'തണലിടം' ഡേകെയർ സെന്റർ തുറന്നു

ബാലുശ്ശേരി: മാനസിക വെല്ലുവിളി നേരിടുന്നവർക്ക് ബാലുശ്ശേരി ബ്ലോക്ക് പഞ്ചായത്ത് തണലിടം -ഡേകെയർ സെന്റർ തുറന്നു. ബ്ലോക്ക് പഞ്ചായത്ത് 2021-22 വാർഷിക പദ്ധതിയിലുൾപ്പെടുത്തി എട്ടുലക്ഷം ചെലവാക്കിയാണ് ആധുനിക സൗകര്യങ്ങളോടെ ഡേകെയർ സെന്റർ തുറന്നത്. കെട്ടിടത്തിന്റെ ഉദ്ഘാടനം അഡ്വ. കെ.എം. സചിൻദേവ് എം.എൽ.എ നിർവഹിച്ചു. ബ്ലോക്ക് പഞ്ചായത്ത് പ്രസിഡന്റ് വി.കെ. അനിത അധ്യക്ഷത വഹിച്ചു. പനങ്ങാട് പഞ്ചായത്ത് പ്രസിഡന്റ് വി.എം. കുട്ടികൃഷ്ണൻ ഉപഹാര സമർപ്പണം നടത്തി. എക്സിക്യൂട്ടിവ് എൻജിനീയർ അനൂപ് രാജ്, ബ്ലോക്ക് പഞ്ചായത്ത് അംഗങ്ങളായ എം.കെ. വനജ, റംല മാടംവള്ളികുന്നത്ത്, ആലംകോട് സുരേഷ് ബാബു, മെഡിക്കൽ ഓഫിസർ സുരേശൻ, സുരഭി, എം.പി. ദേവദാസ്, അമ്പാടി ബാബുരാജ്, കെ. ആലി മാസ്റ്റർ, ടി. സുധാകരൻ, എം.കെ. ഹമീദ്, കൃഷ്ണൻകുട്ടി എന്നിവർ സംസാരിച്ചു. വൈസ് പ്രസിഡന്റ് ടി.എം. ശശി സ്വാഗതവും സെക്രട്ടറി ജോബി സാലസ് നന്ദിയും പറഞ്ഞു.