കാഷ് അവാർഡുകൾ വിതരണം ചെയ്തു

നാദാപുരം: പ്രധാനമന്ത്രി കൃഷി സിഞ്ചായി യോജനയിൽ ഉൾപ്പെടുത്തി പരിസ്ഥിതി ദിനത്തിൽ എന്റെ ഭൂമി എന്റെ പ്രകൃതി എന്ന വിഷയത്തിൽ നടത്തിയ ഉപന്യാസ മത്സരത്തിലെ വിജയികൾക്ക് സമ്മാനം വിതരണം ചെയ്തു. ഒന്നാം സ്ഥാനം നേടിയ സഞ്ജന വരിക്കൊളി, രണ്ടാം സ്ഥാനം നേടിയ മിത്ര, മൂന്നാം സ്ഥാനം നേടിയ മുഹമ്മദ്‌ സുഹൈൽ എന്നിവർക്ക് ഗ്രാമപഞ്ചായത്ത് പ്രസിഡന്റ് വി.വി. മുഹമ്മദലി കാഷ് അവാർഡ് വിതരണം ചെയ്തു. വൈസ് പ്രസിഡന്റ് അഖില മര്യാട്ട്, പഞ്ചായത്ത് സെക്രട്ടറി ടി. ഷാഹുൽ ഹമീദ്, സ്ഥിരംസമിതി അധ്യക്ഷരായ സി.കെ. നാസർ, എം.സി. സുബൈർ, ജനീദ ഫിർദൗസ്‌, മെംബർ പി.പി. ബാലകൃഷ്ണൻ, വി.ഇ.ഒ സോണിയ സെബാസ്റ്റ്യൻ എന്നിവർ സംബന്ധിച്ചു.