പ്രിയദർശിനി ഗ്ലോബൽ കൂട്ടായ്മ നിർമിച്ചുനൽകുന്ന വീടിന് ശിലയിട്ടു

പേരാമ്പ്ര: വാളൂരിൽ പ്രിയദർശിനി ഗ്ലോബൽ കോൺഗ്രസ് കൂട്ടായ്മ നിർമിച്ചുനൽകുന്ന വീടിന്റെ ശിലാസ്ഥാപനം വാളൂരിൽ എം.എൽ.എയും കെ.പി.സി.സി വർക്കിങ് പ്രസിഡന്റുമായ അഡ്വ. ടി. സിദ്ദീഖ് നിർവഹിച്ചു. വാളൂർ പുതിയ മഠത്തിൽ ചോയിക്കും ഭാര്യ ദേവിക്കുമാണ് ഉദാരമതികളായ നാട്ടുകാരുടെയും പ്രവാസി മലയാളികളുടെയും സഹായത്തോടുകൂടി വീട് നിർമാണം സാക്ഷാത്കരിക്കുന്നത്. ചെയർമാൻ കുഞ്ഞബ്ദുല്ല വാളൂർ അധ്യക്ഷത വഹിച്ചു. ഡി.സി.സി ജനറൽ സെക്രട്ടറി രാജൻ മരുതേരി, ഫവാസ് ദാരിമി, ബ്ലോക്ക് കോൺഗ്രസ് പ്രസിഡന്റ് കെ. മധുകൃഷ്ണൻ, മുസ്‍ലിം ലീഗ് പഞ്ചായത്ത് പ്രസിഡന്റ് ടി.പി. നാസർ, ചെക്യോട്ട് അബ്ദുറഹിമാൻ ഹാജി എന്നിവർ സംസാരിച്ചു. കൺവീനർ എം.കെ. ദിനേശൻ സ്വാഗതവും റഷീദ് ചെക്യേലത്ത് നന്ദിയും പറഞ്ഞു. Photo: വാളൂരിൽ പ്രിയദർശിനി ഗ്ലോബൽ കോൺഗ്രസ് കൂട്ടായ്മ നിർമിച്ചുനൽകുന്ന വീടിന്റെ ശിലാസ്ഥാപനം അഡ്വ. ടി. സിദ്ദീഖ് നിർവഹിക്കുന്നു