ആംബുലൻസിലെ ഡ്രൈവർമാരുടെ തൊഴിൽസുരക്ഷ ഉറപ്പാക്കണം

കോഴിക്കോട്​: പാലിയേറ്റിവ് ആംബുലൻസിലെ ഡ്രൈവർമാരുടെ തൊഴിൽസുരക്ഷ ഉറപ്പാക്കണമെന്നും സ്വകാര്യ ആംബുലൻസുകളുടെ ചാർജ് ഏകീകരിക്കണമെന്നും പാലിയേറ്റിവ് ആൻഡ്​ ആംബുലൻസ് ഡ്രൈവർമാരുടെ ജില്ല കൺവെൻഷൻ ആവശ്യപ്പെട്ടു. ഓട്ടോ-ടാക്സി ലൈറ്റ് മോട്ടോർ വർക്കേഴ്സ് യൂനിയൻ ജില്ല പ്രസിഡന്റ് പി.കെ. പ്രേമനാഥ് ഉദ്ഘാടനം ചെയ്തു. കെ.കെ മമ്മു അധ്യക്ഷത വഹിച്ചു. വേണു കക്കട്ടിൽ, സി.കെ. പ്രമോദ്, രാജൻ തോലേരി, ബഷീർ നരിക്കുനി, ബിജേഷ് എന്നിവർ സംസാരിച്ചു. പി. രഞ്​ജിത്ത് സ്വാഗതം പറഞ്ഞു.