹിച്ചു. സ്കൂൾ മാനേജർ അബ്ദുൽ മജീദ്, കെ.എ. ആരിഫ്, പി.ഡി. നാസർ, പി.പി. അഷ്കർ, പി. നാസർ എന്നിവർ പ​ങ്കെടുത്തു. വി.പി. റാഫി സ്വാഗതവും സിയാഉറഹ്മാൻ നന്ദിയും പറഞ്ഞു.