കേ​സെടുത്തത്​ പ്രതിഷേധാർഹം -ജനകീയ കൂട്ടായ്മ

കോഴിക്കോട്​: ആവിക്കൽ തോട്​ പ്രദേശത്തെ മലിനജല സംസ്കരണ പ്ലാന്‍റിനെതിരെ പ്രതിഷേധിച്ചവരെ കള്ളക്കേസിൽ കുടുക്കുന്നത്​ പ്രതിഷേധാർഹമെന്ന്​ ജനകീയ കൂട്ടായ്മ. കേസെടുത്ത്​ പേടിപ്പിച്ച്​ സമരത്തിൽനിന്ന്​ പിന്തിരിപ്പിക്കാമെന്ന്​ വ്യാമോഹിക്കേണ്ടെന്ന്​ ആവിക്കൽ തോട്​ ജനകീയ സമിതി യോഗം മുന്നറിയിപ്പ്​ നൽകി. കൗൺസിലർ സൗഫിയ അനീഷ്​ ഉദ്​ഘാടനം ചെയ്തു. സമരസമിതി കൺവീനർ ഇർഫാൻ ഹബീബ്​, ചെയർമാൻ ടി. ദാവൂദ്​, റിയാസ്​, വിവിധ സംഘടന പ്രതിനിധികളായ സിദ്ദീഖ്​ ബിസ്മി, ആഷിക്​, ജിത്തുൻരാജ്​, മുനീർ മരക്കാർ, സുകുമാരൻ, എൻ.പി. ഗഫൂർ, ജ്യോതി കാമ്പുറം എന്നിവർ സംസാരിച്ചു.